Дубайдаги учинчи ўртоқлик ўйинида Хитойнинг “Тяньцзинь Теда” клуби билан муроса кўчаси танланди – 1:1. Бунга қадар “Ал-Урооба” ҳамда “Ханжоу Гринтаун” клублари йирик ҳисобларда мағлуб этилганди.
Бошланғич таркиб аввалги беллашувдагидан кескин фарқ қилди. Игнатий Нестеровни инобатга олмаганда, майдондаги футболчиларнинг барчаси алмаштирилди. Фақатгина 60-дақиқага келиб мураббийлар штаби бирданига 7 та ўзгаришни амалга оширишди. Бунда табиийки, ўйин услуби ҳам кескин ўзгарди. Энди “Локомотив” аъзолари бошқа тактикада ҳаракат қила бошлашди.
Ўйинда ҳисоб 15-дақиқага келиб Марат Бикмаев томонидан очилди. Чин ўлкаси вакиллари ўз жарима майдончалари ичида ҳужумчини қўполлик билан тўхтатиб қолишди ва пенальтини ҳам жабрланувчининг ўзи амалга оширди. Беллашув якунига 15 дақиқа қолганида эса хитойликлар орадаги фарқни йўққа чиқаришди.
Мазкур беллашувда кичик жароҳатлари сабаб Неманья Яничич ҳамда Кахи Махарадзе, шунингдек, бирозгина бетоблиги учун Ислом Тўхтахўжаев иштирок этишмади. Кейинги ўйин Нестеровсиз ўтишини инобатга олган мураббийлар қолган икки посбон – Маъмур Икромов ва Сарвар Каримовни асрашни маъқул кўришди. Навбатдаги ўйин 14 февраль куни Хитой Суперлигасининг бошқа бир вакили “Чанчунь Ятай”га қарши бўлиб ўтади. Сервер Жепаров, Марат Бикмаев, Жасур Ҳасанов, Санжар Шоаҳмедов, Ислом Тўхтахўжаев, Игнатий Нестеров каби футболчилар эртага терма жамоа йиғинига қўшилишини инобатга олсак, улар Анзур Исмоилов ҳаракат қиладиган Хитой клубига қарши ўйнай олишмайди.
ЛОКОМОТИВ (Ўзбекистон) – ТЯНЬЦЗИНЬ ТЕДА (Хитой) 1:1
Голлар: Марат Бикмаев, 15-пен (1:0). Тяньцзин, 75 (1:1).
“Локомотив”: Игнатий Нестеров — Салим Мустафоев (Олег Зотеев, 60), Сергей Прохоров, Хуршид Мухторов, Жасур Ҳасанов_16 (Икром Алибоев, 60) — Шерзод Файзиев (Санжар Шоаҳмедов, 60), Қувондиқ Рўзиев (Тимур Кападзе, 60), Садриддин Абдуллаев (Сервер Жепаров, 60) — Жасур Ҳасанов, Дониёр Усмонов (Сардор Мирзаев, 60), Марат Бикмаев (Темурхўжа Абдуҳолиқов, 60).
2016 йилдаги ўртоқлик ўйинлари
15 январь, 2016 Ал-Аҳли (Саудия Арабистони) – Локомотив 0:0
19 январь, 2016 Хенан Жианье (Хитой) – Локомотив 0:0
22 январь, 2016 Словакия U-21 – Локомотив 0:2
5 февраль, 2016 Ал-Урооба – Локомотив 1:5
10 февраль, 2016 Ханжоу Гринтаун – Локомотив 0:3
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
