Футзал бўйича Ўзбекистон терма жамоаси ўз тарихида илк марта Жаҳон чемпионати йўлланмасини қўлга киритишга муваффақ бўлди. Хосе Мария Мендез шогирдлари бугун бўлиб ўтган Осиё чемпионатининг чорак финалида Ироқни мағлуб этишди.
Учрашувни терма жамоамиз рақибга босим ўтказиш билан бошлади. Ироқликлар ушбу босимга дош беришди ва аста-секин вазиятлар ярата бошлашди. Мусобақани жуда яхши савияда ўтказаётган Рустам Умаров бугун ҳам бизни жуда кўп вазиятларда қутқарди. Терма жамоамиз томонидан яратилган вазиятлар эса тайм тугашига 1 дақиқаю 20 сония қолганида ўз самарасини берди. Дилшод Раҳматовнинг зарбасидан сўнг тўп тўсинга тегиб, сўнг тўрга тушди.
Иккинчи бўлимда ҳимоядаги хатоларни камайтиришга муваффақ бўлдик. 31-дақиқада эса бурчак тўпи пайтида комбинацияни Нодир Элибоев гол билан якунлади ва ҳисобни 2:0 кўринишига келтирди.
Ўйин тугашига 8 дақиқа қолганида ироқликлар бешинчи ўйинчи тактикасидан фойдалана бошлади, бироқ улар бундан наф чиқара олишмади. Аксинча, ўйин сўнгида Раҳматов Абдумавлоновдан узатма қабул қилди ҳамда бир ҳимоячини алдаб ўтиб, дарвозабон билан бирга-бир вазиятда дарвозани ишғол қилди.
Шу тариқа, Ўзбекистон миллий терма жамоаси Колумбияда ўтадиган Жаҳон чемпионатида иштирок этиш ҳуқуқига эга бўлди. Жамоамиз Осиё чемпионатининг ярим финалида Таиландга қарши баҳс олиб боради. Таиланд чорак финалда Австралияни 6:1 ҳисобида мағлуб этди.
Футзал бўйича Осиё чемпионати, Чорак финал
ЎЗБЕКИСТОН - ИРОҚ - 3:0 (ОНЛАЙН ТРАНСЛЯЦИЯ)
Голлар: Дилшод Раҳматов (18, 39), Нодир Элибоев (31)
Огоҳлантиришлар: Жамолиддин Шарипов (6), Артур Юнусов (40) — Волид Холид (17), Рафид Ҳамид (27), Муҳаммад Нур (27)
Четлатиш: Рафид Ҳамид (40, иккинчи огоҳлантириш)
Ўзбекистон: 1.Рустам Умаров, 7.Дилшод Раҳматов, 8.Фарҳод Абдумавлонов, 11.Артур Юнусов, 14.Константин Свиридов
Захира: 2.Дилшод Ирсалиев, 3.Нодир Элибоев, 4.Феруз Фахриддинов, 5.Даврон Чориев, 6.Жавлон Аноров, 9.Андрей Шлёма, 10.Жамолиддин Шарипов, 12.Акмал Ҳазратқулов, 13.Клим Тюгаев
Ироқ: 4.Муҳаммад Нур Неамаҳ, 5.Ҳусайн аз-Зубайдий, 8.Ҳасан Жаббор, 11.Рафид Эйса, 14.Волид Фаҳим
Захира: 2.Мустафо Ҳамза, 3.Фирас Обид, 6.Абулфозил Баиуй, 7.Салим Обид, 9.Моҳир Аббос, 10.Амжад Хведе, 12.Умар Жума, 13.Саиф Муҳаммад
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
