Европада футбол жамоасининг тўлақонли фаолият юритишида клуб дўконларининг ҳам улуши бор. Дейлик, Испания примероси ва сегундасининг деярли ҳар бир иштирокчисида шахсий дўконлари бор ва уларда футболка ёхуд клубнинг расмий рангига мувофиқ келувчи шарфлар сотиш билан чекланмайдилар. Қисқаси, футбол жамоасига қарашли дўконларда маҳсулотлар хилма-хил. Хусусан, улар орасида ҳайратни оширадиган (яъни спортга мутлақо дахлсиз) нарсалар ҳам бор. Қўшимча қилиш жоиз, бундай дўконлар онлайн тизимида савдо қилади.
Примеро дебютанти - «Лас-Пальмас» ўз дўконида мухлисларга қалпоқ тавсия этади, гарчи Канар ороллари иқлими анча иссиқ бўлсада. У ерда чўмилиш мавсуми йил бўйи давом этади. Шундай экан, клуб дўконидан пляж сочиқларини харид қилиш мумкин. Шунингдек, енгил оёқ кийимини ҳам. «Лас-Пальмас»ни бундай маҳсулотлар билан асосан вьетнамлик хусусий тадбиркорлар таъминлаб туришади.
--------------------------------------------------------------------------
Яна бир дебютант - «Спортинг» дўконида атиги 6 евро тўлаб, «фрисби» ўйинига мўлжалланган дисклар харид қилиш имконияти бор. Клуб чўмилиш учун зарур нарсалар тўпламини ҳам сотувга чиқарган - шампунь, гель, крем, ҳаттоки, ванна учун туз ҳам. Астурияда маҳаллий ичимлик машҳур. Демак, дўконда турли стаканлар сотилиши табиий ҳол. Уларнинг нархи 2,5-20 евро атрофида.
---------------------------------------------------------------------------
Сизда ҳаммом халати йўқми? Унда «Эспаньол» сайтига мурожаат этинг. Тўғри, унинг нархи харидорни чўчитиб юборади - 54 евро.
---------------------------------------------------------------------------
«Гранада»га тегишли онлайн-дўкон орқали шарбат тайёрловчи қурилмага буюртма бериш мумкин. Энг асосийси, шундай инқирозли ҳолатда ҳам бу матоҳнинг нархи жуда арзон - бир евро ҳам эмас. Қойилмисиз. «Гранада» шунингдек, 12 евро эвазига чойнак-чашка ва ликопча тўпламини сотишга илҳақ.
--------------------------------------------------------------------------
«Жирон» клуби эса ўз навбатида, махсус чой тавсия этади. Бунинг учун 4 еврога эга бўлсангиз, бас. Оддий чой эмас, турли мевалар таъмини берувчи хўшбўй чой.
--------------------------------------------------------------------------
Болалар - ҳаёт гуллари. Испаниянинг деярли ҳар бир клуби сайтига кириб, ўз фарзандингизни бошдан оёқ кийинтиришингиз мумкин. Дейлик, «Кордоба»дўконидан болалар аравачаси сотиб олсангиз бўлади. Фақат 153 евро санаб беришингизга тўғри келади.
---------------------------------------------------------------------------
«Реал Сосьедад» дўкони ҳам бой. Ҳаттоки, 15 еврога чақалоқлар сўрғичи ва махсус сут идиши харид қилиш имконияти бор. Умуман, бу клуб болаларга мўлжалланган маҳсулотларга кўпроқ эътибор қаратади, чоғи.
---------------------------------------------------------------------------
52 евро тўлаб, ўзингизни Флорентино Перес ролида синаб кўришингиз мумкин. Бунинг учун мияни ўзгартириш шарт эмас. Шунчаки, махсус диск харид қилсангиз кифоя қилади. «Реал» дўконида яна стол футболига мўлжалланган кичкина қурилма ҳам бор. Нархи чўнтакбоп - 37 евро.
---------------------------------------------------------------------------
«Севилья» спорт директори Мончининг трансферлардан қанча топишини ҳисоблаш вақти келдими? Унда клуб дўконига кириб, 5 евро тўлангда, қўлингизга калькулятор олинг.
---------------------------------------------------------------------------
Яна «Реал» сайтига қайтамиз. Зеро, у орқали нима керак бўлса, барчасини топиш мумкин. Дейлик, бежирим қўл соатлари, бўйинбоғ учун кумушранг қисқич (албатта, клуб эмблемаси туширилган) ва ҳоказо...
---------------------------------------------------------------------------
Сайёҳлар ортга эсдалик учун совға билан қайтишни истасалар, «Реал»дўконидан клуб рамзи туширилган турли ўйинчоқларни сотиб олишлари мумкин.
---------------------------------------------------------------------------
«Депортиво» клубида масъулият ҳисси қандайлигини яхши тушунишади. Ҳарқалай, клуб дўконида Галисия байроғи акс эттирилган сардорлик боғичи сотувга чиқарилган. Нархи - 10 евро.
«Атлетик» ходимларига қойил. Улар бизнеснинг ажойиб усулидан фойдаланишмоқда. Хуллас, клуб дўконида аллақачон 100 йиллик юбилейини нишонлаган эски «Сан Мамес» стадионининг майсаси сотилмоқда. Баскония тарихининг бир бўлакчаси учун 35 евро тўлаш лозим.
----------------------------------------------------------------------------
«Мирандес» клуби дўкони ошхона буюмларига ихтисослашгандек таассурот уйғотади. У ерда чиройлигина фартук 20 евродан сотилади. Энг қизиғи, клуб футболкасининг нархи бундан икки баравар арзон - 10 евро.
--------------------------------------------------------------------------
Айтганча, футболкалар ҳақида: энг ажабланарли дизайнга эга формалардан бири «Луго» клубига тегишли. Жамоа ўз мухлисларига оригинал формани 45 еврога тавсия этади.
---------------------------------------------------------------------------
Диего Симеоне жамоасида йўлга қўйилган тартибли механизмнинг қайсидир қисми бузилса нима бўлади? Аргентиналик мутахассис дарҳол уни таъмирлайди. Хуллас, «Атлетико» дўконида асбоб-анжомларнинг тўлиқ тўплами сотувга қўйилган.
--------------------------------------------------------------------------
Ниҳоят, «Вальядолид». Клуб чарчоқни ёзиш учун уйингизга ёқимли ҳид таратишингизни тавсия этади. Қисқаси, бунинг учун махсус шамларни сотувга чиқарган.
Манба: Sports.ru, А. АҲМЕДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Нефтчи
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
