Жорий мавсум Осиё Чемпионлар Лигаси анча шиддатли ўйинлар билан бошланди. Клубларимизнинг Саудия жамоалари билан тенгма-тенг ўйнашгани кишини хурсанд қилди, албатта. Демак, қуйида 1-тур ўйинларига боғлиқ фактлар ва статистик кўрсаткичлар билан танишиб чиқамиз.
«A» гуруҳи
«Локомотив»нинг ОЧЛ саралаш ўйинлари ва гуруҳ босқичида урган жами 14та голи қуйидаги футболчилар ҳисобига ёзилган: 2013 йил - Виктор Карпенко, Акмал Холматов; 2014 йил - Иван Нагаев; 2015 йил - Сардор Мирзаев, Олег Зотеев, Дамир Кояшевич (2та), Жасур Ҳасанов кичик, Марат Бикмаев (2та), Санжар Шоаҳметов, Руслан Корян, Темурхўжа Абдухолиқов; 2016 йил - Сардор Мирзаев.
Сардор Мирзаев. Бу футболчи ўтган мавсум ҳам жамоанинг турнирдаги 1-голини урганди.
Жасур Ҳасанов ОЧЛдаги 9-мавсуми стартини анча вақтгача эслаб юрса керак. Чунки шу пайтгача мазкур турнирда 34та ўйин ўтказган 32 ёшли ярим ҳимоячи илк марта майдондан четлатилди. Жасур мазкур турнирда 3 марта (2009, 2010 ва 2012 йиллар) сариқ карточка олганди. Умуман, у ОЧЛда жами 2675 дақиқа ҳаракатланиб, 3та гол урган.
Бўйи атиги 167 сантиметрга тенг ҳужумчи Фаҳад ал Муваллад (1994 йил 14 сентябрда туғилган) ОЧЛдаги 10-ўйинида майдондан четлатилди. Бу унинг учун профессионал фаолиятидаги илк қизил карточкадир.
Австралиялик Бенжамин Уильямс «темирйўлчилар» иштирокидаги ўйинни 2-марта бошқарди.
Лусиано Перейра Мендес (Чимба). 2014 йил 3 июлда 2 млн. доллар эвазига «Сепаҳон» билан 2 йиллик шартнома имзолаган ушбу футболчи ОЧЛ-2014да «Фулад» учун 5та ўйинда 6та гол урганди. Бу унинг тўпурарлар баҳсида 3-ўринни олишини таъминлаганди. Мана, янги мавсум стартида «дубл»га эришиб, Эрон клубларида урган голлари сонини 42тага етказиб олди.
«Ал-Иттиҳод» ОЧЛдаги 78-ўйинида 16-марта дуранг қайд этди.
«Сепаҳон» ОЧЛдаги 73-ўйинида 35-ғалабасини нишонлади.
«B» гуруҳи
Эрон про-лигаси тўпурарлари рейтингида 100та гол билан 3-ўринда бораётганМеҳди Ражабзода жонажон клуби - «Зоб-Оҳан» учун ОЧЛда 2та гол урган. Бундан ташқари, «Мес Кермон» сафида ҳам ОЧЛда ўйнаб, ўз ҳисобига 4та гол ёзиб қўйган. У жумладан, БАА клубларини 3 марта ранжитган.
Достон Ҳамдамов (1996 йил 24 июлда туғилган) ОЧЛда жами 8та ўйинда (512 дақиқа) қатнашиб, 2та гол урди. Ўтган мавсум 6та ўйинда майдонга тушган Достон голлари ҳисобини очолмаганди.
«Бунёдкор» ОЧЛдаги 68-ўйинида 19-марта дуранг қайд этди.
«C» гуруҳи
«Пахтакор» янгиланган форматдаги турнирда 76-ўйинини ўтказди. Ушбу нуфузли турнирда 13-марта иштирок этаётган клуб статистикаси қуйидагича: 32та ғалаба, 16та дуранг, 28та мағлубият ва тўплар нисбати -101-98. ОЧЛда гол қўйиб юбориш бўйича айнан «шерлар» 1-ўринда.
Игорь Сергеев «Пахтакор»нинг ОЧЛдаги 100-голи муаллифига айланди.
«Тракторсози» ОЧЛда илк марта йирик ҳисобда ғалаба қозонди.
2014 йили «Фулад» сафида тўп сурган Бахтиёр Раҳмони ОЧЛда «Ал-Фотиҳ» ва «Ал-Жаиш» жамоалари дарвозасини ишғол қилганди. Энди «Тракторсози» сафида бирданига «дубль» қайд этиб қўя қолди.
«D» гуруҳи
2014 йил сентябрда «Ал-Жаиш» сафига 7,5 млн. евро эвазига қўшилганРомариньо Рикардо (1990 йил 12 декабрда туғилган) ғалаба голини урди.
39 ёшли япониялик Минору Тожо ўтган мавсум ҳам гуруҳ босқичида «Ал-Аҳли» иштирокидаги ўйинни бошқарганди. Ўшанда саудияликлар сафарда «Ал-Шабаб»ни 1:0 ҳисобида енгишганди.
«Ал-Айн» ОЧЛдаги 74-ўйинида 23-марта мағлуб бўлди.
Омар ал Сома ОЧЛда 8та, ОФК кубогида эса («Ал-Қодисия» сафида) 13та гол урган.
«E» гуруҳи
«Токио» ОЧЛда кетма-кет 3- марта мағлуб бўлди. Энг қизиғи, япон клуби мағлубиятли серияга қадар 3та ғалаба ва 2та дуранг қайд этганди.
«Чонбук Хюндай Моторс» ҳужумчиси Ли Дон Гук ОЧЛдаги 28-голини нишонлади. Бу турнир рекордидир. Корейс ҳужумчиси ўз голларини 7 мавсум давомида урган.
«Чонбук Хюндай Моторс» ОЧЛдаги 78-ўйинида ғалабалар сонини 40тага етказди.
«Бин Дуонг» ОЧЛда 3-марта дуранг қайд этди. Жамоа ягона ғалабаси (1:0)ни «Кашива Рейсол»га қарши баҳсда нишонлаганди.
«F» гуруҳи
«Санфречче Хиросима» ОЧЛдаги илк қадамини мағлубият (0:1) билан ташлаганди. Ўшанда ҳам жамоага «Шандонг Луненг» рақиб бўлганди. Клублар ўртасидаги сўнгги ЖЧда иштирок этган ушбу клуб ОЧЛда 6та ғалаба, 6та дуранг ва 9та мағлубият қайд этган.
«Сеул»нинг 28 ёшли ҳужумчиси Карлос Адриано ОЧЛда «покер» ёки «флэш»га эришган 12-футболчи бўлди.
«Сеул»нинг фахрий ҳужумчиси Деян Дамьянович ОЧЛда ушбу клуб учун 18та, «Пекин Гуоан» учун эса 2та гол урган. Умуман олсак, у турнирда 41 марта майдонга тушган.
«G» гуруҳи
«Гамба Осака» ОЧЛ-2010ни дуранг (0:0) билан бошлаганди. Ўшанда ҳам бу жамоага «Сувон Самсунг Блюингз» рақиб бўлганди.
«Мельбурн Виктори»нинг 22 ёшли ҳужумчиси Жай Ингхэм турнирдаги дебют ўйинидаёқ гол урди.
«Шанхай Теллэйс» вакили Ву Лей жорий мавсум Осиё ареналарида 3та гол уришга улгурди.
«H» гуруҳи
«Урава Ред Даймондс» ниҳоят, Австралиянинг «Сидней» клубини таслим этди. Олдинги ўзаро ўйинларда 2:2 ва 0:0 ҳисоблари кузатилганди.
Юки Муто «Урава Ред Даймондс» учун ОЧЛ баҳсларида жами 4та гол урган.
Ҳакамлар масаласи
1-турда ўзбекистонлик ҳакамларга эҳтиёж сезилмади. Япония, Ж.Корея, Қатар ва Ироқдан эса 2 нафардан ҳакам айнан битта гуруҳ ўйинларини бошқарди. Дейлик, австралияликлар юртимиз клублари («Локомотив» ва «Пахтакор») иштирокидаги ўйинларни бошқаришди. 16та ўйинга 11та мамлакатдан рефери жалб этилгани Осиёдаги барча чемпионатларда ҳакамлик бирдек ривожланмаганлигини кўрсатади.
Захира ўриндиҒи улуши
1-турда 5та гол захирадан тушган футболчилар ҳисобига ёзилди. Умуман, турнирдаги 32та клубдан фақат 5тасида футболчилар «жокер»ликни қойиллатишди. Жами голларнинг 11,4 фоизи (44тадан 5таси) айнан захира вакиллари ҳисобига тўғри келди. Ўтган мавсум 1-турда «жокер»лар 4та гол қайд этишганди.
МинтаҚа ва миллий чемпионатлар бўйича таҳлил
Эрон вакиллари турнирни ниҳоятда кўтаринки руҳда бошлашди. Хитойликлар аксинча, барчани ажаблантиришди. Ваҳоланки, улар ўтган мавсум 1-турда 100 фоизли натижа кўрсатгандилар. БАА ва Ўзбекистон вакиллари эса бирорта ғалабани қўлга киритолмадилар.
«Покер» ва «пента-трик» («флэш») муаллифлари
Шу пайтгача ОЧЛда 58 нафар футболчи томонидан «хет-трик» қайд этилган. Юртдошларимиздан фақатгина Одил Аҳмедов «Пахтакор» сафида тўп суриб юрган кезлари, аниқроғи, 2010 йил 13 апрелда «Ал-Айн» (БАА) дарвозасига 3та гол урганди. «Бунёдкор» сафида битта ўйинда 3та голга муаллифлик қилган чилилик Хосе Луис Вильянуэвани ҳам мухлисларимиз унутмаган бўлсалар керак. Унинг бу голлари 2008 йил 24 сентябрда «Сайпа»ни 5:1 ҳисобида таслим этишда жуда қўл келганди.
ОЧЛнинг 1та ўйинида 4та ёки 5та гол урган футболчилар
Футболчи (голлар сони) Клуби Рақиб Ҳисоб Сана
Магно Алвеш (5та) «Гамба Осака» «Да Нанг» 15-0 2006 йил 22 март
Хао Хайдонг (4та) «Дальян Шайд» «Осотсапа» 7-1 2003 йил 12 март
Денис Лактионов (4та) «Сеонгнам Ильва Чунма» «Персик Кедири» 15-0 2004 йил 11 май
Ясенко Сабитович (4та) «Сеонгнам Ильва Чунма» «Персик Кедири» 15-0 2004 йил 11 май
Муҳаммад ал Зено (4та) «Ал-Жаиш» (Сурия) «Ал-Завра» 5-1 2005 йил 5 апрель
Фернандиньо (4та) «Гамба Осака» «Да Нанг» 15-0 2006 йил 22 март
Коне Кассим (4та) «Крунг Тай Банк» «Нам Динь» 9-1 2008 йил 9 апрель
Нантават Тансопа (4та) «Крунг Тай Банк» «Пекин Гуоан» 5-3 2008 йил 21 май
Ли Дон Гук (4та) «Чонбук Хюндай Моторс» «Серезо Осака» 6-1 2011 йил 27 сентябрь
Рикардо Оливейра (4та) «Ал-Жазира» «Ал-Райан» 4-3 2012 йил 16 май
Йо Бюнг Су (4та) «Ал-Ҳилол» «Бани Яс» 7-1 2012 йил 23 май
Карлос Адриано (4та) «Сеул» «Бурирам Ю.» 6-0 2016 йил 23 февраль
ФИКРАТ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
