"Бунёдкор” – “Зоб-Аҳан” учрашуви олдидан ташкил этилган матбуот анжуманининг иккинчи қисмида “қалдирғочлар” иштирок этишди.
“Бунёдкор” бош мураббийи Сергей Ивановичга ҳужумчи Баҳодир Насимов хамроҳлик қилди.
- Эртага яхши ўйин бўлишини кутяпман. Баҳс ҳар иккала жамоа учун жуда қийин ўтишини таҳмин қилиш қийин эмас. “Зоб-Аҳан” қарши ҳужумларда яхши ҳаракат қиладиган, тартибли жамоа. Жуда кам хатолар қилади. Лекин ўзига яраша камчиликлари ҳам бор. Эрон футболи ҳақида кўпроқ Баҳодир Насимов Сизларга маълумот бергани маъқул.
- “Бунёдкор”ни натижалари худди ўтган йилги иштирокни эсга солмоқда...
- Буни вақт кўрсатади. Мен жамоамдан мамнунман. Йигитлар машғулотларда яхши ишлашмоқда. Эртага мухлисларимиз кўмаги остида ўйнаймиз. Мухлислар далдаси биз учун муҳим. Ўйлайманки, бу йилги натижаларимиз бошқача бўлади.
- “Бунёдкор” ОЧЛдаги сўнгги тўртта уй учрашувда 0:1 ҳисобида имкониятни бой берди. Бу қандайдир тасодифми?
- Аввалги уй ўйинларимизда пенальтилардан голлар ўтказдик. Лекин рақибга қараганда кўпроқ вазиятлар яратгандик. Қандайдир омадимиз чопмади. Масалан, эртага бешта гол уришимиз ҳам мумкин. Футболда олдиндан ҳеч нарса деб бўлмайди. Бу – спорт, унда ҳамма нарса бўлиши мумкин.
- “Зоб-Аҳан”ни камчиликлари ҳақида ҳам маълумот йиғдингизми?
- “Зоб-Аҳан” – ишлаб турган машина! Улар кучли ва бақувват йигитларга эга. Деярли хато қилмайди. Рақибни яхши ўргандик. Уларнинг камчиликлари ҳақида ҳозир айтолмайман.
- Голли вазиятлардан самарали фойдаланиш борасида машғулотларда қандай ишлар қилинади?
- Ишонинг, биз жуда кўп меҳнат қиламиз. Умумий машғулотлардан ташқари, ҳар бир чизиқ вакиллари билан индвидуал тарзда иш олиб борамиз. Мана олдимда ҳужумчи ўтирибди. Баҳодир Насимов айтиб бериши мумкин машғулотларимиз қандайлигини.
Баҳодир Насимов (“Бунёдкор” ҳужумчиси): - Эрон чемпионатидаги тажрибамдан келиб чиқиб шуни айтаманки, форслар асосан ҳимояга эътибор қаратишади. “Падидеҳ”да мен билан ўйнаган иккита собиқ жамоадошим бугунги кунда “Зоб-Аҳан”да тўп тепишмоқда. Улар ҳимоя чизиғида ҳаракат қилишади. Ўзи Эронда майдонга тушган барча 11та футболчи ҳам ҳимояда, ҳам ҳужумда ўйнайди. Уларнинг энг асосий мақсади – ютқазмаслик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
