Кеча жамоамиз Наманганда “Навбаҳор”га қарши майдонга тушиб, кичик ҳисобда ғалаба қозонди. Ўйиндаги ягона голни 69-дақиқада Отабек Зокиров киритди.
Қуйида ушбу ўйиндан тайёрланган фотомақола билан танишинг:
Ўйиндан олдин жамоамиз аъзолари эсдалик учун суратга тушишди.
Зокир Қодиров бошчилигидаги ҳакамлар ва ҳар икки жамоа сардорлари – (Хайрулла Каримов ва Андрей Бакланов) ўйинни ким бошлаб беришига ойдинлик киритишмоқда. Бунда омад мезбонларга кулиб боқди.
Учрашув давомида мезбонлар мана шундай шиддати ҳужумларни кўплаб яратишди. Лекин уларнинг барча уринишлари бесамар якунланди.
18-дақиқада “Қўқон-1912” дарвозаси томон пенальти белгиланди. Аммо Александр Пишур ўн бир метрли нуқтадан гол ура олмади. Андрей Бакланов украиналик футболчининг зарбасини қайтаришга эришди. Хайрулла Каримовга эътибор беринг. У жамоадошининг гол ура олмаслигини билганмикан?
Умуман олганда, жамоасини бир нечта муқаррар голлардан сақлаб қолган Бакланов “дарвозабон-ярим жамоа” деган мақол нақадар тўғри эканлигини исботлади. Кейинги баҳсларда ҳам Андрейдан мана шундай ишончли ўйин кутиб қоламиз.
Муроджон Исмоиловнинг ўйинга танлаган тактикаси ўзини оқлади. Ришид Ғофуров эса ҳайрон. Унинг жамоаси Наманганда ҳали ғалаба қозона олгани йўқ.
Фурқат Ҳасанбоев ўзининг ҳаракатлари билан ғалабага муносиб ҳисса қўшди.
Абдуллоҳ Олимов ҳам ўзнинг фаоллиги билан ажралиб турди.
Наврўз Алимовга бу сафар ҳам гол уриш насиб этмади. Лекин мезбонлар ҳимоячиларини доим таҳликада ушлаб турди.
Баҳодир Акрамов икки рақиб қуршовида.
“Навбаҳор” сардори Хайрулла Каримов ўйин давомида шерикларига кўрсатма бериб турди. Лекин бундан ҳеч қандай наф чиқмади.
Отабек Зокиров тўп билан.
Ёш футболчимизни мана шундай тарзда кутиб олишди. Аммо у барибир ўз сўзини айтди.
Мана шу жарима тўпидан кейин ҳисоб очилди. Отабек Зокировнинг қойилмақом зарбаси олдидан мезбонлар посбони ожиз қолди.
Гол завқи барибир бошқача бўлади.
Кореялик легионер Чойнинг майдонга тушишини наманганлик мухлислар олқишлар билан кутиб олишди.
Чой майдонга тушгач, “Навбаҳор”нинг барча стандарт вазиятларини бажариш унинг зиммасига тушди.
Ўзимизнинг ёш футболчиларимиз кореялик ўйинчига умуман имконият қолдиришмади.
Шу куни Наманганга ташриф буюрган қўқонлик футбол мухлислари уйларига хурсанд ҳолда қайтиб келишди. Уларнинг қўллаб-қувватлашлари футболчиларимизга қўшимча куч ато этгани шубҳасиз. Биз сизлар билан фахрланамиз.
Таблодаги мана шу ҳисоб наманганлик футбол ишқибозларининг кўнглини хира қилгани аниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
