Бугун жаҳон чемпионати саралаш босқичи доирасида Ўзбекистон ва Баҳрайн терма жамоалари майдонга тушишади. Биз ўйинга оид 20 та фактни эътиборингизга хавола этамиз.
1. Ўзбекистон – Баҳрайн терма жамоалари шу кунга қадар 10 марта тўқнаш келишган. 3 ўйинда Ўзбекистон, 2 учрашувда Баҳрайн ғалаба қозонган бўлса, қолган бешта беллашувда жамалар муроса кўчасини танлашган. Тўплар нисбати 14:8 бизникилар фойдасига!
2. Ушбу термалар Тошкентда уч марта учрашишган. Ҳар иккала жамоа ҳам бир мартадан 1:0 ҳисобида ғалаба қозонишган бўлса, яна бир баҳсда 1:1 ҳисоби қайд этилган.
3. Ўзбекистон – Баҳрайн учрашувларида 16 нафар футболчи ўз номини таблога ёздириб қўйган. Ўзбекистонликлардан 10 та, Баҳрайнликлардан 6 та футболчи.
4. Александр Гейнрих ушбу тўқнашувларда энг кўп гол урган футболчидир. У Баҳрайн дарвозасига 3 та гол урган.
5. Баҳодир Сейткамолов Баҳрайнга бир ўйинда иккита гол урган ягона футболчимиздир. У 2001 йили „Мердека“ кубогида „дубл“ қайд этган.
6. Ўзбекистоннинг қолган голлари қуйидаги футболчиларга тегишли. Максим Шацких ва Одил Аҳмедов 2 тадан, Владимир Шишелов, Миржалол Қосимов, Олим Навкаров, Игор Сергеев, Сардор Рашидов ва Элдор Шомуродовда биттадан.
7. Аъло Хубайл ва Маҳмуд Абдулраҳмон Ўзбекистонга қарши ўйинларда иккитадан гол уришган.
8. Аъло Хубайл Ўзбекистонга қарши ўйинда “дубл”га эришган Баҳрайнлик ягона футболчидир. У 2004 йилги Осиё кубогида Евгений Софонов қўриқлаган дарвозани икки бор аниқ нишонга олган.
9. Баҳрайннинг қолган голларини Талал Юсуф, Февзи Муборак, Хусайн Салмон ва Салмон Исолар уришган.
10. Элдор Шомуродов ушбу термалар ўйинларида захирадан майдонга тушиб гол урган ягона футболчи. У ўтган йили ЖЧ саралаш босқичида 87-дақиқада захирадан майдонга тушиб, 90+5-дақиқада ўз ҳисобига гол ёзидириб қўйган эди.
11. Сервер Жепаров ушбу жамоалар тўқнашувида 11 метрлик жарима зарбасидан унумли фойдалана олмаган ягона футболчи.
12. Баҳрайнга қарши ўйинларда термамизни 6 нафар мураббий бошқараган.
13. Баҳрайнликлар фақатгина Миржалол Қосимов мураббийлигидаги термамиз устидан ғалабага эришишган. “Ўзбек Марадонаси” шогирдлари Баҳрайн билан 3 марта тўқнаш келиб, 1 дуранг ва икки мағлубият қайд этишган. Тўплар нисбати 0:2.
14. Термамизнинг қолган мураббийлари натижалари Владимир Салков (1 ғалаба), Равшан Хайдаров (1 дуранг), Роберт Хафтон (1 ғалаба, 2 дуранг), Вадим Абрамов (1 ғалаба, 1 дуранг) ва Самвел Бабаян (1 ғ алаба)
15. Баҳрайнликлар энг кўп Абрамов мураббийлик қилган жамоамиздан жабр кўришган. Вадим Абрамов шогирдлари Баҳрайнга икки ўйинда 5 та гол “совға” қилишган.
16. Ўзбекистон ва Баҳрайн ўйинларида ҳакамлар 32 марта сариқ карточка кўрсатишган. Бу борада ҳисоб 17:15 вакилларимиз фойдасига.
17. Термамизнинг 17 та сариқ карточкаси 15 нафар футболчига тегишли. Анзур Исмоилов ва Одил Аҳмедов бу борада етакчилар. Улар икки мартадан огоҳлантирилишган.
18. Баҳрайн сафида эса 15 сариқни 12 футболчи олган. Хусайн Бобо, Саид Жалол ва Муҳаммад Салмин иккитадан огоҳлантириш олишган.
19. Александр Гейнрих ушбу тўқнашувда қизил карточка олган ягона футболчи.
20. Тошкентда ўтказилган 3 та беллашувга жами 140 мингта томошабин ташриф буюрган. Ўртача ҳар бир ўйинга 46 мингтадан мухлис тўғри келади.
Фурқат Юсупов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
