Испания чемпионати 33-турида «Барселона» ўз майдонида «Валенсия»га 1:2 ҳисобида мағлуб бўлиб, «Атлетико» ва «Реал»дан устунлигини йўққа чиқарди. «Sports.ru» нашри «Барселона»нинг инқирозини рақамлар билан изоҳлаб берди.
– «Барселона» Ла Лига доирасида кетма-кет уч ўйинда («Реал» – 1:2, «Реал Сосьедад» – 0:1, «Валенсия» – 1:2) мағлубиятга учради. Бундай салбий натижани каталонияликлар 2003 йилнинг январь–февраль ойларида қайд этганди. Ўшанда «Барселона» президенти Жоан Гаспар бўлган.
– Ла Лиганинг сўнгги тўрт ўйинида «Барселона» мавжуд бўлган 12 очкодан атиги 1 очко ишлаб олди. «Атлетико» ушбу вақт оралиғида 9, «Реал» эса барча 12 очкони ишлаб олди.
– «Барселона» 20 март куни «Вильярреал» билан дуранг (2:2) қайд этганидан сўнг, «Атлетико» билан фарқ 9 очкони ташкил қилаётган эди. Ҳозир эса «Барселона» ва Диего Симеоне жамоаси ҳисобида 76 очкодан мавжуд. «Реал»да 75 очко бор.
– Мессининг голсиз ва узатмаларсиз серияси 515 дақиқа давом этди. Аргентиналик футболчи 16 мартдан буён бирор марта ҳам «гол+пас» тизимида очко тўплай олмади. Ўшандан буён у «Вильярреал» (2:2), «Реал» (1:2), «Атлетико» (2:1), «Реал Сосьедад» (0:1) ва яна «Атлетико» (0:2) жамоаларига қарши ўйинларда майдонга тушганди. «Валенсия»га қарши ўйинда голсиз сериясига барҳам берган Месси фаолиятидаги голлари сонини 500 тага етказиб олди.
– «Барселона» 2013 йилдан буён «Камп Ноу»да ўтказилган ўйинларнинг биринчи бўлимида иккита гол ўтказиб юбормаган эди. Ўшанда каталонияликлар 4:2 ҳисобида «Бетис»дан устун келганди. Қайд этиш керакки, «кўк-анорранглилар» ўз майдонида сўнгги бор 1947 йилда «Атлетико»га қарши (3:2) биринчи бўлимдан кейин 0:2 ҳисобида имкониятни бой бера туриб, мағлубиятдан қутулиб қолганди.
– Луис Энрике шогирдлари сўнгги 16 ўйиндан атиги 3 тасида ўз дарвозаларини дахлсиз қолдирган.
– «Барселона» сўнгги олти ўйиндан тўрттасида 2 ва ундан ортиқ гол ўтказиб юборган. Эътиборлиси, қаторасига тўрт ўйинда каталонияликлар биринчи бўлиб ўз дарвозаларидан тўп олиб чиққан.
– Луис Суарес сўнгги 3 ўйинда бирор марта ҳам рақиб дарвозаси томон аниқ зарба йўлламаган.
– Санти Мина жорий мавсумнинг ҳар икки даврасида «Барселона» дарвозасига гол киритиб, «Сельта» ҳужумчиси Йон Гвидеттининг муваффақиятини такрорлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
