Ҳамма нимадандур қўрқади. Қўрқув ҳисси ҳар бир инсонни нимадандур қўрқишга мажбур қилади. Масалан, актёрлар бўм-бўш театрдан қўрқади, пойтахтнинг айрим жамоалари мухлисларсиз стадиондан қўр... (эээ, адашиб кетдик), сайт админлари фойдаланувчилар камлигидан қўрқишади. Қуйида биз сизга беш нафар футбол юлдузлари қўрқадиган энг антиқа ҳолатларни бериб ўтамиз.
1.Фил Жонс ва лифт
Ҳа, бу айни ҳақиқат. Ушбу спортчи айниқса чет элда бўлса бу ускунадан асло фойдаланмайди. "МЮ" ҳимочиси Англиядалигида лифтдан фойдаланади. Лекин хорижга чиққанда у ҳар қанча юқорига чиқиш керак бўлса албатта зиналардан фойдаланади. “Англиядалигимда ундан бемалол фойдаланаман, лекин чет элга чиққанимда лифтга чиқа олмайман. Ёшлигимда оилам билан Грецияга борганимизда лифтда қамалиб қолгандик. Ўшанда жуда қўрққанман. Шундан буён менда лифтларга нисбатан фобия пайдо бўлган” дейди футболчи.
2. Денис Беркамп учишдан қўрқиш
"Учар голланд"ларнинг учмаси Денис Беркампнинг учишдан қўрқишини ҳамма биларди. Айниқса, "Арсенал"да ўйнаб юрганида Чемпионлар Лигаси сафар ўйинларига боришда футболчи билан жуда кўп муаммолар бўларди. Беркамп 1994 йили терма жамоаси билан АҚШда ўтаётган мундиалда иштирок этиш учун самолётда кетаётганда қаттиқ қўрққанини айтади. "Гарчи бунгача бир неча бор учган бўлсамда, бунисида қаттиқ қўрқдим ва шундан кейин учмасликка қарор қилдим" дейди футболчи.
3. Дэвид Бекҳэм ва қурбақа
Бордию, ушбу англиялик юлдузни қўрқитмоқчи бўлсанггиз у-бу жойда бекиниб туриб у келганда бақириш шарт эмас. ББС канали ходимлари билан Амазонкага борган Бекхем у ерда қурбақани кўриб ўтакаси ёрилади. "Менга уни заҳарли дейишди ва шу дамдан бошлаб қурбақалар мен учун қўрқувга айланди" дейди футболчи.
4. Мэтт Ҳолланд ва ит-мушуклар
Метт Ҳолланд АПЛда кўзга кўринган ҳимоячилардан эди. "Ипсвич" таркибида 223 ўйинда майдонга тушган футболчи отларнинг ашаддий ишқибози саналади. Асов отларни, бир-биридан хавфли ҳужумчиларни кўрганда пинагини бузмайдиган спортчи келиб-келиб ит ва мушуклардан ўлгудек қўрқади. Футболчи бу йиртқичларни икки дунёда ҳам уйига олиб келишларига йўл қўймайди.
5. Питер Крауч ва баланд бўйлилик
2002 йили "Астон Вилла" 5 миллион фунтга 201 см келадиган Питер Крауч билан шартнома имзолайди. "Астон Вилла"даги ҳаёт ушбу "найнов" футболчи учун яхши бошланмади. Грем Тейлор мухлисларнинг "нега Питер Крауч яхши формада эмас?" деган хархашаларига "у ҳалиям новчаликдан қўрқади" деб жавоб берган.
Тилмочбек
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
