Олдинроқ “Олтин бутса”га номзодлар ҳақида маълумот бериб ўтган эдик. Бу сафар кучли бешлик чемпионатларида энг кўп голли узатма берган футболчилар рейтингини эътиборингизга хавола этамиз.
9-13. Криштиану Роналду (“Реал Мадрид”) – 11 голли узатма
“Реал” ҳужумчиси Криштиану Роналду Ла лиганинг 34 ўйинида майдонга тушиб, жамоадошларини 11 та голли узатма билан таминлаган. Португалиялик ҳисобида 31 та гол мавжуд эканлигини ҳам таъкидлаб ўтиш жоиз.
9-13. Пол Погба (“Ювентус”) – 11 голли узатма
“Ювентус” ярим ҳимоячиси Пол Погба “А” серияда 33 та ўйинда майдонга тушиб, 11 та голли узатма амалга оширган. Француз футболчиси жамоасининг муддатидан аввал чемпионликни қўлга киритишида муҳим рол ўйнади.
9-13. Риёд Махрез (“Лестер”) – 11 голли узатма
Англия чемпионатининг энг яхши футболчиси сифатида эътироф этилган “Лестер” футболчиси Махрез ҳам мавсум давомида 11 та голли пас берган. Риёд жамоаси билан мавсумнинг энг сенсацион натижасини қайд этишга жуда ҳам яқин турибди.
9-13. Жеймс Милнер (“Ливерпул ь ”) – 11 голли узатма
“Ливерпул”нинг айни пайтдаги етакчиси Милнер бўлиб турибди. Жеймс Премьер лигада жамоадошларининг 11 та голига ҳаммуаллифлик қилган. Бироқ “қизиллар” шунга қарамай чемпионатда 7-ўриндан юқорига кўтарила олишмаяпти.
9-13. Давид Силва (“Манчестер Сити”) – 11 голли узатма
“Манчестер Сити”нинг “юраги” ҳисобланадиган Силва ҳисобида ҳам 11 та голли пас мавжуд. Испаниялик футболчи жароҳат олганини инобатга олсак, бу рўйҳатда юқорига кўтарилиши қийин бўлади.
7-8. Кристиан Эриксен (“Тоттенх э м”) – 12 голли узатма
“Тоттенхэм” учун мавсум анча омадли кечмоқда. Клуб Премьер лигадаги кучли бешликдан ўзиб кетган ҳолда, 2-ўринда бормоқда. Эриксен жамоасининг муваффақиятларига 12 та голли узатмаси билан ёрдам берди.
7-8. Анхел Ди Мария (“ПСЖ”) – 12 голли узатма
Ди Мария “ПСЖ”да ўз ўрнини топди. Анхел Франция чемпионатида 25 учрашувда иштирок этди ва деярли ҳар икки ўйиннинг биттасида шерикларига голли пас берди. Дима ҳам клубининг чемпионлигига муносиб ҳисса қўшди.
3-6. Златан Ибрагимович („ПСЖ“) – 13 голли узатма
Иккинчи ёшлигини ўтказаётган ҳужумчи Франция чемпионатида гол уришдан ҳам, голли узатма беришдан ҳам тинмаяпти. Ибрагимович чемпионатда 32 гол ва 13 голли узатма билан ҳар иккала йўналишда ҳам биринчи ўринда бормоқда.
3-6. Гейнрих Мхитарян („Боруссия“ Д) – 13 голли узатма
„Шахтёр“да тўпурарлик қилиб юрган арман йигити, Дортмундда голли пас узатиш бўйича Бундеслигада якка пешқадамлик қилмоқда. Гейнрих (Александр эмас) ҳисобида ҳозирча 13 та голли пас бор.
3-6. Коке („Атлетико“) – 13 голли узатма
„Атлкетико“нинг ютуқларида Кокенинг ўрни беқиёс. Испаниялик ярим ҳимоячи Ла лигада 13 та голли узатма амалга оширган ҳолда, фақатгина бир футболчидан орқада бормоқда. Коке мана учинчи мавсумдирки ажойиб ўйин намойиш этмоқда ва у жамоани тарк этмоқчи эмас.
3-6. Лионель Месси („Барселона“) – 13 голли узатма
Месси бу мавсумда гол уришдан ҳам кўра, голли узатма амалга ошириб завқланмоқда. Лео Ла лигада 13 марта жамоадошларининг гол уришида кўмаклашди. Гол уриш борасида аргентиналик бу мавсумда чемпионатда 3-ўринда бормоқда.
2. Луис Суарес („Барселона“) – 15 голли узатма
Фаолияти давомидаги энг омадли мавсумни ўтказаётган Суарес Премьерода Месси Роналду гегемониясига баҳам берган ҳолда, гол уришда ҳам, голли пас беришда ҳам пешқадамлик қилмоқда. Мавсумнинг энг яхши ўйинчиси ҳам уругвайлик футболчи бўлса ажаб эмас.
1. Месут Ўзил („Арсенал“) – 18 голли узатма
Ўзил кучли бешлик чемпионатлари орасида энг кўп голли узатма берган футболчи бўлиб турибди. Немис ярим ҳимоячиси Премьер лигада 18 та голга ассистентлик қилган. Месут мавсум охиригача бу кўрсаткични 20 тага етказиб олса ажаб эмас.
Фурқат Юсупов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
