Феллаини майдонда фақат мураббийнинг кўрсатмаларига амал қилишини бир неча маротаба исботлаган. Демак, Ван Гал бельгиялик ярим ҳимоячининг ўйинига ўзгартириш киритишга қарор қилмас экан, Маруан учун барча танқидчиларнинг оҳ-воҳлари қуруқ гап бўлиб қолаверади.
Бельгия термасида ҳам, «Манчестер Юнайтед»да ҳам мураббийлар 28 ёшли қатъиятли ва меҳнаткаш футболчини қадр-лашади. Фақат Марк Вильмотсга «МЮ»даги ҳамкасбининг Феллаинидан ўз позициясида фойдаланмаётгани ёқмаяпти - қанот ҳимояси Маруаннинг жойи эмас.
Футболчининг ўзи бунга файласуфона муносабат билдирмоқда.
- Мураббий сени қайсидир нуқтага қўйдими, демак сен ўша чизиқда ўйнашинг шарт, - дейди у. - Мавсум бошида ўтказилган «Ливерпул»га қарши баҳсда мен ҳужумчи сифатида ўйнашим керак эди. Ўзимга қолса, бу ролни танламасдим, бироқ ўша учрашувда биз ғалаба қозондик. Ҳар қандай вазиятга доимо тайёр туриш лозим.
******
- Энг яқин дўстларим кўпинча «Биринчи навбатда, ўзингни ўйла» қабилида маслаҳат бериб, худбин бўлишимни талаб қилишади. Аммо мен бундай эмасман. Профессионалман, клубим фойдаси учун ишлайман, мураббийим кўрсатмаларига амал қиламан. Таянч чизиғи - менинг энг севимли позициям, аммо жой ўзгариши борасида мураббий билан муаммога дуч келмайман. Шунчаки, ўз ишимни бажараман, холос.
Феллаини устозларини ҳеч қачон ранжитмайди, аммо 2013 йили «Эвертон»ни тарк этгач, бир саволга тез-тез тўқнаш келмоқда: у «МЮ»да ўйнашга лойиқми?
- Айни мавзу оиламни мендан-да кўпроқ ўйлантириб қўйган, - дейди бельгиялик. - Яна қайтараман - профессионалман, айни турдаги гап-сўзларга эътибор қаратмасликдан ўзга иложим йўқ. Шунчаки, қулоқ солмасликка уринаман. Баъзан бу қи-йинчилик туғдиради, аммо бу - футбол, айниқса, шундай буюк клубда тўп сургач, ҳаммасига кўниш лозим. Айрим ҳолларда «МЮ»да ўйнашга лойиқман, деб ўйлайман, баъзан эса, йўқ. Фақат шуни биламанки, муҳими - майдонда астойдил меҳнат қилиш.
Маруан илк марта «Эвертон» либосида майдонга тушаркан, дастлабки 17 ўйинда 10та сариқ карточка ишлаб олди. Собиқ ҳакам Ховард Вебб Европа Лигаси доирасидаги «МЮ»-«Ливерпуль» баҳсидан сўнг Феллаинини «қассоб»га қиёслади. Чунки Маруаннинг Роберто Фирмино ва Деян Ловренга ишлатган қўполлиги машҳур реферига ёқмаган.
Жингалаксочни шунингдек, мерсисайдликларга қарши кечган дастлаб учрашувда Эмре Жанга атайин зарба берганликда айблашди, бироқ УЕФА мазкур масалада бирор чора қўлламади. «Ливерпуль» ўйинчиси эса рақибининг ёнини олди.
- Сўнгги пайтларда тирсагим билан жароҳат етказишга уринаётганим ҳақида кўп гапиришяпти, аммо буни ата-йин қилаётганим йўқ, - дейди Феллаини. - Эътиборимни рақибга эмас, тўпга қаратаман. Кимнидир жўрттага уришдан маъно йўқ. Шу тариқа ҳимояланаман, холос. Менга қарши икки-уч футболчи ўйнаган пайтлар ҳам учраб туради.
******
- Фирмино сакраш чоғида унга тирсагим билан зарба берганимни айтди. Лекин бундай қилишдан менга нима наф? Ахир гавдам ёрдамида тўп учун курашда ютишимни ўзим ҳам биламан-ку. Рўпарамда Энди Кэрролл бўлганида бошқа масала эди, Фирминога қарши тирсагимни ишлатишга ҳожат йўқ.
Феллаини бу каби айбловлар рақибларни мунтазам равишда қўполликлар ва зўравонликларга етаклашидан ҳайиқмоқда.
- Эндиликда менга нисбатан бошқача муносабатда бўлишади, - дейди у. - Лекин ҳакамлар сариқ карточка кўрсатишмаган экан, нега энди ўйин услубимни ўзгартиришим керак? Нима сабабдан қоидабузарликни футбол майдонининг ўзида қайд этишмаяпти? Ҳеч ким менга нисбатан қўполлик ишлатилганини гапирмаяпти-ку - нимага?
******
- Менга қарши фол қўллашга уриниш ҳоллари тез-тез учрайди, аммо жисмоний имкониятларим ёрдамида бу ҳолнинг олдини оламан. Йиқилмаслигим - қайсидир маънода, муаммолардан бири. Аммо бошқача ўйнаш ниятим йўқ. Ўзимга ёққандек тўп суравераман.
«Манчестер Юнайтед» чемпионлик пойгасидан эртароқ чиқиб кетгани боис, жамоа устози қийин дамларни бошдан кечирмоқда.
- «МЮ»дек клубни бошқариш - ёқимли, - дейди Феллаини. - Чиройли ўйнаш ва муҳими, ғалабаларга эришиш лозим, акс ҳолда, муаммолар кафолатланади. Ван Гал аввал мен билан бирга ишлаган мураббийлардан фарқли. Голландиялик мутахассис жуда қаттиққўл, ўз фалсафасига эга - бу менга ёқади. Нимани ўйласа, ўшани гапиради, ростгўй. Унинг услубига кўниш, Луини қандай бўлса шундайлигича қабул қилиш лозим.
Феллаини «қизил иблислар»нинг мавсум сўнгида ЕЧЛ йўлланмаларидан бирини қўлга киритишларига ишонади.
- Қитъанинг клублар ўртасидаги энг нуфузли турнирида иштирок этишимиз шарт. Буни амалга ошириш учун қўлимиздан келган барча ишни қиламиз, - дейди бельгиялик. - «МЮ»дек клуб совринсиз қолиб кетмаслиги керак.
Манба: Football.ua,
С.РАҲМОНОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
