Лондоннинг “Челси” жамоаси учун 2015/2016 йилги мавсум омадсиз кечди. Биз “аристократлкар”нинг мавсумдаги натижаларини таҳлил қилиб чиқишни лозим деб топдик.
Чемпионатда – 10-ўрин
“Челси” Премьер лигада турнир жадвалининг қоқ марказидан жой олди. Лондон клуби 38 учрашувнинг 14 тасида дуранг ўйнаган бўлса, 12 тадан учрашувда ғалаба ва мағлубият қайд этди. Тўплар нисбати 59-53!
Чемпионлар лигасида – 1/8 финал
“Аристократлар” Чемпионлар лигасининг гуруҳ босқичида “Динамо” Киев, “Порту” ва “Маккаби” Тел-Авив жамоаларини ортда қолдирган ҳолда 1-ўринни эгаллашди. Бироқ нимчорак финалда улар Парижнинг “ПСЖ” жамоасига ҳар иккала баҳсда ҳам 1:2 ҳисобида имкониятни бой бериб, турнир билан хайрлашишди.
Англия кубоги – 6-босқич
Лондонликлар Англия кубогида ‘Скантроп Юнайтед” (2:0), “Милтон Кинг Донс” (5:1), “Манчестер Сити” (5:1) жамоаларини мағлуб этган бўлса, олтинчи босқичда “Эвертон”дан мағлуб бўлиб (0:2) ўз юришини тўхтатди.
Англия лига кубоги – 4-босқич
“Челси” лига кубогининг 3-босқичида “Уолсолл”ни 4:1 ҳисобида мағлуб этди. Бироқ 4-босқичда “Сток Сити” билан 1:1 ҳисобида дуринг ўйнаб, пенальтилар сериясига кўра 4:5 ҳисобида имкониятни бой бериб, кубокни тарк этди.
Мураббийлар
2015 йилнинг 17 декабр санасига қадар Жозе Моуриньо ушбу мавсумда клубни 26 ўйинда майдонга бошлаб тушди. Ана шу баҳсларда Лондон клуби 10 ғалаба, 5 дуранг ва 11 мағлубият қайд этди.
Гуус Хиддинк эса шундан кейин мавсум якунига қадар “Челси”га 27 учрашувда мураббийлик қилди. Унинг шогирдлари ана шу ўйинларнинг 10 тасида ғалаба қозониб, 11 тасида дуранг ўйнаб, 6 тасида имкониятни бой беришди.
Энг кўп ўйнаган футболчилар
Францеск Фабрегас, Цезарь Аспоиликуета ва Виллиан мавсум давомида “Челси” либосида 49 тадан уйчрашувда майдонга тушишди.
Энг яхши тўпурар – Диего Коста
Жамоанинг Испаниялик ҳужумчиси Диего Коста мавсум давомида жами 16 та гол урган ҳолда энг яхши тўпурар бўлди. Ундан кейинги ўринларни 11 гол урган Виллиан ва 8 тадан гол билан Оскар ва Педролар эгаллашди.
Энг яхши ассистент – Фабрегас
Фабрегас ушбу мавсумда ҳам “аристократлар”нинг энг яхши ассистенти бўлди. У мавсум мобайнида шерикларига 9 та голли узатма берди. Диего Коста 8, Виллиан ва Азар эса 7 та голли узатма билан кейинги ўринларни эгаллашди.
“Олтин қўлқоп” - Бегович
Жамоа кипери Асмир Бегович мавсумда 25 ўйинда ўз дарвозасидан 29 та тўп олиб чиқди ва 8 беллашувда ўз дарвозаси даҳлсизлигини сақлаб қолди. Тибо Куртуа эса 29 учрашувда дарвозасидан 37 та гол ўтказиб юборди ва 6 та “қуруқ” ўйин ўтказди.
Энг қўпол футболчи – Диэго Коста
Диего Коста мавсум давомида 9 марта сариқ карточка олган бўлса, яна бир беллашувда иккинчи марта огоҳлантирилиб, майдондан четлатилган. Испаниялик ҳужумчи “Челси”нинг “энг қўпол футболчи”га аталган “соврин”га эга чиқди.
Мавсумнинг энг я хши футболчиси – Виллиан
“Челси” футболчилари ҳам мухлислари ҳам бир овоздан мавсумнинг энг яхши футболчиси деб Виллианни топишди. Бразилиялик ярим ҳимоячи мавсум мобайнида барқарор ўйнаган “Челси”нинг саноқли футболчиларидан бири бўлди.
Энг омадсиз футболчи – Радамел Фалкао
Колумбиялик ҳужумчи мавсум давомида 10 та учрашувда майдонга тушиб, атиги битта гол урди. Шу боис ҳам уни бемалол мавсумнинг энг омадсиз футболчиси деб эътироф этсак арзийди.
Энг чиройли гол муаллифи – Эден Азар
Эден Азарнинг “Тоттенхэм”ни чемпионликдан умидини узишга мажбур қилган гол, мавсумдаги энг чиройлиси сифатида эътироф этилди. Белгиялик футболчи Премьер лигада атиги 4 та гол урган эди.
Мавсумнинг энг яхши ёш футболчиси - Рубен Лофтус Чик
20 ёшли ярим ҳимоячи Рубен Лофтус Чик мавсумда 16 учрашувда иштирок этиб, ўз ҳисобига 2 та гол ёздириб қўйди ва жамоанинг энг яхши ёш футболчисига айланди.
Фурқат Юсупов тайёрлади
Александр Гейнрих: Фаолияти рақамларда. 25 факт!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
