Бугун “Марказий” стадионда “Насаф” ПФК бош менеджери Шамил Самигулович билан клубнинг фаол мухлислари ўртасида ўзаро учрашув бўлиб ўтди. Учрашув дўстона ва самимий суҳбат тарзида ўтди.
-Аввало сизлар билан учрашиб турганимдан хурсандман. Бундай учрашувларни тез-тез бўлиб туришини шахсан тарафдориман. Чунки, биз нима иш қилаётган бўлсак, сизлар учун қилаяпмиз. Футбол бу-мухлислар учун ўйналади. Ўз-ўзидан маълум, ҳар бир мухлис ўз севган жамоаси тўғрисида доимо кўпроқ маълумотга эга бўлишни ҳоҳлайди. Қолаверса, бундай учрашувлар пайдо бўлган саволларга тўғри жавоб топишга имкон яратади.
Бу йилги ОЧЛдаги иштирокимиз яна бир марта шуни кўрсатдики, сафимизни янада кучайтирмасак, бу нуфузли мусобақада кўзлаган мақсадимизга эриша олмаймиз. Бизга клубимиз раҳбарияти иккинчи даврадан таркибимизни янада кучайтириш бўйича рухсат беришди. Бунга кўра, кейинги даврадан сафимизни камида икки нафар юқори маҳоратга эга янги легионер ўйинчилар билан кучайтириш имкони пайдо бўлди. Бу хабар албатта сиз мухлисларни хурсанд қилади деган, умиддаман.
Кейинги пайтда яна шундай саволлар кўпаймоқдаги, эмишки сафимизни Геворкян ва Бойдуллаевлар тарк этармиш. Бу мутлақо нотўғри. Ҳар иккала ўйинчи билан амалдаги шартномамиз бор. Бугина эмас, балки ушбу футболчилар ўз фаолиятларини ҳали сафимизда давом эттиришни мақсад қилишган.
Энди жароҳати туфайли сафимизда кўринмай қолган ўйинчилар ҳақида тўхталадиган бўлсам, Фаррух Сайфиев майдонга тушишга тайёр. Ўйлайманки, унинг иштирокидаги ўйинларни яқин кунлардан яна томоша қила бошлайсиз. Одилжон Ҳамробеков тўғрисида гапирадиган бўлсам, бу ерда унга қўйилган ҳамма ташхисларни электрон кўринишида Германияга жўнатдик, ҳозир улардан жавоб кутаяпмиз. Унга қўйилган ташхислар тасдиғини топса, ҳатто у жарроҳлик амалиётини ҳам ўтказиши мумкин. Топмаса (шуни жуда ҳоҳлардик) биз улардан профессионал спорт билан шуғуланишига ҳеч қандай монелик йўқлиги ҳақида, асосли хулоса кутаяпмиз. Ўзингизга маълум, бизда футболчиларга тиббий рухсатнома олишга жуда қаттиқ талаблар мавжуд. Ҳар қандай ҳолатда ҳам Одилжондек ўзимизнинг тарбияланувчимизни ёлғиз ташлаб қўймаймиз, - дейди Шамил Самигулович.
Учрашув жуда қизиқарли ва савол-жавобларга бой бўлди. Йиғилиш иштирокчилари ўзларини қизиқтирган барча саволларга қониқарли жавоб олишди.
Мана шундай учрашувларни тез-тез ташкил этиш бўйича ўзаро келишиб олинди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
