10 июнь куни олий лига 11-тур учрашувларига старт берилади.
Ушбу тур доирасидаги марказий учрашувлардан бири “Бунёдкор” ва “Қизилқум” жамоалари ўртасида кечади.
2007 йилдан буён олий лигада иштирок этиб келаётган “Бунёдкор” ўзаро ҳисобда “Қизилқум” жамоаси билан чемпионат доирасида ўн тўққизинчи бор тўқнаш келади.
Бунгача ўтказилган 18 учрашувнинг 15тасида “қалдирғочлар”нинг қўллари баланд келган. Икки беллашув дуранг билан якунланган бўлса, “Қизилқум” ҳисобида битта ғалаба бор. Тўплар фарқи – 44:10.
Ўзаро ўйинлар тўпурари Анваржон Солиев ҳисобланади. “Бунёдкор” ҳужумчиси зарафшонликлар дарвозасини беш бор ишғол қилган.
Қуйида ушбу жамоаларнинг “қалдирғочлар” мезбонлигида ўтган ўзаро ўйинлари қайдномаларидан келтирилган кўчирмалар ва киритилган голлар видеолавҳаси билан танишишингиз мумкин.
БУНЁДКОР - ҚИЗИЛҚУМ 2:0 (2:0) 21.04.2007. 6-тур. Тошкент. МҲСК стадиони. 5000 томошабин Голлар: Жасур Ҳасанов, 8 (1:0), Рашид Ғофуров, 44 (2:0) Бош ҳакам: Александр Петров (Тошкент) – 8,3