Олий лига 12-туридаги “Насаф” – “Локомотив” учрашуви бу йилги миллий чемпионатимизнинг навбатдаги чиройли футбол спектаклига айланса ажаб эмас. Шунингдек ушбу учрашув навбатдаги турнинг марказий учрашуви бўлади.
“Насаф” – “Локомотив” жамоалари ўртасидаги бўлиб ўтган ҳар бир учрашув футбол ишқибозларида катта қизиқиш ўйғотиб келади.
“Локомотив” жорий мавсумда мағлубиятга учрамаган икки жамоанинг бири бўлиб турибди. “Насаф” жамоаси эса ўтган уч учрашувда ҳам ғалаба қозона олмади. Навбатдаги учрашувда ғалабасиз серияга чек қўйилса ажаб эмас.
Ушбу жамоалар олий лига баҳсларида 22 марта тўқнаш келишган. Ўтган учрашувларнинг 12 тасида жамоамиз ғалаба қозонган. 5 учрашувда муроса кўчаси танланган. Қолган беш учрашувда “темирйўлчилар”нинг қўли баланд келган. Тўплар нисбати бўйича ҳам устунлик жамоамиз томонида 31-20.
Ўтган мавсумдаги мазкур жамоалар ўртасидаги икки учрашувда ҳам бир хил 1:0 ҳисоби қайд этилган.
Бу жамоалар ўртасидаги учрашувларда “Насаф” – “Локомотив” 5:1 (2 марта), “Локомотив” – “Насаф” 5:2 кўринишидаги энг йирик ҳисоблар қайд этилган.
“Локомотив” жамоаси ўтган учрашувлар натижалари бўйича жами 31 очко тўплаб, турнир жадвалини бошқариб келаяпти. “Насаф” жамоамиз эса 24 очко билан 3-поғонани банд этиб турибди.
Ҳозирча чемпионат ўйинларида “Локомотив” дарвозасини сўнгги бор ишғол этган футболчимиз Фарруҳ Сайфиев бўлиб турибди. Шу ерда эслатиб ўтиш жоиз, Фарруҳ Сайфиев узоқ муддатдан кейин, ўтган “Навбаҳор” жамоасига қарши учрашувда майдонга тушиб, ажойиб ўйин намойиш этди.
Яна бир қизиқарли факт айни пайтда жамоамиз шарафини ҳимоя қилаётган тажрибали ярим ҳимоячи Дилшод Раҳматуллаев ушбу жамоалар ўртасидаги сўнгги учрашувда “Локомотив” сафида майдонга тушган. Энди эса у собиқ жамоасига қарши жамоамиз шарафини ҳимоя қилади.
Яна бир қизиқарли факт, ҳозирги пайтда “темирйўлчилар” жамоасини бошқараётган Андрей Микляев 1998-99 йилги мавсумларда жамоамиз сафида тўп тепган, яъни “Насаф” жамоасининг собиқ футболчиси саналади.
Эслатиб ўтамиз, “Насаф” – “Локомотив” жамоалари ўртасидаги учрашув 16 июн пайшанба куни “Марказий” стадионда соат 20:00да бошланади.
Ўзаро ўйинлар
2004
Локомотив - Насаф 2:0
Насаф - Локомотив 5:1
2005
Локомотив – Насаф 1:2
Насаф – Локомотив 2:1
2006
Насаф – Локомотив 5:1
Локомотив – Насаф 0:2
2007
Локомотив – Насаф 0:2
Насаф – Локомотив 2:1
2008
Локомотив – Насаф 0:0
Насаф – Локомотив 1:0
2009
Насаф – Локомотив 1:1
Локомотив – Насаф 0:0
2010
Локомотив – Насаф 0:0
Насаф – Локомотив 2:0
2012
Локомотив – Насаф 0:1
Насаф – Локомотив 0:2
2013
Насаф – Локомотив 2:1
Локомотив – Насаф 2:0
2014
Локомотив – Насаф 1:1
Насаф – Локомотив 2:5
2015
Насаф – Локомотив 1:0
Локомотив – Насаф 1:0
Навбатдаги учрашув:
ЎзПФЛ, 12-тур. 16.06.2016.
“Насаф” (Қарши) – “Локомотив” (Тошкент)
Қарши ш., “Марказий” стадиони. Соат 20:00да
Бош ҳакам: Ҳасан Рўзиев (Тошкент)
Ёрдамчи ҳакамлар: Олимжон Абдувосилов, Алишер Усмонов (Тошкент)
Захира ҳаками: Дмитрий Пислегин (Тошкент)
Назоратчи: Гали Имомов (Тошкент)
ЎзПФЛ вакили: Ахрол Иноятов (Тошкент).
- See more at: http://fcnasaf.uz/index.php/news/view?v=2876#sthash.snIpeFHB.dpuf
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
