Ушбу жамоаларнинг чемпионат даврасидаги Қўқонда ўтган учрашувида меҳмонлар кичик 1:0 ҳисобида ғалаба қозонишганди. Ўша баҳсда Саламат Қутибоев киритган гол бухороликларга уч очко тақдим этганди.
Бугунги ўйинни эса қўқонликлар кўтаринки руҳда бошлашди. Дастлабки дақиқалардан вакилларимиз ҳужумга зўр беришди. Бунинг натижасида “Бухоро” дарвозаси олдида бир қатор хавфли вазиятлар вужудга келди.
Ҳужумга ўтиб кетган футболчиларимиз кутилмаганда ўз дарвозаларидан тўп ўтказиб юборишди. 20-дақиқада Баҳодир Пардаев бирга-бир вазиятга чиқиб бориб дарвозамизни ишғол этди – 0:1.
Биринчи бўлим якунланиши арафасида вакилларимиз ҳисобни тенглаштиришлари мумкин эди. Бурчакдан оширган тўпни Кимсанов боши билан дарвоза томон йўллади. Бироқ Қобулжонов маҳорат кўрсатиб тўпни майдон ташқарисига чиқариб юборди. Биринчи бўлим шу ҳисоб билан якунланди.
Иккинчи тайм меҳмонлар учун омадсиз бошланди. Бухороликлар вакили Азиз Ибрагимов 46-дақиқала Аваз Маматхўжаевга қарши ўта қўпол муносабатда бўлгани учун майдондан четлатилди.
Учрашувнинг иккинчи қисмини футболчиларимиз катта иштиёқ билан бошлашди. Бўлим бошида меҳмонлар дарвозаси олдида катта босим вужудга келди. Аммо вазиятлардан фойдаланиш борасида вакилларимизга омад етишмади.
65-дақиқа ўтиб бораётган пайтда Александр Мерзляков жарима майдончаси ичида Авазхон Маматхўжаевга нисбатан қўполлик ишлатди. Бош ҳакам вазиятга яқин тургани сабабли ўн бир мертли нуқтага ишора қилди. Пенальтини эса Носир Отақўзиев аниқ амалга ошириб ҳисобни тенглаштирди – 1:1.
“Олмалиқ”қа қарши ўйинда Аваз Маматхўжаев асосий таркибдаги дебют учрашувини ўтказганди. Бугун эса Достон Мелиқўзиев асосий таркибдаги биринчи ўйинида майдонга тушди.
Иккинчи бўлимда катта ташаббусга эга бўлган вакилларимиз рақиб футболчиларини анча шошириб қўйишди. Рақиб дарвозаси олдида кўплаб таҳликали вазиятлар юзага келди.
Иккинчи бўлим якунланиши арафасида жамоамиз етакчиси Азиз Тўхтабоев ҳакам билан тортишгани учун қизил карточка билан жазоланди.
Шу тариқа Ўзбекистон Кубоги чорак финал биринчи ўйинида жамоамиз дуранг натижа қайд этди. Жавоб учрашуви 28 июль куни Бухоро шаҳрида бўлиб ўтади.
Ўзбекистон кубоги, чорак финал, биринчи учрашув
“Қўқон-1912” – “Бухоро” – 1:1 (0:1)
Голлар: Носир Отақўзиев 65 пен. – Баҳодир Пардаев 20.
“Қўқон-1912”: 1. Руслан Матниязов, 5. Жалил Кимсанов, 6. Баҳодир Акрамов, 7. Отабек Зокиров, 9. Носир Отақўзиев, 14. Авазхон Маматхўжаев, 15. Маъруф Зокиржонов, 19. Сардор Қоҳоров (28. Абдуллох Олимов-46), 20. Достон Турсунов, 22. Ориф Мамажонов (17. Азиз Тўхтабоев-52), 26. Ойбек Рустамов (71. Достон Мелиқўзиев-68).
“Бухоро”: 20. Сардор Қобулжонов, 7. Суҳроб Неъматов (11. Санъат Шихов-86), 8. Саламат Қутибоев, 10. Шавкат Саломов (29. Жамшид Ҳасанов-92), 16. Артём Филипосян, 18. Баҳодир Пардаев, 19. Жасур Ҳасанов (33. Бобур Амонов-64), 23. Александр Мерзляков, 61. Азиз Ибрагимов, 85. Руслан Мелезиддинов, 87. Алишер Саноев.
Ҳакамлар: А. Рисқуллаев, Д.Фозилов, М. Мажидов, О. Тўйчибоев.
Назоратчи: О. Рубаков.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
