Ван дер Сар, Адамов, Паулета ва бошқа бир қанча футболчилар ўз фаолиятларини ҳаваскорлар даражасида ниҳоясига етказишган. Қуйида шу ҳақда батафсилроқ маълумотлар берамиз.
1. Педру Паулета
«ПСЖ»даги бир нечта мавсумни ўта муваффақиятли ўтказган Паулета чиндан ҳам ўз даврида Португалия термасининг топ-ҳужумчиларидан ҳисобланарди. 2008 йилда у футболдаги фаолиятини якунлашини маълум қилди, аммо 2 йилдан сўнг мухлислар Педруни яна тўп билан муомала қилаётган пайтда кўришди. Маълум бўлишича, ватани - Азор оролларига қайтгач, форвард «Сан-Рико» деб аталмиш ҳаваскорлар клуби билан шартнома имзолаган ва янги жамоаси либосида майдонга туша бошлаган. 4 бор рақиблар дарвозасини аниқ нишонга олган Педру ҳаваскорлар таркибидаги 2 ўйиндан сўнг, барибир, бутсаларини михга илди.
2. Аилтон
Мазкур бразилиялик футболчи фаолияти давомида 20дан ортиқ клубларда, жумладан, нафақат топ-чемпионатлар, балки Туркия, Швейцария, Сербия, Украина, Австрия, Хитой ва Мексикада ҳам тўп суришга улгурди. Карьераси ниҳоясига етаётганида эса салкам 100 килограмм-лик вазн форвардга немисларнинг 6-лигаси вакили - «Хассия Бинген» ҳаваскорлар клубида бир нечта ўйин-да майдонга тушишга тўсқинлик қилолмади. Ҳужумчи айнан шу жамоада фаолиятидаги сўнгги учрашувни ўтказди.
3. Фернандо Морьентес
Испаниялик афсонавий форвард ҳам яқиндагина ҳаваскорлар биринчилигида кўзга ташланиб қолди. Фернандо 2010 йили «Марсель» билан шартномани бекор қилгач, фаолиятига нуқта қўйишини эълон қилганди. Аммо 5 йил ўтар-ўтмас, кутилмаганда у «Санта Ана»да - Мадрид биринчилигида иштирок этувчи ҳаваскорлар клубида пайдо бўлди. Хорхе Антело - Фернандонинг ўғли тўп сураётган ҳаваскорлар клуби спорт директори фарзандининг ҳаракатларини трибунада турганча кузатаётган таниқли футболчидан ҳазил аралаш жамоага Терсерга чиқишда ёрдамини аямаслигини сўради. Морьентес ё юморни тушунмади ёки ҳазилга муносиб жавоб қайтаришни хоҳладими таклифни бажонидил қабул қилишини айтди. Кейинги баҳсдаёқ ёшлар машҳур форварддан мастер-классни кузатиш имконига эга бўлишди.
4. Роман Адамов
Мазкур рейтингга россиялик ўткир тилларнинг суюклисини қўшмасликнинг асло иложи йўқ. Майли, Адамов улар билан бир қаторда турмасин, аммо РФПЛда Роман «Ростов» ва «Москва»да кўрсатган ўйинлари, «тўпу-рарлик» фазилатлари билан ўзидан яхши ном қолдирди. 2013 йили ҳужумчи Ростов вилояти биринчилигида қатнашаётган Таганрогдаги қуш фабрикаси билан шартномага имзо чекди.
«Машқ қилишнинг ҳожати йўқ, ўйинда иштирок этсанг ва югурсанг бас, — дейди Адамов хотиралари билан ўртоқлашаркан. - Бундан ташқари, ҳаваскорлар орасида «Ростов»да тўп сурганимда бирга майдонга тушган йигитлар ҳам анчагина эди: улар орасида Николай Ширшов, Михаил Осинов, Андрей Акопянцлар бор эди. Айтиш мумкинки, мен дўстларим учун «фабрика» жамоасида ўйнадим.
Ҳисобини бир нечта гол ва коллекциясини «Молот» газетаси кубоги билан бойитган Роман шундан сўнг оз фурсат профессионал футболга - «Сибирь» жамоасига ҳам қайтди. Кейинчалик эса, барибир, фаолиятига нуқта қўйди.
5. Эдвин ван дер Сар
Афсонавий голландиялик дарвозабон 45 ёшда ҳам ажойиб формада бўлиш мумкинлигини яқинда яна бир карра исботлаб берди. «Нордвейк» ҳаваскорлар клуби раҳбарияти (айнан ушбу жамоада ван дер Сар ўз фаолиятини бошлаганди) Голландия қироллик футбол иттифоқидан Эдвиннинг хизматидан «Йодан Бойз»га қарши учрашувда фойдаланишга рухсат сўради ва ижобий жавоб олди. Бошланғич таркибда майдонда пайдо бўлган ван дер Сар пенальтини қайтариш орқали ўйинни томоша қилгани келган минглаб мухлисларнинг олқишларига сазовор бўлди. Бироқ голландиялик кипер яна бутсаларини михга илди.
Sports.ru - И.ОБИДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
