Душанба куни “Қўқон-1912” жамоаси Олий лига 17-тур доирасида ўз майдонида Тошкентнинг “Пахтакор” клубини қабул қилади. Ушбу ўйинга доир статистик маълумотлар билан танишинг.
Ўзаро ўйинлар
“Пахтакор” ва “Қўқон-1912” олий лигада шу кунга қадар 21 марта тўқнаш келишган. Натижалар “шерлар”нинг устунлигини кўрсатмоқда. Тошкент клуби 13 марта ғолиб бўлган, 3 та ўйинда дуранг қайд этилган. Қўқонликлар ҳисобида 5 та ғалаба мавжуд. Тўплар нисбатида ҳам “Пахтакор” олдинда – 63:33. Ўзаро ўйинларда “Пахтакор” 42, “Қўқон-1912” 18 очкони қўлга киритган.
Ўтган йил биринчи даврада Қўқонда 2:2 ҳисоби қайд этилган. Игорь Сергеев ҳисобни очган, бунга Носир Отақўзиев ва Баҳодир Акрамовнинг голлари билан жавоб берилган. Баҳс сўнггида Анвар Солиев тўп киритиб “Пахтакор”ни мағлубиятдан сақлаб қолган эди – 2:2.
Қўқонда ўтган сўнгги беш учрашув:
05.07.2015 «Қўқон-1912» – «Пахтакор» 2:2
02.11.2003 «Қўқон-1912» – «Пахтакор» 3:2
04.06.2002 «Қўқон-1912» – «Пахтакор» 1:3
21.05.2000 «Қўқон-1912» – «Пахтакор» 2:1
13.04.1999 «Қўқон-1912» – «Пахтакор» 3:2
Ўзаро ўйинлар ҳақида факт: Бу жамоаларнинг Қўқонда ўтган ўйинларида жамоамиз 4 бор зафар қучган. Учта баҳсда ғолиб номини аниқлашнинг имкони бўлмаган. “Пахтакор” ушбу жамоа майдонидан 3 бор 3 очко билан қайтган. Қўқонда ўтган охирги 8 та ўйинда камида 3 тадан гол урилган.
Собиқ жамоадошлар баҳси
Душанба куни мухлислар собиқ жамоадошлар баҳсига гувоҳ бўлишади. Аниқроғи, айни дамда “Қўқон-1912” жамоасини бошқараётган Нўъмон Ҳасанов бундан олдин айнан “Пахтакор”да фаолият юритган эди. Энди эса Нўъмон Нурматович собиқ жамоасига қарши шогирдларини бошлаб тушади. Бундан ташқари, “Қўқон-1912” жамоаси катта мураббийи Сергей Ковшов ҳам бир пайтлар “Пахтакор”да ишлаган.
Ўйин ҳакамлари
8 август куни Қўқонда бўлиб ўтадиган “Қўқон-1912” – “Пахтакор” учрашувини Темур Тўхтасинов бошчилигилаги ҳакамлар бошқариб борадиган бўлишди.
Андижонлик ҳакам бундан олдин Қўқонга 6-тур доирасидаги ўйинни бошқариш учун келганди. Ўшанда “Қўқон-1912” жамоаси Навоийнинг “Қизилқум” клубини қабул қилганди.
Шунингдек, Тўхтасинов ўтган йили икки марта жамоамиз ўйинларини бошқарганини таъкидлаш жоиз.
Олий лига
17-тур
8 август
«Қўқон-1912» (Қўқон) – «Пахтакор» (Тошкент)
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), И. Гармашов (Тошкент)
Назоратчи: Р. Серазетдинов (Тошкент).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
