ОЧЛ. «Локомотив» - «Ал-Айн» учрашуви олдидан ўтказиладиган тадбирлар вақти белгиланди
13 сентябрь (сешанба) куни “Локомотив” Осиё чемпионлар лигасининг чорак финал жавоб учрашувини ўтказади. Шу куни “темирйўлчилар” ўз уйларида Бирлашган Араб Амирликларининг “Ал-Айн” клубини қабул қилишади.
Эртага – 12 сентябрь куни чемпионлар лигаси чорак финал жавоб ўйини олдидан икки жамоа ва учрашув расмийлари ўртасида йиғилиш ҳамда матбуот анжумани ташкил этилади. Ташкилотчилар ва ҳар икки жамоа вакиллари иштирокидаги митинг 16:00 га тайин қилинган.
ОАВ иштирокидаги ўйинолди матбуот анжумани эса 17:00 да бошланади. Унинг биринчи қисмида меҳмонлар бош мураббийи Златко Далич ҳамда “Ал-Айн ” футболчиси иштирок этади, улардан кейин эса “Локомотив” мураббийи ва футболчиси журналистлар саволларига жавоб қайтаришади.
Ўйинолди расмий машғулотлар эса 18:00 ва 19:00дан бошланади.
Барча тадбирлар “Бунёдкор” стадионида бўлиб ўтади.
Манба: lokomotiv.uz
Киритилди: 15:37, 11.09.2016. Ўқилди: 10795 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар