Олий лига 23-туридан ўрин олган ўйинда "Қўқон-1912" сафарда "Бунёдкор" клубига 0:3 ҳисобида ютқазди.
Бугунги учрашувда бош мураббий Нўъмон Ҳасанов таркибда олдинги ўйинга нисбатан бешта ўзгариш қилди. Аниқроғи, етакчи ўйинчиларга дам берилди.
Жароҳатидан қатган Жалил Кимсанов ва Миржалол Қурбоновлар асосий таркибда майдонга тушишди. Сербиялик ҳимоячилар эса захирада қолдирилди.
Учрашувнинг 14-дақиқасида майдон эгалари ҳисобни очишди. Алемпиевич узатган тўпни қайтариш учун Рибкин ўз жойини ташлаб чиқди ва тўпни муштлари билан уриб юборди. Дарвозабонимиздан қайтган тўпни Иброхимов 16 метрлар чамасидан Рибкин устидан ошириб, дарвозага жойлаб қўйди – 1:0.
Голдан кейин ҳам мезбонлар яна ҳужумга зўр беришди. Вакилларимиз эса қарши ҳужумда ўз бахтларини излашди.
37-дақиқада қанотдан рейд ўтказган Иброҳим Раҳимовнинг зарбаси бирозгина ноаниқ кетди.
Бўлим охирига келиб, Отабек Зокиров жароҳат олиб майдонни тарк этди. 41-дақиқада Гадоев-Насимов комбинациясидан сўнг Шоҳрух ҳисобни 2:0га оширди.
Жамоалар танаффусга шу ҳисобда чиқиб кетишди.
Жамоамиз 2-таймни ҳужум билан бошлади. Отабек Ҳайдаров қулай имкониятдан фойдалана олмади. Орадан бироз ўтиб, Миржалол Қурбоновнинг супер зарбасини Зуҳуров супер сейв кўрсатган ҳолда қайтаришга эришди.
Ўйин тугаши арафасида “Бунёдкор” учинчи тўпни киритишга муваффақ бўлди. 89-дақиқада Алемпиевичдан тўпни қабул қилиб олган Ҳамдамов ўнг оёқда дарвозани аниқ нишонга олди – 3:0.
Шу тариқа, “Қўқон-1912” жамоаси яна “Бунёдкор”га қарши ўйинда майдонни мағлуб ҳолда тарк этишга мажбур бўлди.
Жамоамизнинг навбатдаги ўйини 1 октябрь куни Қўқондаги “Марказий” ўйингоҳида “Навбаҳор”га қарши бўлиб ўтади.
Олий лига. 23-тур
«Бунёдкор» (Тошкент) – «Қўқон-1912» (Қўқон) 3:0 (2:0)
Ҳакамлар: Д. Пислегин (Тошкент), В. Лушин (Гулистон), А. Калинин (Қарши), Р. Абдувоҳидов (Қарши)
Назоратчи: Х. Мухторов (Самарқанд).
ЎзПФЛ вакили: Ф. Магаметов.
Голлар: Жавлон Иброҳимов 13, – 1:0. Шоҳруҳ Гадоев 41, – 2:0 (Баҳодир Насимов). Достонбек Ҳамдамов 89, – 3:0 (Александар Алемпиевич)”
Бунёдкор”: 25.Муроджон Зуҳуров, 2.Акмал Шораҳмедов, 3.Акром Комилов, 8.Жавлон Иброҳимов (9.Сато Минори, 76), 14.Баҳодир Насимов, 19.Забиҳилло Ўринбоев (11.Шаҳзодбек Нурматов, 71), 21.Сардор Азимов, 22.Рустам Ашурматов, 23.Шоҳруҳ Гадоев (17.Достонбек Ҳамдамов, 60), 30.Юрица Булят, 71.Александр Алемпиевич.
Захира: 45.Акбар Тўраев, 10.Элдор Шомуродов, 16.Дилшодбек Аҳмадалиев, 20.Отабек Шукуров.
“Қўқон-1912”: 13.Никита Рибкин, 4.Миржалол Қурбонов, 5.Жалил Кимсанов, 6.Баҳодир Акрамов, 7.Отабек Зокиров (14.Аваз Маматхўжаев, 41), 10.Отабек Ҳайдаров, 20.Достонбек Турсунов (49.Шохрух Холматов, 67), 28.Абдуллоҳ Олимов, 75.Иброҳим Раҳимов, 90.Суҳроб Бердиев, 99.Жавоҳир Сиддиқов (70.Собир Ҳамидов, 80).
Захира: 12.Азиз Ашуров, 9.Носир Отақўзиев, 55.Дарко Гожкович, 83.Никола Валентич.
Матнда хатолик топсангиз, ўша хатони белгилаб, бизга жўнатинг (Ctrl + Enter).