Баҳрайнда ёшлар ўртасидаги Осиё чемпионатининг 2-тур ўйинлари якунланди.
«D» гуруҳида Ўзбекистон ёшлари Австралия билан куч синашди ва қийин кечган ўйинда ғалаба қозонди. Бу натижадан сўнг Ўзбекистон сўнгги тур натижаларидан қатъий назар, гуруҳда биринчи ўринни эгаллаб, кейинги босқичга чиқди.
Яшил қитъа вакилларимиз ёшларимизга қарши очиқ ўйин вариантини танлашди. Бу эса биз учун айни муддао эди. Ҳар томонлама — ўйин, тактика, техника ва индивидуал жиҳатдан австралияликлардан устун бўлган футболчиларимиз танаффусга қадар рақиб дарвозасини икки марта ишғол қилишди.
Майдон марказида Муҳиддинов тўпни эгаллаб олиб, қарши ҳужумга асос солди. У чап қанотдан жарима майдончасига кираётган Ибрагимовни тўп билан таъминлади. Достоннинг узатмасидан кейин Абудхолиқов яқин масофадан тўпни дарвозага жойлади.
Биринчи бўлим тугашига 5 дақиқа қолганида ҳисобдаги фарқ иккитага ошди. Бутун ўйин давомида тиниб-тинчимаган Жасурбек Яхшибоев ўнг қанотдан жарима майдончаси кирди ва шерикларига узатма берди. Абдухолиқов тўпни атайлаб ўтказиб юборди ва Дстон Ибрагимов 14 метрлардан зарба бериб, дарвозани ишғол қилди.
Иккинчи бўлимнинг илк дақиқасида футболчиларимиз ҳисобни йирик кўринишга келтиришди. Шароф Муҳиддинов майдон марказида рақиб футболчисини алдаб, ўнг қанотдаги Яхшибоевни тўп билан таъминлади. Жасур эса Неймар услубида жарима майдончасидаги Абдухолиқовга узатма берди. Бобурнинг зарбаси ҳимоячига тегиб қайтади. Ибрагимов эса 10 метрлардан кучли зарба билан дарвозани ишғол қилди.
Шундан сўнг ўйинни бошқарган БААлик ҳакам асосий саҳнага чиқди. У дастлаб сардоримиз Исломжон Қобиловга иккинчи сариқ карточкани бериб, майдондан четлатган бўлса, кейинчалик йўқ жойдан дарвозамиз томон иккита пенальти белгилади. Яхшиямки, иккинчи пенальти қўшиб берилган дақиқаларда белгиланди. Австралияликлар 11 метрли жарима зарбаларини голга айлантириб, ҳисобни қисқартиришди.
Ушбу ғалабадан сўнг Ўзбекистон ёшлар терма жамоаси ўз очколарини 6тага етказишди ва муддатидан аввал гуруҳ ғолиблигини ҳал қилишди. Терма жамоамиз чорак финалда "С" гуруҳида 2-ўринни эгаллаган жамоага қарши баҳс олиб боришади.
Ёшлар ўртасидаги Осиё чемпионати. "D" гуруҳи, 2-тур
АВСТРАЛИЯ - ЎЗБЕКИСТОН - 2:3
Голлар: Лиам Юллей (64-пенальти), Жорж Блэквуд (90+4-пенальти) — Бобур Абдухолиқов (28), Достон Ибрагимов (40, 46)
Четлатиш: Исломжон Қобилов (56, иккинчи сариқ карточка)
Ўзбекистон: 1.Умиджон Ҳамроев, 3.Ҳожиакбар Алижонов, 4.Исломжон Қобилов (С), 5.Хушнудбек Авилов, 6.Азизжон Ғаниев, 9.Жасурбек Яхшибоев, 11.Бобур Абдухолиқов, 14.Шароф Муҳиддинов, 15.Ойбек Рустамов, 16.Жамшид Юсупов, 19.Достон Ибрагимов
Австралия: 12.Том Гловер, 2.Виллиам Мутч, 4.Томас Денг (С), 5.Жексон Бандейра, 6.Лиам Роуз, 8.Марио Шабоу, 13.Жорж Блэквуд, 14.Жозеф Чампнес, 16.Стив Кузмановски, 19.Жорж Христос, 23.Лиам Юллей
Бош ҳакам: Аммар Али ал-Жнейбий (БАА)
«D» гуруҳи, 2-тур
Тожикистон – Хитой – 2:0 (1:0)
Голлар: Эхсоний (3), Хамроқулов (65)
Австралия - Ўзбекистон – 2:3 (0:2)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
