Ҳозирги кунда ўзбекистонлик мухлисларнинг диққат эътибори Баҳрайнда ўтаётган ёшлар ўртасидаги Осиё чемпионатида иштирок этаётган Ўзбекистон ёшлар термаси ўйинларига қаратилган десак муболаға бўлмайди. Чунки келаси йили Жанубий Кореяда ўтадиган навбатдаги жаҳон чемпионатига йўлланма берувчи ушбу мусобақанинг иккита турида ёшларимизнинг ажойиб ўйинлари ва натижаси ҳозирча биз мухлисларни хурсанд қилиб, кўнгилларимизни кўтармоқда. Шундай ўйнашда давом этинглар укаларим, токи охирги кучингизгача майдоннинг ҳар бир қаричи учун Ватан манфаати йўлида курашинглар.
Ўйиндан-ўйинга тажриба орттириб бораётган Жасур Абдураимов бошчилигидаги ёшлар терма жамоамиз «энг яхши ҳимоя – ҳужум» шиори остида жамоавий футболни биринчи ўринга қўймоқдаки, бунинг натижасида рақибларимиз ҳам бизга қарши ўйин пайтида қанақа тактика қўлланишда иккиланиб майдонда тўп сурмоқда. Бу эса австралияликлар билан ўйинда яққол билинди. Улар сардоримизнинг “қизил карточка” туфайли майдонни тарк этганлигидан фойдаланган ҳолда фақат иккита пенальтидан гол киритганлигини инобатга олмасак, дарвозамизга айтарли биронта аниқ зарба беришолмадилар.
Тўғри, биз гуруҳимизда мутлақо бир-бирига ўхшамайдиган иккита ўйин ўтказдик ва уларнинг ҳар бирида турли натижа қайд этдик. Биричи ўйинда иродали ғалабага эришган бўлсак, иккинчи ўйинда эса ярим соат бир ўйинчи кам бўлиб ўйнашимизга қарамасдан, йигитларимиз ўз иродасини намоён этиб, рақиб томонидан уюштирилган ҳар қандай босимга қарши муносиб ўйин кўрсатишди. Муҳими керакли очколарни қўлга киритиб, ўз мақсадимизга эришдик. 3-турда Хитой билан бўладиган ўйин натижаси аслида биз учун ҳам, рақибларимиз учун ҳам ҳеч нарсани ҳал қилмайди. Негаки, Хитойда икки тур натижасига кўра биронтаям очко йўқ бўлиб, улар чорак финалдан маҳрум бўлишган бўлишса, Тожикистон ва Австралия ўйинида қанақа натижа қайд этилишидан қаъти назар, ва қўшимчасига, жамоамиз уларни ўзаро ўйинга мувофиқ мағлуб этган ҳолда муддатидан аввал чорак финал масаласини ҳал қилишди. Демак, олдинга қўйилган биринчи вазифа бажарилди. Иккинчи вазифа эса чорак финалда биз билан ким рақиб бўлишидан қаъти назар уларни мағлуб этиб жаҳон чемпионатига йўлланмани қўлга киритиш.
Жамоамиз жамоавий ўйинга мослаштирилган ҳужумкор тактик услубига эга экан. Буни мен иккита ўйиндан буён кузатиб келмоқдаман, шундан келиб чиқиб ўз фикримни билдирмоқдаман. Гарчи ҳар иккала ўйинда ҳам рақибимизни бир тўп фарқи билан ютишимизга қарамасдан ўз услубимизга эга жамоа шаклланганлиги бунинг исботидир. Ёшларимиз муддатидан аввал чорак финал масаласини ҳал этганлигини инобатга олсак, демак, 3-турда Хитой билан бўладиган ўйинда асосий ўйинчиларимизга дам бергани яхшидир, балким. Чунки ҳар иккала жамоа учун аҳамиятсиз бўлган учрашувда уларнинг жароҳат олмасликка ёки бўлмаса огоҳлантириш олмаслик мақсадида ўйинни ўтказиб юборгани мақул, менимча. Яна ким билади дейсиз. Буёғи энди ёшларимизнинг мураббийлар штабига боғлиқ, албатта.
Насиб қилса, чорак финалдаги ўйин ва ундаги ғалаба ёшларимизни жаҳон чемпионатига олиб чиқади ва бу биз мухлислар учун ажойиб совға бўлар эди. Ёшларимиз эртанги келажагимиз. Биз ёшларга ишонамиз.
Яна шуни қўшимча қилиб айтмоқчиманки, Ўзбекистондаги ва юртимиздан ташқари чет элларда юрган футбол мухлисларимизни бир оила фарзандлари каби бирлашишини, ёшларимизни хоҳ стадионда бўлсин, хоҳ телевизор қаршисида бўлсин, хоҳ интернет орқали бўлсин қўллаб-қувватлаб туришга чақираман.
КУЧ БИРЛИКДА!!!
ОЛҒА, ЎЗБЕКИСТОНИМ!
Абдумажид Қодиров
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
