Испания чемпионатининг 19-тури доирасида "Эйбар" майдонида меҳмон бўлган "Барселона" йирик ҳисобда ғалаба қозонди.
"Эйбар" ўз майдонида ҳар қандай жамоага жиддий қаршилик кўрсата оладиган жамоа. Мезбонлар биринчи бўлимнинг ўрталаригача "Барса" футболчиларига нисбатан кучли прессинг намойиш қилиб, уларга ўз ўйинларини топиб олишга имконият бермади.
Ўйиннинг 32-дақиқасида каталонияликлар ҳисобни очишга муваффақ бўлишди. Мессининг жарима майдончаси ташқарисидан берган зарбасидан кейин тўп ҳимоячига тегиб қайтди. Денис Суарес эса 22 метрлардан аниқ зарба билан дарвозани ишғол қилди.
Энрике шогирдлари танаффусга қадар ҳисобни йирик кўринишга келтиришлари мумкин эди. Бироқ яккама-якка вазиятда Неймарнинг зарбасини "Эйбар" посбони қайтарган бўлса, Луис Суареснинг зарбасидан кейин тўп устунга тегиб қайтди.
Иккинчи бўлим бошида эса Месси ўз имкониятидан самарали фойдаланди. Лео тўпни Луис Суаресга узатди ва ўзи меҳмонлар жарима майдончаси томон югурди. Уругвайлик футболчи ўз вақтида жамоадоши томон узатма берди. Месси дарвозабон билан юзма-юз вазиятда тўпни дарвозага жойлади.
Орадан кўп ўтмасдан Луис Суарес ҳам ўз ҳисобига гол ёзишга муваффақ бўлди. У рақиб ҳимоячисидан тўпни олиб қўйиб, дарвозабон билан бирга-бир вазиятга чиқди ва яқин бурчакни аниқ нишонга олди.
Сўнгги дақиқаларда майдон эгалари икки марта гол уриш учун яхши имкониятга эга бўлишди. Аммо бир вазиятда Тер Штеген, иккинчисида эса ноаниқ зарба тўпнинг дарвозадан ўрин олишига халал берди.
Қўшиб берилган дақиқаларда эса Неймар ҳам ўз номини таблога ёздириб қўйди ва якуний ҳисобни ўрнатди — 0:4.
Ушбу ғалабадан кейин "Барселона" ўз очколарини 41тага етказди ва жамоа биринчи даврани 3-ўринда якунламоқда. "Кўк-анорранглилар" "Реал"дан 2, "Севилья"дан 1 очко ортда қолишмоқда.
Испания Ла лигаси, 19-тур
Эйбар – Барселона 0:4 (0:1)
Голлар: 0:1 – 31 Суарес, 0:2 – 50 Месси, 0:3 – 68 Суарес, 0:4 – 90 Неймар.
Эйбар – Йоэль, дос Сантос, Луна (Ривера, 82), Капа, Лежен, Эскаланте, Дани Гарсия, Гонсалес (Рико, 74), Леон, Инуи (Пенья, 78), Энрик.
Барселона – тер Штеген, Матье, Умтити, Альба, Сержи Роберто (Алеиш Видаль, 65), Ракитич, Бускетс (Суарес, 10), Туран, Неймар, Месси, Суарес (Пако Алькасер, 76).
Огоҳлантиришлар: Эскаланте (26), Капа (39), Туран (42), Энрик (44).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
