Баъзида энг зўр жамоавий ўйин ҳам шунчаки етарли бўлмайди. Шундай ўйин кўрсатган «Атлетико» бу сафар «Барселона»дан ўйин бошида иккита гол ўтказиб юборди, иккинчи таймдаги ажойиб ҳаракатлар эса мағлубиятдан қутулишга етарли бўлмади. «Барса»нинг устунлигини эса Лионел Месси ва Луис Суарес маҳоратининг ўта юксаклиги таъминлади.
Ўтган мавсум Чемпионлар лигаси чорак финалида «матрасчилар» икки ўйин натижасига кўра каталонияликларни мусобақадан чиқариб юборган эди. Бироқ ўшанда Месси, Суарес ва Неймарнинг Жанубий Америкадаги терма жамоалар ўйинларидан чарчаб қайтган даврига тўғри келган ва бу «Атлетико»нинг ғалабасига сезиларли таъсир кўрсатган эди. Бу учлик кучга тўлган ҳолда бўлганида, тўқнашув бошқача кўриниш олиши мумкин эди.
Кечаги ўйинда эса улар айнан шундай ҳолатда эди. «Атлетико»нинг машҳур ҳимояси сўнгги пайтларда тартибсиз ўйин кўрсатаётган бўлса ҳам, «Барса»га қарша ўйинда яна аслига қайтган эди. Бироқ улар Суарес 7-дақиқадаёқ жамоанинг деярли ярмини ортда қолдириб дарвозани ишғол қилганда ва 33-дақиқада Мессининг ҳайратланарли зарбасига қарши ҳеч нарса қила олмади.
Аслида уларни қандай тўхтатиш мумкин? Бу жуда қийин, айнан футболчиларнинг индивидуал маҳорати бу даражадаги фарқни кўрсатади. «Ателтико» эса қанчалик сифатли жамоавий ўйин кўрсатмасин, Месси, Суарес ва Неймар цингари футболчиларга эга эмас. Мадридликларнинг бу футболчилар даражасига энг яқин аъзоси Антуан Гризманн бўлиб, у буни ўзининг иккинчи бўлимдаги голи билан кўрсатди. Балки франциялик ҳужумчи жавоб ўйинида ҳам вазиятни ўзгартиришга уриниб кўрар.
Ҳам Бускетс, ҳам Инестанинг хизматларидан бир вақтнинг ўзида фойдалана олмаётган «Барса» эса Месси ва Суареснинг маҳорати эвазига майдон марказидаги устунликни таъминлашга ҳожат ҳам сезмади. Мессининг бу баҳсдаги ўйинин алоҳида таъкидлаш лозим. Аргентиналик футболчи ўзи доимо олдинга ташланиб туриш билан бирга тўпни ҳеч кимга узатиш имконсиздек туюлган қатор вазиятларда керакли футболчини топа олди ва бу унинг шерикларини бутун ўйин давомида маълум босим остида ушлаб турди.
«Атлетико» эса ўзининг Қирол кубоги доирасида «Висенте Калдерон» стадионидаги сўнгги ўйинида мағлубиятдан қутулиб қолиш учун олдинга ташланди. Албатта, келаётган ёзда бузиладиган стадионда мусобақа финали ўтказилиши мумкинлигини ҳам йоддан чиқармаслик лозим. Бироқ Симеоне жамоаси барибир вазиятни ўнглай олмади. Захирадан майдонга тушган Фернандо Торрес мезбонлар ўйинига шижоат қўшган бўлса ҳам бу натижага таъсир кўрсатмади.
«Висенте Калдерон»да беш фантастик мавсум ўтказган аргентиналик мураббий шартномаси якунланиши олдидан (2018-йил ёзида) жамоани янги стадионга ҳам бошлаб бориши кутилмоқда. Ушбу беш мавсум давомида у «Атлетико» билан бешта соврин ютишга эришди, бироқ 2014 йилдан буён бироқ соврин ютолгани йўқ.
Аммо у «матрасчилар»ни ўзлари етиши мумкин бўлган энг юқори марраларга етаклаганини эътироф этиш лозим. Бунинг уятли жойи йўқ, чунки энг юксак даражаларда ўйинлар тақдирини энг, энг, энг яхши футболчилар ҳал қилади. Ҳозирда шундай футболчиларга эга жамоа «Атлетико» эмас, балки «Барселона»дир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
