“ПСЖ” бу мавсумни испаниялик мураббий Унаи Эмери бошқарувида ўтказмоқда. Мазкур мутахассис эса “Барселона” ҳақида кераклича маълумотга эга. Эмерининг янги жамоаси Франциянинг амалдаги чемпиони ҳисобланади. Бироқ бу мавқеъни сақлаб қолиш эса бу мавсумда жуда оғир кечмоқда.
Парижликлар ҳозирда чемпионатда иккинчи ўринда боришмоқда. “ПСЖ” ҳам бўлажак ўйинга яхши кайфиятда ташриф буюради, сабаби улар сўнгги турда “Бордо” устидан йирик 3:0 ҳисобида ғалаба қозона олишди. “ПСЖ” сўнгги 11та ўйининг нақд 10тасида ғалаба қозониб бир бор дурранг натижа қайд этди. Яна бир қизиб маълумот амалдаги чемпионлар ўтган йилнинг март ойидан буён ўз майдонида мағлуб бўлишганича йўқ. Яъни 24та учрашувда 17та ғалаба.
Чемпионлар лигасида эса “ПСЖ” ўз рақибидан фарқли равишда иккинчи ўринни олган бўлсада 6та баҳснинг биронтасида мағлуб бўлмади ва ўртача ҳисобда ҳар бир ўйинда иккитадан гол уришга муваффақ бўлди. Мазкур учрашувда Унаи Эмери Хавер Пасторе ҳизматидан фойдалана олмайди. Шунингдек Гжегож Криховяк ва дарвозабон Кевин Трампнинг жисмоний ҳолати ҳам яхши эмас.
“Барселона” жамоаси бу учрашувга яхши кайфиятда ташриф буюрмоқда (Алавес – Барселона 0:6). Луис Энрике шогирдлари 11та расмий учрашувдан буён мағлубиятга учрамай, улардан 8тасини ғалаба билан якунлашга муваффақ бўлишди. Меҳмондаги ўйинларда эса ‘кўк-анорранглилар” 5та ўйиндан 4тасида зафар қучишди ва 14та гол уриб 2 маротаба ўз дарвозаларидан тўп олиб чиқишди.
Чемпионлар лигасида эса “Барселона” C гуруҳида 6та учрашувнинг фақат биттасида мағлуб бўлди (Манчестер Сити – Барселона 3:1). Шунингдек ҳар бир ўйинда ўртача ҳисобда учтадан гол уришга ҳам муваффақ бўлди. Мазкур баҳсда Хавер Маскерано, Рафиня, Арда Туран ва Алеиш Видал ўз жамоасига ёрдам бера олишмайди. Андрес Иньеста ва Жерар Пикенинг жисмоний ҳолати эса қониқарли даражада эмас.
“ПСЖ” – “БАРСEЛОНА”
14 феврал. Париж. Стадион “Парк-де-Пренс”
Ҳакам: Шимон Марчиняк.
Ўзаро ўйинлар: 9та
Ғалабалар: Барселона – 4та, ПСЖ – 2та, 3та дурранг.
Голлар: Барселона – 16та, ПСЖ – 11та
Сўнгги учрашувлар:
21.04.2015: (1/4 финал) Барселона – ПСЖ – 2:0
15.04.2015: (1/4 финал) ПСЖ – Барселона – 3:1
10.12.2014: (Ф гуруҳи) Барселона – ПСЖ – 3:1
30.09.2014: (Ф гуруҳи) ПСЖ – Барселона – 3:2
10.04.2013: (1/4 финал) Барселона – ПСЖ – 1:1
02.04.2013: (1/4 финал) ПСЖ – Барселона – 2:2
Мазкур учрашувни УЗРEПОРТ Твда соат 00:30 дан бошлаб жонли эфирда кузатиб боришингиз мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
