Европа чемпионлар лигасида нимчорак финал босқичи доирасидаги кечаги ўйинлардан кейин мухлислар бугун ҳам ана шундай шиддатли баҳсларни кутишди. Кутилган ўйинлар ўзининг қизиқарлилиги билан кечагиларидан қолишмади.
Баҳс бошланган заҳоти мадридликлар дарҳол олдинга ташланишди ва 20-сониядаёқ ҳисобни очишлари мумкин эди. Роналду ва Бензема ўзаро комбинация ташкил қилишди ҳамда Криштиану чап қанотдан жарима майдончасига узатма берди. Бензема 9-10 метрлардан зарба берди. Рейна зарбани қайтаришга муваффақ бўлди.
Зидан шогирдлари тўпни назорат қилиш ва ҳужум уюштиришда эҳтиёт билан ҳаракат қилишдики, рақибнинг қарши ҳужуми ёмон оқибатларга олиб келиши мумкинлигини улар билишарди. Аммо улар қўрққан нарса барибир содир бўлди. Наполликлар майдон марказида қисқа паслар орқали тўпни назорат қилиб туришди ва Ҳамшик аниқ пас билан Инсиньени олдинга бошлади. Футболчи кутилмаганда олис масофадан айланма зарба бериб, бироз олдинга чиқиб кетган Кейлор Навас тўпни қайтара олмади.
Мадридликлар ҳисобни тенглаштиришлари учун 10 дақиқа кифоя қилди. Карвахаль жарима майдончаси бурчагидан аниқ узатма берди ҳамда Карим Бензема яқин масофадан бош билан дарвозани ишғол қилди!
Танаффусга қадар "Реал" 2та жуда қулай имкониятдан фойдалана олмади. Дастлаб Модричнинг ўз вақтида берган узатмасидан кейин Криштиану жарима майдончасига кирди ва 10-11 метрлардан зарба берди, аммо тўп дарвоза устидан ўтиб кетди. Биринчи бўлим тугаши арафасида эса Карвахалнинг узатмасидан кейин Роналду ўнг қанот бўйлаб олдинга ўтди ва жарима майдончасига узатма берди. Бензема бирга-бир вазиятда Рейнанинг ёнидан тўпни ўтказди. Аммо тўп устунга тегиб, майдонни тарк этди.
Иккинчи бўлимнинг илк дақиқаларини неаполликлар ҳужум билан бошлаган бўлсалар-да, тайм аввали "Реал" учун жуда омадли келди. Роналду, бугунги ўйинда гол ура олмаган бўлса-да, жамоаси учун анча фойдали ҳаракат қилди. Айнан у ўнг қанотда бир ҳимоячини алдаб, жарима майдончасига кирди ва орқага узатма берди. Кроос 15 метрдан ерлатиб зарба бериб, дарвозани ишғол қилди.
Орадан 5 дақиқа ўтиб, майдон эгалари яна ўнг қанотдан ҳужум ташкил қилаётганида, тўп ҳимоячининг оёғидан ортга қайтди. Каземиро 25 метрлар масофадан тўпни ерга туширмасдан тепди ва олис бурчакни аниқ нишонга олди!
Зидан шогирдларини 2та тўп фарқи билан олдинга ўтиб олиш қаноатлантирарди. Улар қолган дақиқаларда яхши ҳимояланиб, "Наполи"га хавфли вазият яратиш имкониятини бермасликка ҳаракат қилишди. Меҳмонлар эса бир марта жуда қулай имкониятга эга бўлишди. Олис масофадан етказилган тўпни Кальехон рақиб жарима майдончаси ичида битта уринишда жамоадошига қолдирди. Зелински 11 метрли нуқта устидан дарвозага аниқ зарба бера олмади. Ваҳоланки, унга ҳеч ким халал бермаётганди.
Шу тариқа, "Реал" ўз майдонида иродали ва муҳим ғалабани қўлга киритди. Уч ҳафтадан кейин Неаполда бўладиган жавоб баҳсида Зидан жамоаси жиддий устунликка эга бўлиб олди.
ЕЧЛ, Нимчорак финал, дастлабки ўйин
"РЕАЛ МАДРИД" - "НАПОЛИ" 3:1 (1:1)
Голлар: 0:1 – 8 Инсинье, 1:1 – 18 Бензема, 2:1 – 49 Кроос, 3:1 – 54 Каземиро.
Реал Мадрид – Навас, Варан, Марсело, Карвахаль, Рамос (Пепе, 71), Модрич, Каземиро, Кроос, Хамес (Васкес, 76), Роналду, Бензема (Мората, 82).
Наполи – Рейна, Альбиоль, Ғулом, Хюсай, Кулибали, Мертенс, Зелиньски (Аллан, 75), Кальехон, Гамшик (Милик, 84), Инсинье, Диавара.
Огоҳлантиришлар: Рамос (17), Зелиньски (38), Модрич (52), Мертенс (76).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
