Чемпионлар Лигаси нимчорак финали жавоб учрашувида «Барса»нинг кейинги босқичга ўтишига ҳар қандай статистика қарши. Бироқ, каталонияликлар “ПСЖ”га қарши баҳсда мўъжиза кўрсата олишлари учун етарли сабабларга эга.
Ўз тарихида, “Барселона” бундай чақириққа ҳали рўбарў келмаганди. 14-феврал куни нимчорак финал дастлабки учрашувида Парижда 4-0 ҳисобида енгилган “Барселона” “Ноу Камп”да мўъжиза кўрсатишга астойдил бел боғлаган. УЭФА статистикаси бўйича, Луис Энрике шогирдларининг кейинг босқичга ўтиш имконияти 0 га тенг. Шунга қарамай, “Барселона” кейинг босқич вазифасини уддалай олиши учун бешта сабаб борки, уларни ҳам назардан қочирмаслик керак.
“Камп Ноу”да ўйин атмосфераси кўтаринки тарзда
Ла Лига ёки Чемпионлар Лигаси баҳси бўлсин, «Ноу Камп» ўзгача тус олади. Жамоа мухлислари «ПСЖ«га қарши «камбек» учун астойдил тайёрланишди. Шу боис, «Ноу Камп» ўз футболчилари билан қалбан бўгланади. Тиаго Силва, Марко Верратти ёки Анхел Ди Мария нафақат каталонияликлар асосий таркибига қарши балки, 100 000 кишига қарши баҳс олиб боришларига тўғри келади.
МСН билан «Барса» сайёранинг энг ҳужумкор жамоаси
Ушбу эслатма «Парк де Пренс»даги ўйиндан олдин ҳам бот-бот такрорланганди. Жавоб ўйинида ҳам такрорланади. Зеро, Луис Энрике ихтиёридаги бундай ҳужум учлиги бошқа бирорта жамоада мавжуд эмас. Месси, Суарес, Неймар спорт формасида бўлганида орадаги фарқни йўқ қилиш учун “мўъжиза” кўрсатишлари зарур эмас. Шунчаки ўз ишларини мукаммал бажаришлари талаб этилади, холос. Луис Энрике “Барселона”сининг муваффақиятлари калити айнан МСН ҳисобланади. Сўнгги уч ўйинда жорий этилган янги тактика энг яхши ўйинчи Мессини қайта топишга ёрдам берди. Шунингдек, Неймар ҳам “қайта туғилди”. Суарес ўз ўйинини янада мустаҳкамлаб олди. Бундай ўзгаришлар албатта, «Барселона» мухлисларида умид учқунларини уйғотгани бор гап.
Бускетс ва Тер Штеген ажойиб ўйин кўрсатмоқда
Шанба куни «Селта»га қарши кечган баҳсда (5-0), “Барселона” мавсумдаги энг яхши ўйинларидан бири намойиш этди. Катта босим, керакли ритм билан жамоа Бускетс ижросида ажойиб ўйин гувоҳи бўлишди. Тер Штеген ҳам амалдаги Испания чемпионларининг сўнгги баҳслардаги ғалабаларининг муҳим элементларидан бири бўлди. Оёқ билан ўйнашда, хавфли вазиятларни қайтаришда ишончли ўйин намойиш этган германиялик посбон ҳам юқори спорт формасида эканлигини кўрсатиб берди.
“ПСЖ”даги катта ишонч
«Барселона»ни йирик 4-0 ҳисобида доғда қолдириш кичик иш эмас. Бундай натижадан кейин «ПСЖ» Унай Эмери бошқарувида «саргузаштлар олами»да бўлсада, жавоб учрашувида панд еб қолишлари мумкин. Эмери турган гапки, бундай психологиядан қочиш чораларини кўрган бўлиши керак. Улар аввало дастлабки учрашувдаги натижа тасодифмаслигини ҳам кўрсатишлари керак. Верратти эса бундай ўйиндан олдин вазиятни тушунган кўринади. Ўз интевюсида бу вазиятга алохида тўхталиб ўтди. «Биз «Барселона»дан кучлимиз дея ўйламаслигимиз керак акс ҳолда, қаттиқ хато қилган бўламиз.»
Тарихан, «Барселона» «камбэк»ларга кўниккан
Чемпионлар Лигаси тарихида ҳеч бир жамоа дастлабки учрашувдаги 4 голли фарқни йўққа чиқарган эмас. Аммо, “Барселона” ҳеч қачон умидсизликка тушмаган. “Барселона” ўз тарихида 22 бора 4-0 ҳисобида зафар қучган, шундан бештаси эса айнан Чемпионлар Лигасига тўғри келади. Бундай натижанинг сўнгги иккитаси ушбу мавсумда “Манчестер Сити” ва “Боруссия Мюнхенгладбах”га қарши баҳсларда юз берди.
4-0 ҳисобидаги фарқни йўққа чиқариш жуда қийин вазифа, ҳатто имконсиз бўлиши мумкин. Бироқ, “Барса”нинг сўнгги ўйинларидаги сезиларли ўсиш бу вазифани уддалай олишига кўпчиликни ишонтирмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қорабоғ
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
