Испания чемпионатининг 32-тури доирасида "Барселона" ўз майдонида "Реал Сосьедад"ни қабул қилди. "Камп Ноу"га йиғилган мухлислар кўпгина голларга гувоҳ бўлишди.
Учрашувдаги дастлабки гол 17-дақиқада Месси томонида урилди. Лионель 20 метрлардан аниқ зарба билан тўпни дарвоза бурчагига жойлаб қўйди. Орадан 20 дақиқа ўтиб аргентиналик футболчи ўз ҳисобига яна битта гол ёзди. Суарес бирга-бир вазиятда зарба берди ва ҳимоячи қайтарган тўпни Месси бўш дарвозага жойлаб қўйди.
Шундан сўнг танаффусга қадар дарвозаларга яна 3та тўп киритилди. Дастлаб Иньиго Мартинес деярли яккама-якка вазиятда зарба берди, тўп Умтитига тегиб, тўрга бориб тушди. "Барселона" тезда ҳисобдаги фарқни яна 2тага етказиб қўйди. Мессининг узатмасидан кейин Алькасер яккама-якка вазиятга чиқди ва ундан самарали фойдаланди.
Биринчи бўлимга қўшиб берилган дақиқаларда басклар ҳужум ташкил қилиб, ўзлариннинг иккинчи голларини уришди. Қанотдан етказилган узатмани Прието дарвозага жойлаб қўйди, 3:2.
Иккинчи бўлимда тўп назорати бўйича устунлик сан-себастьянликлар томонида бўлди. "Сосьедад" футболчилари "Барса" дарвозаси олдида бир нечта хавфли вазиятларни яратишди. Натижада "кўк-анорранглилар" мухлислари иккинчи 45 дақиқаликни катта хавотир билан кузатишди. Иккинчи бўлимга қўшиб берилган дақиқаларда Луис Суарес хавотирларни йўққа чиқариши мумкин эди. Аммо уругвайлик футболчи бирга-бир вазиятга чиқиб бориб, имкониятдан фойдалана олмади.
Шу тариқа, "Барселона" келаси ҳафта бўладиган "эл-класико" олдидан "Реал" билан 3 очколик фарқни сақлаб қолди.
Испания чемпионати, 32-тур
"БАРСЕЛОНА" - "РЕАЛ СОСЬЕДАД" 3:2 (3:2)
15 апрель, 21.45, «Камп Ноу»
Голлар: 1:0 – 17 Месси, 2:0 – 37 Месси, 2:1 – 42, автогол Умтити, 3:1 – 44 Пако Алькасер, 3:2 – 45 Прието.
Барселона – тер Штеген, Умтити, Пике, Альба, Сержи Роберто, Ракитич, Бускетс, Андре Гомеш (Иньеста, 69), Пако Алькасер (Денис Суарес, 79), Месси, Суарес.
Реал Сосьедад – Рульи, Навас, Берчиче, Сальдуа, Мартинес, Сурутуса (Гранеро, 84), Ильярраменди, Вела (Каналес, 62), Прието, Ойарсабаль, Виллиан Жозе (Баутиста, 79).
Огоҳлантиришлар: Вела (7), Пако Алькасер (41), Ильярраменди (49), Суарес (68), Пике (88).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
