Ўзбекистон Республикаси Президентининг жорий йил 15 февралдаги фармонига биноан Маданият ва спорт ишлари вазирлиги негизида Ўзбекистон Республикаси Маданият вазирлиги ҳамда Ўзбекистон Республикаси Жисмоний тарбия ва спорт давлат қўмитаси ташкил қилинган эди.
25 апрель куни Ўзбекистон Республикаси Жисмоний тарбия ва спорт давлат қўмитаси ҳайъатининг мажлиси бўлиб ўтди. Уни қўмита раиси Рустам Қурбонов олиб борди. Дастлаб янги тузилган қўмита раҳбарияти, ҳудудий бошқармалар бошлиқлари тўпланганларга таништирилди.
Кун тартибидаги асосий масала 2017 йилнинг биринчи чорагида амалга оширилган ишларнинг самарадорлиги ҳамда Ўзбекистон Республикаси Президентининг қарорлари ижросини таъминлашга бағишланди. Қўмита олдида турган долзарб вазифалар бажарилиши учун нималар қилиш зарурлигига алоҳида эътибор қаратилди. Бу борада раҳбарларнинг шахсий масъулияти таъкидлаб ўтилди.
Ўзбекистон спортчиларининг 2020 йили Япония пойтахти Токио шаҳрида ўтказиладиган навбатдаги ёзги олимпиада ва паралимпиада ўйинларига тайёргарлик кўришлари билан боғлиқ масала юзасидан Ўзбекистон миллий олимпия қўмитаси бош котиби Ойбек Қосимовнинг маърузаси тингланди.
Жисмоний тарбия-соғломлаштириш ва спорт объектлари ҳужжатларини ўрнатилган тартибда расмийлаштириш, спорт соҳасида кадрларни тайёрлаш, қайта тайёрлаш ва малакасини ошириш хусусида Сертификациялаш ва компьютерлаштириш маркази директори Шавкат Султанов сўзга чиқди. Ўзбекистон Болалар спортини ривожлантириш жамғармаси ижро этувчи директори вазифасини бажарувчи Ваҳобжон Муратқобилов жамғарма Ҳомийлик кенгаши йиғилишига тайёргарликнинг бориши ҳақида ахборот берди.
Шунингдек, жисмоний тарбия ва спорт соҳасида аҳоли кенг қатламларини спорт билан шуғулланишга қаратилган давлат сиёсатини амалга ошириш бўйича долзарб вазифалар муҳокама қилинди, оммавий спорт, болалар спорти ва профессионал спорт йўналишлари бўйича моддий-техник базасини ривожлантириш ва мустаҳкамлаш, улардан максимал даражада ва самарали фойдаланиш, “Баркамол авлод” ўйинларига тайёргарликнинг сўнгги босқичи давомида амалга оширилиши зарур ишлар ҳақида фикр алмашилди. Дастлабки икки ой мобайнидаги фаолият танқидий руҳда таҳлил қилиниб, сусткашликка йўл қўйганлар огоҳлантириб ўтилди. Кечиктириб бўлмайдиган вазифаларни самарали бажариш юзасидан тегишли чора-тадбирлар белгилаб олинди.
Ҳайъат ишида Ўзбекистон Республикаси Президенти девони ҳамда Вазирлар Маҳкамасининг масъул ходимлари иштирок этиб, сўзга чиқишди.
Ўзбекистон Республикаси Жисмоний тарбия ва спорт давлат қўмитаси Матбуот хизмати
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
