Биринчи лига 7-турида "Цементчи" Тошкентда "НБУ-Осиё" жамоаси меҳмони бўлади.
НБУ-Осиё жамоаси биринчи лиганинг энг тажрибали жамоалардан бири хисобланади. Жамоа илк бор 2000 йил ташкил этилиб, 2001 йилдан биринчи лига мусобақаларидаги иштирокини бошлаган. Эътиборлиси шундаки жамоани 2000-2003 йилларда биринчи мураббийи жуда тажрибали ва Ўзбекистонда энг таниқли мураббийлардан бири Вадим Абрамов бошқарган. Умуман олганда ушбу жамоани турли йилларда анча тажрибали ва таниқли мураббийлар бошқарганлигини кўришимиз мумкин. Абрамовдан ташқари жамоада кейинги йилларда Илхом Мўминжонов, Мухтор Қурбонов, Жаъфар Ирисметов ва Равшан Бозоров сингари мутахасислар мураббий бўлиб фаолият кўрсатганлар.
Жамоанинг яна бир холатига алохида эьтиборингизни қаратган бўлардим. “НБУ-Осиё” жамоаси ташкил этилган йилдан шу кунгача яъни 16 йил узуликсиз Ўзбекистон биринчилиги, биринчи лига мусобақаларида мунтазам иштирок этиб келмоқда.
“НБУ-Осиё” жамоасининг энг яхши кўрсаткичи 2003, 2004, 2012 йилларда - 3-ўрин.
“НБУ-Осиё” жамоаси билан “Цементчи” қайта тузилгандан сўнг тўрт марта тўқнаш келган. Учрашувларнинг 1 тасида банкчилар ғалаба қозонган бўлса, 2 маротаба Цементчи устун келган. Бир учрашувда дурранг қайт этилган. Тўплар нисбати 4:2 кичик устунлик қувасойликларда.
2015 йил 14 апрел
“НБУ-Осиё”- “Цементчи” 1:0
2015 йил 2 июль
“Цементчи” – “НБУ-Осиё” 1:1
2016 йил 17 июль
Ўзбекистон биринчилиги 16-тур
“Цементчи” – “НБУ-Осиё” 1:0
Гол: Рахматилло Мелибоев (66)
2016 йил 20 август.
Ўзбекистон биринчилиги 21-тур
“НБУ-Осиё” – “Цементчи” 0-2
Голлар: Сардор Сотволдиев (65), Даврон Исоқов (85)
“НБУ-Осиё” бу йилги биринчи лига бахсларида 5 та учрашувда майдонга тушиб 3 та галаба 2 та мағлубият билан рақиблар дарвозасига 10 та тўп киритиб ўз дарвозаларидан 8 та тўп олиб чиққан, тўплар нисбати +2. Мусобақа жадвалида эса 9 очко билан 8-поғонани эгаллаб турибди.
Ўтказилган учрашувлар:
2-тур “НБУ-Осиё” - “Янгиер” 2-1
3-тур “НБУ-Осиё” - “Зомин” 1-3
4-тур “НБУ-Осиё” - “Ғаллакор” 3-0
5-тур “Хотира- 79” – “НБУ-Осиё” 2-3
6-тур “Локомотив БФК” – “НБУ-Осиё” 2-1
Жамоа Хомийси - Ўзбекистон Миллий Банки (НБУ)
Жамоа бош мураббийи – Руфат Акрамхўжаев
“Банкирлар”ни бу йилги мавсумга ҳам Руфат Акрамхўжаев тайёрлади. Асосий эътиборни ёшларни тарбиялашга қаратадиган мутахассис ёдингизда бўлса, 2015 йили жамоани қабул қилиб олганди. Дастлабки йил у ёмон натижа қайд этгани йўқ дейиш мумкин. Акрамхўжаевга Рустам Орипов яқиндан ёрдам бериб келмоқда. Шунингдек “Андижон”даги ўйинлари орқали мухлисларга яхши таниш бўлган Икром Ибрагимовни ҳам айтиш лозим. Руфат Акрамхўжаев бошқарувни ўз қўлига олгач, чўчимасдан бир қатор ёшларни асосий таркибга жалб этди. Натижада янги номлар чиқа бошлади. Аббос Пўлатов, Миршоҳид Олимов, Аҳмадилло Назаров, Ориф Абдуғаниев, Сарвар Сафаров ҳамда Муҳаммаджон Султонов.
Ушбу мавсум бошидан Акрамхўжаев ўз аънанасига содиқ қолган холда яна таркибни деярли ёш иқтидор эгалари хисобига янгилади.
Янгиланган таркибда ўтган мавсумда жамоа таркибида харакатланган Орифхўжа Абдухолиқов, Сойиб Сафаров, Орифжон Абдуғаниевларни кўришимиз мумкин холос.
“Банкирлар” устозининг бу сафар хам таркиб борасидаги қарорлари ўзини оқламоқда. Жамоа ўтган 5 та учрашувдан 3 тасини ўз фойдасига якунлай олдилар. Тўпурарлик бобида хам футболчи Орифхўжа Абдухолиқов бир учрашувда 3 та тўп киритиб хетрик қайт этишга хам улгурганини алохида қайт этишимиз мумкин.
Жамоанинг мақсади: - жамоанинг олдига элитага чиқиш вазифаси қўйилмасада, лекин кўплаб футболчилар учун олий лигага ўтиш учун ўзига хос кўприк вазифасини ўтаб бериш, яьни ўйинчиларни Олий лига жамоаларига етказишдан иборат.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
