Андрей Микляев: “Жамоамизга сафар ўйинларида оғир бўлмоқда”
Олий лига 9-туридан ўрин олган “Навбаҳор” - “Локомотив” (2:2) ўйинидан сўнг меҳмонлар устози Андрей Микляев ўз фикрларини айтди.
«Бугун жанговор ва қизиқарли ўйин бўлди. 90 дақиқа давомида майдонда муросасиз кураш кечганлиги мухлисларга ёқди деб ўйлайман. Майдондаги курашлар сони анча кўп бўлди. Ўйлашимча учрашувда икки очко йўқотдик. Негаки, ҳисобда олдинда бораётиб иккинчи бўлим бошида хатога йўл қўйиб дарвозамиздан тўп олиб чиқдик. Танаффусдан кейин тўпни назорат қилиш борасида устунликка эга бўла туриб, гол уришни уддасидан чиқа олмадик. Йигитларимиз ирода кўрсатиб, яхши ўйин кўрсатишди ва охиригача курашишди деб ҳисоблайман. Наманганда мухлислар билан тўла ўйингоҳда ўйнаш ҳар қандай жамоа учун осон бўлмайди. Уч очкони қўлга кирита олмаганимиздан бироз афсусландик. Лекин, асосийси олдинга интилишда давом этмоқдамиз. Яхши ўйин учун футболчиларимизга раҳмат айтаман. Бу йилги чемпионатимиз анча қизиқарли тарзда кечмоқда. Ўйинларни қандай ўтишини олдиндан айтиш анча мушкул бўлмоқда. Бизга қарши учрашувлар айнан шундай жанговор тарзда кечмоқда. Негаки, барча жамоалар пешқадамга қарши баҳсга жиддий тарзда тайёргарлик кўришмоқда. Мухлислар “Локомотив” иштирокидаги учрашувларни томоша қилиш учун ўйингоҳларга келишмоқда. Шу сабабли жамоамизга сафар ўйинларида оғир бўлмоқда. Биз бу ҳолатга кўникиб бормоқдамиз ва йигитларда доим шундай бўлишини уқтирмоқдамиз. Бир сўз билан айтганда чемпионатимиз савияси ўсмоқда. Шу ўринда “Навбаҳор” футбол клуби раҳбариятидан ўйингоҳ майдонини яхшилашга эътибор қаратишларини сўрардим. Савия ва ўйин сифатини ошириш учун майдон ҳолати ҳам шунга мос бўлмоғи лозим. Шу пайтга қадар кўрган майдонларимиз орасида энг ёмони айнан Наманганда эканлигини айтишим мумкин. Майдон сифатини янада яхши бўлишини истардим. Бу орқали “Навбаҳор” жамоаси ва Наманганда меҳмон бўладиган жамоанинг ўйин сифати ва савия янада ортади деб ўйлайман» - деди Микляев.
Манба: pfcnavbahor.uz
Киритилди: 21:49, 04.05.2017. Ўқилди: 3610 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
