Бу воқеа юз беришини ҳеч ким истамаганди. «Манчестер Юнайтед» Златан Иброҳимович билан шартномани узайтиришга иштиёқманд эмас. Златан ўз жароҳатини эркин агент сифатида бошқа клубда тузатишига тўғри келади, чоғи.
Афсуски, шундай. 36 ёшли ҳужумчи замонавий юлдузлардан бири. Фақатгина Златан бутун футбол оламидан ўзини устун қўя олади. Бир дунё танқидлар кетидан ақл бовар қилмас голлар уриб, танқидчиларнинг оғзини ёпади.
Кимдир унинг «кунг-фу» усулида берган зарбасини олқишласа, бошқалар машғулот ўтказиш тарзидан ҳайратга тушади. Тенг тақсимланган машғулотлар, шахсий физиотерапевтлар, махсус танлаб олинган овқатланиш рациони ва қулоқчинлар Ибранинг ажойиб жисмоний ҳолати формуласидир.
Мусиқа тинглашдан ташқари, қолган юмушларга бардош бериш осон эмас, Демак, Златаннинг ўзига юқори баҳо бериши бир жиҳатдан асосли ҳамдир.
Аммо бу ғаройиб фаолиятнинг охири драматик якун топди. Бир пайтнинг ўзида ҳаммаси барбод бўлди. Тақдир Ибра билан ёмон ҳазил қилди ва ҳаётда ҳаммаси футболчининг ўзига боғлиқ эмаслигини кўрсатиб қўйди. Футболчи камида ярим йилга сафдан чиқди, шартнома эса унданда эртароқ якун топади. «МЮ» ўз навбатида, шартномани узайтирмасликка қарор қилиб, тўғри йўл тутди. Ҳа, бу ташқаридан қараганда нохуш манзара касб этади, мухлислар томонидан салбий қарши олиниши мумкин, лекин бу энг тўғри қарор.
Ибрагимовични қанчалик кўп киборгга қиёсланмасин, ҳар қандай механизм бир кун ишдан чиқади. Қайта тикланишдан кейин нима бўлишини ҳеч ким билмайди. Балки биз яна беш-олтита супер голларни кўришимиз мумкиндир?! Ҳа, у якунига етган мавсум манчестерликларга катта фойда келтирди, клуб учун кўп иш қилди, лекин бу унинг бутун умр шу жамоада қолиши лозимлигини англатмайди.
Футболчининг аввалги ҳолатига қайтиш имкониятлари жуда паст. Ибрагимовичнинг ўзига бўлган ишончи ва «суперодам» деган лақаби умид бағишлаши турган гап. Бироқ физика қонунлари ва анатомия бунинг аксини кўрсатмоқда. Швед энди камида ўзининг худбинларга хос футболини намойиш эта олмайди. У майдоннинг бурчак қисмига бориб, тўпни ўзида ушлаб туришни хуш кўради, ҳужумни бошқаради. Футболчи ўйиннинг бир қисми эмас, унинг устуни бўлиб қолишни истайди. Узоқ муддатли танаффусдан кейин ўз ҳолатини яна тиклай оладими? Қийин масала. Агар иложини топган тақдирда ҳам, жамоага наф келтириши мураккаб юмушга айланиши тайин.
Жамоа манфаати муайян футболчи манфаатидан устун эканлиги инкор этиб бўлмас ҳақиқат. Мабодо ўйинчининг фойда келтириши сўроқ остида бўлса, бу ерда унга жой йўқ. Златан «ПСЖ»да қирол бўлди, «МЮ»да йўлбошчи. Агар йўлбошчи жароҳат олса, унинг ўрнига янгиси сайланади, эскиси эса четда қолиб кетади.
Селекция ходимлари айни пайт ривожланиш билан машғул ва фақат олға интилмоқда. Қайсидир футболчининг келажаги ҳақида қайғуришга уларнинг вақти йўқ.
Йилига 11,6 миллион евро тўлаш - менежмент учун зарар. Бу таклиф ўтган йили бутун дунё диққат марказида турганди. Мазкур шартнома нафақат миллионлар ўйини учун фойдали таклиф бўлди, балки маркетинг томонидан ҳам анча даромад келтирди. Швециялик ҳужумчининг трансфери эълон қилинган илк ҳафтадаёқ клуб Златан футболкалари сотувидан 90 миллион евро фойда кўрди.
Ҳозирда харидорлар оқими бир мунча камайган. Клубда бошқа футболчилар ўзини намойиш этмоқда ва энди уларнинг атрибутлари кўпроқ сотилади. Жароҳатланган футболчига улардан кўпроқ пул тўлаш мантиқан нотўғри, албатта. Мухлислар ва журналистлар сарф-харажатларни ҳисоблашни яхши кўришади.
Шартномадаги маош миқдорини сезиларли тарзда пасайтириш ҳам шубҳали қадам бўларди. Мавсум сўнги драматик тарзда кечди, манчестерликлар бу йўлни чиройли тарзда босиб ўтишди, футболчининг атрибутларидан тушган фойда космик даражада бўлди. Эҳтимол, маош борасида чеклов ўрнатишга ҳожат йўқдир, аммо ҳамкорликни давом эттиришга ҳам айтарли сабаб кўринмаяпти.
«МЮ» футболчига фақатгина биргина сабаб билан янги шартнома таклиф этиши мумкин. Борди-ю, Златан клуб афсонасига айланиб, бутун фаолиятини шу клубга бағишлаган бўлганида бошқа гап. Ҳозирча эса, «Манчестер Юнайтед» шведнинг ўрнини нисбатан ёшроқ ва энг асосийси, муносиб номзод ҳисобига тўлдиришни ўйлаётганини тўғри тушуниш мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
