Дунёда шундай ғайриоддий клублар бор эканки, ўқиб беихтиёр ёқа ушлайсиз. Бугунги саҳифамизда ана шундай жамоаларга тўхталиб ўтамиз.
КЎЗИ ОЖИЗЛАР ЖАМОАСИ
2008 йилда Чехиянинг катталиги жиҳатдан иккинчи ўринда турадиган шаҳри — Брнода жамоа тузилади. Қизиғи шундаки, «БРНО СУПEРСОНИCС» деб аталган жамоанинг деярли ҳамма футболчиси сўқир эди. Фақат дарвозабон кўра оларди, холос. Биринчидан, футболчилар ўйнаётган пайтда трибунада умуман шовқин чиқмайди. Фақат бош ҳакам майдонда футболчилар номини айтгандагина товуш чиқариши мумкин. Шунингдек, футболчилар жароҳат олганларида қуйидаги сўзни қўллашади — «Вой!»
Спортнинг бу кўриниши 1986 йилда Испанияда ўйлаб топилган ва 2004 йилда Олимпия ўйинлари дастурига киритилган. Футболнинг мазкур тури бўйича мутлақ чемпионлар бразилияликлар ҳисобланади.
ХАСТА АЁЛЛАР КЛУБИ
Бирлашган Миллатлар Ташкилоти маълумотларига кўра, Зимбабве аҳолиси энг кўп ОИТСга чалинган мамлакатлардан бири ҳисобланади. Айнан шунинг учун ҳам мазкур давлатда «АРВ Сwаллоwс» номли футбол жамоаси тузилган. Гап шундаки, мазкур жамоа ОИТСни таҳлил қилиб, унга қарши курашувчи препарат номи билан аталган ва жамоа фақатгина ОИТСга чалинган аёллардан иборат. Футбол ўйини бу аёллар учун касалликни унутиш ва чалғиш воситаси ҳисобланади. Ҳар бир ўйин муолажалар орасида ўтказилади. Бу хаста аёллар инсон қанчалик оғир касалликка чалинмасин, барибир, яшашда давом этиши кераклигини исботлаб беришди.
МУРАББИЙСИЗ ЖАМОА
Мазкур жамоа бразилиялик безори ва анархистлар томонидан тузилган. Энг қизиғи, «АУТОНОМОС ФC» жамоаси аъзолари «Ҳаммасини ўзинг бажар» шиорига амал қилишади. Шунданми, жамоада сардор ҳам, бош мураббий ҳам йўқ. Ҳаммасини биргаликда ҳал қилишади. Масалан, журналистлар интервю олмоқчи бўлса, биргаликда интервю беришади. 2012 йилда «Аутономос» қошида яна иккита жамоа тузилди — ёшлардан иборат бўлган ва аралаш. Ушбу жамоа аъзоларининг ҳаммаси тенг.
СУВ ЎРТАСИДАГИ СТАДИОН
1986 йилгача Таиланднинг сув билан ўралган кичиккина қишлоғи — Кох Панида қайиқлар пойгасидан бошқа ҳеч қандай спорт тури йўқ эди. Лекин кейинчалик ташаббускорлар дарахтли майдон ҳосил қилишди ва футбол ўйнай бошлашди. Шу тариқа янги жамоа — «Панйи Буойс» тузилди. Зич қилиб тахланган ва сирпанчиқ майдонда футбол ўйнаш ижобий таъсир кўрсатди — «Панйи Буойс» Жанубий Таиланднинг иккинчи дивизионидаги энг яхши жамоалардан бирига айланди.
ЧEМПИОН РОБОТ-ФУТБОЛЧИЛАР
«ЧИБА БРАИНС ФC» рўйхатимиздаги энг ҳайратга солувчи клуб ҳисобланади. Чунки мазкур жамоа одамлардан эмас, роботлардан ташкил топган. Бу футболчи-роботларни япониялик ихтирочилар яратишган. Ҳатто роботлар 2007 йилда инсонлар билан футбол ҳам ўйнашганди. 2030 йилда бундай одамсифат робот-футболчиларни кенг кўламда ишлаб чиқариш кўзда тутилмоқда. Ишлаб чиқарувчилар мазкур робот-футболчилар 2050 йилларга бориб ажойиб ўйин кўрсатишига, ҳатто жаҳон чемпионати ғолиблигини қўлга киритишига ишонишяпти.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
