Аргентиналик суперҳужумчи Лионель Месси 24 июнь куни 30 ёшни қаршилади. Шу муносабат билан “Барселона” ва Аргентина термаси футболчисига тегишли иқтибослардан энг ёрқинларини танлаб, эътиборингизга ҳавола этмоқдамиз.
Болалиги ҳақида
– Кичкиналигимда дўстларим доим мени сайр қилишга чақиришар, аммо эртага машғулотлар кутиб турганини билганим учун кўпинча уларга рад жавобини берардим. Ҳозиргача ушбу ҳолат сақланиб қолган.
Ватани ҳақида
– 12 йилдан буён Барселонадаман, аммо ҳамон аргентиналикман. Гарчи айрим ҳамюртларимнинг бу борадаги фикрлари бошқача бўлса-да.
Футболга муҳаббати ҳақида
– Ҳозиргача ўзимни ҳамон онамдан тўпни сўраб олиб, кўчага ошиқадиган болакайдек ҳис қиламан. Қачонки, шу туйғу йўқолса, футболдан кетаман.
Камгаплиги ҳақида
– Менинг ўрнимга оёқларим гапиради.
Мақсадлари ҳақида
– Мақсадим – ҳозирги жамоам билан барча совринларни қўлга киритиш.
Индивидуал мукофотлари ҳақида
– Мукофотлар – бу яхши, аммо улар мени эмас, журналистларни ўйлантириши керак.
Ҳал қилувчи баҳслар ҳақида
– Ҳар бир учрашувда бир хил ўйнайман – худди финалда тўп сураётгандек.
Мақтовлар ҳақида
– Бир сафар ўйиндан сўнг “Арсенал” футболчиси ёнимга келиб, мен билан майдонда тўп сурганидан фахрланишини айтди. Бу гапларни ҳозиргина ютқазган жамоа вакили айтаётгани ажабланарли.
Пуллар ҳақида
– Мабодо “Барселона” менга маош беришни тўхтатса, текинга ўйнашга тайёрман. Албатта, моддий рағбат ҳаётни янада қулай қилади, аммо мен бундан илҳомланмайман.
Ташқи кўриниши ҳақида
– Жимжимадор соч турмаги ёки ўзгача кўриниш шартмас. Шунчаки, тўпни беринг ва нимани эплашимни кўрсатаман.
“Барселона”нинг мақсади ҳақида
– Клубимизнинг мақсади битта – имкон қадар кўпроқ турнирларда зафар қучиш.
“Барселона”дан кетиши ҳақида
– “Барса”дан кетасанми?”, деб сўраманг. Чунки менда бошқа жамоада ўйнаш истаги умуман йўқ.
Биринчи фарзанди ҳақида
– Тьяго туғилгач, ҳаётим анча ўзгарди. Ҳозир у мен учун энг муҳим инсондир. Фикру хаёлим доим ўғлимда бўлади.
Ҳайдовчилик ҳақида
– Машғулотга кетаётганимда, автомобиль тезлигини оширмасликка интиламан. Умуман олганда, машина ҳайдашдан роҳатланаман.
Кундалик ҳаёти ҳақида
– Хоҳласам, кўчада бошқаларга ўзимни сездирмаслигим мумкин. Сайрга кам чиқаман, аммо буни кўпроқ оилам даврасида бўлишни хоҳлаганим учун қиламан.
Ҳаётдаги энг муҳим нарса ҳақида
– Мен учун жаҳоннинг энг кучли футболчисига айланишдан кўра, яхши инсон бўлиш муҳимроқ.
“Реал” ҳақида
Давоми
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
