Олий лига 18-турининг марказий учрашувларидан бири Қарши шаҳридаги “Марказий” стадионда бўлиб ўтди. Унда “Насаф” ва “Бунёдкор” жамоалари ўзаро баҳс олиб боришди.
Учрашувга старт берилгандан майдонда кескин кураш бошланди. “Насаф” учрашувнинг дастлабки 15 дақиқасида жуда фаол бўлди. Аммо вақт ўтган сайин ташаббусни "Насаф" рақиб жамоага бериб қўйди. Шундан сўнг жамоаларнинг майдондаги қаршилиги тенглашди. Учрашувда “Насаф” биринчи бўлиб ҳисобда олдинга ўтиб олиш имконига ҳам эга бўлди. Аммо бу имкониятдан фойдаланишни иложи бўлмади.
Учрашувнинг 34-дақиқасида меҳмонлар 11 метрлик жарима тўпи тепиш имконига эга бўлишди. Отабек Шукуров пенальтини аниқ амалга ошириб, жамоасини ҳисобда олдинга олиб чиқди – 0:1. Биринчи бўлим ана шу ҳисобда якунланди.
Иккинчи бўлим бошидан қаршиликлар ҳужумларга зўр беришди. Улар рақиб жамоага нисбатан майдонда устунликка ҳам эришди. Кетма-кет ташкил этилган ҳужумлар орқали гол уриш учун кўплаб имкониятлар яратилди. Аммо бугун ҳеч қайси футболчи “Бунёдкор” дарвозасига йўл топа олмади.
Фақат учрашувнинг 88-дақиқасида тезкор ташкил этилган ҳужумда Бобир Абдухолиқов рақиб дарвозасини ишғол қилди, аммо учрашув ҳаками ўйиндан ташқари ҳолат деб, голни ҳисобга олмади.
Иккинчи бўлимда ҳужумкор ўйин намойиш этган жамоамиз, рақиб дарвозасига йўл топа олмади. Улардан омад ҳам юз ўгирди. Баъзи вазиятларда Суҳробжон Султонов ҳам ўз дарвозасини муқаррар голлардан асраб қолди.
Шундай қилиб, "Насаф" ўз майдонида илк марта мағлуб бўлди. Қимматли уч очкони бой бердик.
ЎзПФЛ 18-тур
“Насаф” (Қарши) – “Бунёдкор” (Тошкент) 0:1. 8517 томошабин
18.08.2017. “Марказий” стадион. 19:30да
Ҳакамлар: Зокиржон Қодиров (Навоий), Обид Жумаев (Навоий), Руслан Самандаров (Навоий), Захира ҳаками: Шуҳрат Ражабов (Бухоро)
Назоратчи: Сардор Нажафалиев (Тошкент)
ЎзПФЛ вакили: Бобур Ҳайдаров.
Гол: Отабек Шукуров, (пен.) 34’-0:1.
“Насаф”: 35.Санжар Қувватов, 2.Акмал Шораҳмедов (с), 6.Азизжон Ғаниев (45.Бобир Абдухолиқов 79), 7.Одилжон Ҳамробеков, 15.Шахбоз Эркинов (20.Ислом Кенжабоев 57), 18.Баҳром Абдураҳимов, 22.Игорь Голбан, 34.Фарруҳ Сайфиев, 69.Драган Черан, 77.Жасур Ҳасанов (14.Шароф Муҳитдинов 70), 92.Умарбек Эшмуродов,
“Бунёдкор”: 32.Суҳробжон Султонов, 3.Исломжон Қобилов, 4.Акром Комилов, 6.Анвар Ғофуров, 8.Жавлон Иброҳимов (с), 9.Шаҳзодбек Нурматов (11.Вадим Чемиртан 62), 17.Достонбек Ҳамдамов (30.Хуршид Ғиёсов 82), 21.Дилшодбек Аҳмадалиев, 22.Шоҳрух Гадоев, 29.Отабек Шукуров, 44.Миржамол Қосимов (28.Давронбек Умиров 68).
Огоҳлантиришлар: Азизжон Ғаниев (33), Шахбоз Эркинов (43) – Шоҳрух Гадоев (19), Жавлон Иброҳимов (32), Акрамжон Комилов (43), Отабек Шукуров (89).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бухоро
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
