Испания кубогининг чорак финал босқичи доирасида кутилмаган натижа қайд этилди. "Реал"нинг "кетмони" ушбу мусобақада ҳам "учмади". Зидан шогирдлари сафарда "Леганес"ни 1:0 ҳисобида мағлуб этганига қарамай, ўз майдонида ушбу жамоага ютқазиб, мусобақани тарк этишди.
Учрашувнинг 31-дақиқасида мезбон ҳимоячиларининг хатосидан кейин Эрасо тўпни эгаллаб олди ва 22 метрлардан ажойиб зарба билан Касилья қўриқлаётган дарвозани ишғол қилди. Иккинчи бўлим бошида Бензема ўткир бурчак остида бўлишига қарамай, яккама-якка вазиятдан унумли фойдаланишга муваффақ бўлди.
Орадан кўп ўтмасдан ҳисоб 1:2га етказди. Бурчакдан етказилган узатмани Пирес бош билан рақиб дарвозасига жойлаб қўйди. Ўйин охирига қадар "Реал" ихтиёрида камида 35 дақиқа вақт бўлса-да, улар ҳисобни ўзгартира олишмади. "Леганес" дарвозабони 2-3та вазиятда қаҳрамонлик кўрсатганини таъкидлаш лозим.
Шу тариқа, икки ўйин натижасига кўра ҳисоб тенг бўлган бўлса-да, сафарда урилган гол қоидасига кўра "Леганес" ярим финалга чиқди.
Шунингдек, "Валенсия" ҳам Кубокдан чиқиб кетишига бир бахя қолди. "Кўршапалаклар" "Алавес" майдонида 1:2 ҳисобида имкониятни бой беришди. Валенсияда ўтган дастлабки ўйинда мезбонлар шундай ҳисобда ғолиб чиқишганди. Қўшимча бўлимларда ҳисоб ўзгармаган бўлса, пенальтилар сериясида "Валенсия" ғалаба қозонди — 3:2.
Испания кубоги ярим финалига чиққан 3та жамоа номи маълум бўлди — "Севилья", "Валенсия", "Леганес". Тўртинчи жамоа номи бугун оқшом бўлиб ўтадиган "Барселона" - "Эспаньол" баҳсидан кейин маълум бўлади.
Испания кубоги, чорак финал, жавоб ўйинлари
Алавес – Валенсия 2:1 (0:0, 2:1, 0:0, 0:0), пенальтилар бўйича - 2:3
Голлар: 1:0 – 73 Мунир, 1:1 – 77 Санти Мина, 2:1 – 86 Собрино.
Алавес – Сивера, Лагуардиа, Дуарте, Агиррегабириа, Эли (Демирович, 85), Ибаи Гомес (Мунир, 72), Пина, Торрес, Педраса, Собрино, Гвидетти (Перес, 72).
Валенсия – Доменек, Рубен Везу, Гайя, Монтойя, Габриэл (Гарай, 23), Максимович (Санти Мина, 77), Парехо, Кондогбиа, Гонсалу Гедеш, Вьетто (Родриго, 59), Дзадза.
Огоҳлантиришлар: Торрес (48), Максимович (50), Рубен Везу (61), Педраса (66), Кондогбиа (79), Мунир (80), Парехо (85), Гонсалу Гедеш (93), Пина (96), Дуарте (97), Санти Мина (103).
Дастлабки ўйин: 1:2
Реал Мадрид – Леганес 1:2 (0:1, 1:1)
Голлар: 0:1 – 31 Эрасо, 1:1 – 47 Бензема, 1:2 – 55 Пирес.
Реал Мадрид – Касилья, Начо, Тео, Хакими (Карвахаль, 68), Рамос, Иско (Майораль, 77), Льоренте (Модрич, 69), Васкес, Ковачич, Асенсио, Бензема.
Леганес – Шампань, Бустинса, Рико, Тито, Сиовас (Мантовани, 58), Брашанац, Пирес, Эрасо, Эль-Жар (Наранхо, 80), Амрабат (Рауль Гарсия, 70), Бовю.
Огоҳлантиришлар: Тито (27), Шампань (75), Рамос (80).
Дастлабки ўйин: 1:0
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
