Тошкент вилоятининг Ўрта Чирчиқ туманидаги “Дўстлик” жамоа хўжалиги “Дўстлик” стадионида янги мавсум ҳозирлигини кўраётган Бекободнинг “Металлург” ҳамда Навоийнинг “Қизилқум” жамоалари ўртасида назорат учрашуви бўлиб ўтди. Қизиқарли ва тенг курашлар остида ўтган ўйинда томонлар муроса кўчасини танлашди – 2:2.
Учрашувда ҳисобни навоийлик футболчилар очишди. Жарима майдони ёнида бекободликлар ўйин қоидасини бузишганди. Жарима тўпини Эркин Бойдуллаев қойилмақом ижро этди – 1:0. Воҳаликларнинг хурсандчилиги уч дақиқага чўзилди холос. Пойтахт вилояти вакилларининг чап қанотдан уюштирган ҳужумини “Қизилқум” ҳимоячилари ўз жарима майдонлари ичида ўйин қоидасига хилоф равишда тўхтатишди. Павел Пуришкинга нисбатан ишлатилган қўполликни Ислом Исоқжонов 11 метрлик нуқтадан жазолаб, ҳисобни тенглаштирди.
Иккинчи таймда бекободликлар устози жамоа таркибини деярли тўлиқ ўзгартирди. Бу бўлимда биринчи бўлиб бекободликлар гол киритишди. 54-дақиқада Соҳибжамол Давлатжонов чап қанотдан таъқибчисидан қочиб кетди. Ўзи ҳам зарба бериши мумкин бўлган жойда Давлатжонов тўпни қизғонмади ва ўнг қанотдан очилиб келаётган жамоадошига узатди. Жасур Ҳасановнинг зарбасини Евгений Черемисин тўса олмади – 2:1.
Ўйинни бекободликлар ўз фойдаларига ҳал этишлари мумкин эди. Ушбу голдан кейин ҳам “Металлург” футболчилари уч бора қулай вазиятдан фойдалана олишмади. Футболнинг “сен гол урмасанг, сенга уришади” деган ақидаси бу ўйинда ҳам ўз исботини топди. Сўнгги йигирма дақиқани катта босим остида ўтказган навоийликлар 76-дақиқада ҳисобни тенглаштиришга муваффақ бўлишди. Жавоб голини Гужа Григолашвили киритди.
"Қизилқум" – "Металлург" – 2:2 (1:1). “Дўстлик” ж/х стадиони. 10.02.2018 йил.
Ҳакам: Элёр Турсунов.
Голлар: Эркин Бойдуллаев (10), Гужа Григолашвили (76) – Ислом Исоқжонов (13-пенальтидан), Жасур Ҳасанов (54).
"Қизилқум": Евгений Черемисин, Гужа Григолашвили, Эркин Бойдуллаев, Нодирхон Камолов, Файзулла Қамбаров, Шерали Жўраев, Дониёр Усмонов, Гиорги Квесиешвили, Неманья Йованович, Хушнид Авилов, Алишер Юсупов.
Заҳирадан тушганлар: Эркин Жабборов, Рустам Аъзамов, Сергей Прохоров, Миржалол Қосимов, Акмал Рустамов, Феруз Бобоқулов, Хумоюн Абдуалимов.
"Металлург": Никита Рибкин, Аброр Ҳусинов, Аббос Отахонов, Шерзод Файзиев, Дилёрбек Ирматов, Павел Смоляченко, Ихтиёр Тошпўлатов, Муҳаммад Исаев, Ислом Исоқжонов, Жасур Ҳасанов, Павел Пуришкин.
Захирадан майдонга тушганлар: Зафар Сафаев, Аброр Тошқўзиев, Алишер Зиёвуддинов, Нодир Мавлонов, Зоҳид Абдуллаев, Акбар Исматуллаев, Соҳибжамол Давлатжонов, Шаҳзод Шайманов, Суҳроб Нуруллаев, Худойшукур Сатторов, Андрей Шипилов-junior, Дониёр Ҳошимов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
