Одатда, болалар футбол билан қанчалик эрта шуғулланишни бошлашса, шунча яхши. Улар вояга етгунга қадар футболнинг сир-асрорларини анча ўзлаштириб олишади. Аммо, шундай ўйинчилар борки, улар футбол билан жуда кеч шуғулланишни бошлаганларига қарамай, анча-мунча натижаларга эришишган. Бугун ана шундай футболчилар ҳақида сўз юритамиз.
Трой Дини
Ҳозирда АПЛнинг кўзга кўринган ҳужумчиси бўлмиш Трой Динининг футболчилик фаолиятини қандай бошлаганини эҳтимол кўпчилик билмаса керак. Энг қизиғи, у ҳеч қандай футбол академиясида тайинли таҳсил олмаган. Ҳайрон қоларли томони шундаки, у ёшлигидан алкагол ичимликларга ўрганиб қолади. Лекин кучли характер эгаси бўлгани учун ҳам бу оғу уни енга олмайди. Ёши 20 дан ўтаётган бир пайтда қурилишда ғишт терувчи бўлиб ишлар эди. Кечалари эса ҳаваскорлар жамоасида хобби учун тўп тепарди. Дини бир куни ўйинга бироз маст ҳолда келишига қарамасдан учрашувда 7 та гол киритиб, ўрта дивизион жамоаси скаутларининг назарига тушади. Ўйин тугаши билан скаут уни жамоасига таклиф қилади. Профессионал жамоа кўригидан ўтгач, унга икки кундан кейин қўнғироқ қилиб жамоага қабул қилинганини, эртага келиб шартномага қўл қўйиб кетишини сўрашади. Дини ўша куни кечаси яна ичади ва эртаси куни шартномага қўл қўйгани бормайди. Шунда клуб мутасаддиларининг ўзлари уни уйига бориб шартномага қўл қўйдиришади. Кейинчалик эса бу форвордни 250 000 еврога «Уотфурд» жамоасига пуллашади. Сўнг Трой бирин-кетин супер мавсумларни ўтказади. Ҳозирда «Уотфурд» жамоаси сардорининг трансфермаркетдаги нархи 11 миллион еврони ташкил қилади. Ажабо!
Петер Шмейхель
Афсонавий дарвозабоннинг 22 ёшгача нима қилганини эшитсангиз, эҳтимол ҳайрон қоларсиз. Футболга 15 ёшида кириб келиб, 2 йилча марказий ҳужумчи сифатида тўп сурган, сўнг ўртада каттагина танаффус қилиб, дурадгорлик, чилангарлик сингари касбларда ишлайди ва яна футболга қайтади. Фақат фарқи шундаки, бу сафар дарвозабон образида катта саҳнага чиқади. У карьераси муобайнида 23 та кубокни қўлга киритган . Уларнинг ичида Европа чемпионлиги ҳам бор эканлиги таҳсинга сазовор.
Ян Райт
Англия тарихида иккинчи ўриндаги энг яхши тўпурар сифатида ҳурмат билан эсланадиган футболчининг ҳам карьераси анча кеч бошланган. Чунки у 14 ёшида «Астон Вилла»га кўрикдан ўтишга келганида, унга рад жавобини бериб юборишган. Сўнг у аламини ишдан олишга қарор қилади. 23 ёшигача заводда ишлайди. Футболга бўлган муҳаббати туфайли ҳаваскорлар жамоасида ҳам тўп тепиб юраверади. Унинг ўйинлари таърифини эшитиб келган «Кристал Пэлас» скаути унга профессионал шартнома таклиф этади. Энг қизиғи, унинг ойлик маошини 100 евро қилиб белгилашади. Ёш йигитча бунга ҳам кўнади ва тез орада омманинг эътиборига тушади. Кейинчалик, Лондоннинг «Арсенал» жамоасига ўтади. У ерда бир қатор кубокларга эга чиқади. Бу орада деярли 7 йил мобайнида терма жамоа сафида ўйинларда иштирок этиб келади ва голлари билан ўз мухлисларини хушнуд этади.
Мирослав Клозе
Асли поляк бўлган бу футболчининг ҳам кечмиши қизиқ старт олган. У ота-онасининг иши сабаб доимо шаҳарма-шаҳар кўчиб юриш билан ёшлигини ўтказади. У аввал бошидан футболни қаттиқ севган, лекин у билан жиддий шуғулланмаган. Чунки 21 ёшга тўлганида аллақачон қўли гул уста бўлиб улгурган эди. Кечалари Германиянинг 5-дивизионида тўп сурарди. Кейинчалик уни 2- лигадаги жамоа таркибига қўшиб олишди. Бундеслигага кўчиб ўтгач, форвард терма жамоа мураббийлар штабининг эътиборига тушди. Сўнг Корея ва Японияда бўлган мундиалда 2-рақамли тўпурар бўлди. Ўзининг охирги мундиалида эса рекорд натижа қайд этиб, жаҳон чемпионатларида энг кўп гўл урган футболчига айланди (16 та).
Дидье Дрогба
Топ бешлигимизнинг энг юқори чўққисида — Дидье Дрогба. У ўсмирлик чоғидаёқ Кот-д’Ивуардан ота-онасидан узоққа, Францияга — амакисининг олдига иш қидирб келади. У 21 ёшгача пул топиш учун қўлидан келган ҳамма ишни қилади. Ҳатто, фаррошлик ҳам. Амакиси ўша даврларни эслаганда кулиб: “Дидье жон сақлаб қолиш учун ўша пайтлари жуда қаттиқ курашган, баъзан суткалаб ишларди”, — деганди. Сўнг футболчи бухгалтерия соҳасида ўқишга киради ва Лемар шаҳрига кўчиб ўтади. Олийгоҳ жамоасидаги ўйинларини кўрган “Генгам” скаутлари уни асосий жамоага таклиф қилишади. ХаётДаги қийинчиликлардан чўчимайдиган қахрамонимиз ўйлаб ўтирмай профессионал футболдаги карьерасини бошлайди. Қисқа фурсатда 80 минг евро эвазига уни “Генгам” харид қилади, сўнг “Марсель” уни 6 миллионга сотиб олади. Орадан кўп ўтмай марселликлар уни “Челси”га нақд 38 миллионга пуллашади. Дрогба карьераси давомида жуда кўп жамоавий ва индивидуал ютуқларга эга чиқади. Ҳар қандай ёш ҳужумчига унинг ўйинлари “мастер класс” сифатида намойиш этса арзийди...
Балки улар ҳаётларининг энг оғир паллаларида қўлларини тушириб юборишганида бундай ғалабаларга эриша олишмаган бўлармиди, эҳтимол уларнинг футболчи бўлиши тақдирларида битилганмиди? Буниси бизга қоронғу. Лекин шуниси аниқки, ҳаётда қийинчиликларсиз катта ютуқларга эришиб бўлмайди…
Яҳёхўжа УЛУҒХЎЖАЕВ
Жалолиддин Қобилжонов
Яҳёхўжа Улуғхўжаев
Ҳасанали ота
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Холис таҳлилчи блоги
Сафарали Сиддиқов
FCB.UZ — бу «Барселона»
Шуҳрат Шокиржонов
Шерзод Ражабов
Қаҳрамон Асланов
