Профессионал футбол лигаси Про-лига клубларини икки гуруҳга ажратганди. Бунда тенг шароитли бўлмаган клубларнинг ўзаро тўқнаш келмаслиги масаласи алоҳида ўрин тутади.
Гарчи Про-лиганининг “Б” гуруҳи клубларида ҳам назарий жиҳатдан Суперлигага йўл олиш имконияти бўлса-да, улардан бунинг учун талаб қилинадиган шартлар бор. Лига пешқадамининг натижаси қандай бўлмасин, агар унинг шароитлари Суперлига талабларига жавоб бермаса, бу гуруҳ клублари плей-офф ўйинларигаёқ қўйилмайди.
Мавсум-2019 учун тайёргарлик
Бунгача Про-лига “Б” гуруҳи клубларига талаблар босқичма-босқич қўйилиши борасида жамоалар раҳбарияти ПФЛ томонидан огоҳлантирилганди. Ташкилот Про-лига клублари ўзини ўнглаб, мавсумга киришиб олгунига қадар қўйиб берди. Энди эса 2019 йилги мавсум ҳаракати июнь ойидан бошланади.
Режага кўра, энди Про-лига клубларидан стадионни яхшилаш масаласи шунчаки талаб қилинмайди. Бир неча йиллар давомида ПФЛ январь ойида стадионларда текширув ўтказиб, мартга қадар уларни таъмирдан чиқаришни талаб қилиб келган. Аслини олганда бу мантиқсизлик.
Боиси, икки ой ичида стадионни талаб даражасига келтиришнинг имконияти йўқ. Қолаверса, клублар ўзида мавжуд бўлган маблағни бутун стадионга сочиб юборади ва ишни хўжа кўрсин учун қилади (косметик таъмир).
Энди эса клублар стадиондаги шароитларни босқичма-босқич яхшилашга ҳаракат қилади. Уларнинг барчаси ПФЛ талаблари асосида бўлиши назоратга олинади. Аввал кийим алмаштириш, ҳакамлар хоналаридан иш бошланади. Август ойида бу хоналар тахт ҳолга келиши керакки, унда Суперлига клублари ҳам оғринмай кийим алмаштира олсин. Сентябрдан бошлаб мактабларда янги ўқув йили бошланади. Шундан келиб чиқиб, Про-лига клублари ўз футбол мактабларини шу ойдан бошлаб ишга тушириши керак.
Аслида Про-лига клублари шундоқ ҳам футбол мактабига эга бўлиши шарт. Бироқ бу ишга бармоқ остидан қарайдиган клублар етарлича. Мактаблар шунчаки ташкил этилиб, кейин қаровсиз қолдирилмайди. ПФЛ буни доимо назорат қилиб боради.
Шу тариқа офисдан тортиб, дренажгача, дарвоза устунлари, тўри-ю, мухлислар сектори ва улар учун ажратилган ҳожатхоналарга қадар босқичма-босқич қурилиши керак. Буларнинг барини бирданига амалга ошириш учун жуда катта маблағ лозим ва уни бирданига топиш имконсиз. Бироқ Про-лигада ўйнаш истагида бўлган ва узоқ йиллик режаси бор жамоалар бу талабларни бажаришга мажбур. 1-2 йил Про-лигада ўйнаб, кейин йўқолиб кетадиган клублардан ПФЛ ҳам, футбол ҳам манфаатдор эмас.
Шу ўринда бир жиҳатни эслатиб ўтиш лозим, ПФЛ талабларини ўз вақтида бажармаган клублар нафақат бу мавсумдан четлаштирилади, балки 2019 йилги мавсумга ҳам қўйилмайди. Ўша клуб раҳбариятидан тортиб, жамоага қадар ПФЛ ишончидан чиқади. Талабларни босқичма-босқич бажаришга бел боғлаган клублар билан эса 2-3 йил давомида иш олиб борилади. Ажаб эмас, шу давр давомида қуйи лига стадионлари, базаларида ҳам ижобий ўзгаришлар кўзга ташланса.
ПФЛ мазкур иш юзасидан умумий йиғилиш ўтказмайди. Балки, ҳар бир клуб билан бирма-бир учрашув бўлиб ўтади. Бунда клуб раҳбариятидан тортиб, сармоядорларга қадар иштирок этиши шарт. Ҳар бир клубнинг иш режаси ҳамда шу клуб қилиши шарт бўлган ишлар ўзаро келишиб олинади. Футбол жамоатчилиги бу режадан бохабар қилинади. Яъни, ПФЛ билан бир қаторда, қолган клублар ҳам, журналистлар ҳам, мухлислар ҳам ўзгаришларни кузатиб бориши мумкин бўлади. Қилинган ишлар юзасидан клублар ПФЛга, ПФЛ эса жамоатчиликка маълумот тақдим этиб боради.
Клублар билан учрашувлар жадвали тез кунда маълум қилинади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
