Сенегаллик ҳужумчини ҳам футбол оламидаги энг олижаноб юлдузлар қаторига қўшиш мумкин. У ҳар қадамда атрофидагиларга яхшилик улашишга мойил.
bombardir.ru сайтининг қуйидаги мақоласи қалби дарё йигитнинг қисқа тарихи ҳақида.
2005 йил. Банбали. Сенегалнинг энг қашшоқ қишлоқларидан бири. Умумий манзара: похол уйлар, тоза ичимлик суви танқислиги. Ҳамманинг нигоҳи кичиккина телевизорда, Европа Чемпионлар Лигаси финалида.
Ўшанда «қизиллар»нинг ақлни шошириб қўядиган буюк «камбэк»ларини бутун қишлоқ бирга томоша қилганди. Футболга асосан оғир ҳаётдан озгина чалғитувчи восита сифатида қарайдиган банбалиликлар ҳам ҳал қилувчи ўйиндаги воқеалар ривожидан шунчаки, ёқа ушлашган ва Хаби Алонсо ҳамда Ежи Дудек каби қаҳрамонлар жасоратидан лол қолишганди.
Четда турган озғин болакай эса тинмай сакрарди. Ҳа, Садио Мане ўша оқшомни жуда яхши эслайди: «Энг яқин дўстларимдан бири биринчи бўлим тугаши ҳамоно бошқа болалар билан ўйнашга югуриб кетди.
У кўп ўтмай, ортга қайтди ва телевизор четидаги 3:3ни кўриб, ҳўнграб йиғлаб юборди. Мен эса уни юпатишга уриндим: «Қўй, йиғлама, қачондир ҳақиқий медаллари ва кубоги бор ўз финалимизда майдонга тушишга ваъда бераман...». Мана, Мане орадан 13 йил ўтиб, айнан «қизиллар» сафида футболчилик ҳаётидаги энг асосий ўйинда иштирок этди.
Диққатга сазовор томони, сенегаллик ҳужумчи Римда «Рома»га қарши кечган ярим финалнинг жавоб ўйини тугаши ҳамоно ўша дўстини эслаб, унга дарҳол қўнғироқ қилиб, алоҳида огоҳлантирибди: «Юсуф, яхшилаб эшит, 26 май куни финал ҳуштаги янграмасидан олдин ҳеч ким ташқарига чиқиб кетмасин...».
Садионинг болалик дўсти ҳозир ҳам Банбалида яшайди. Эндиликда у «Ливерпул»нинг ашаддий ва содиқ мухлиси. Шунингдек, харобазор ерда маҳаллий болаларни шуғуллантиради. «Албатта, Истанбулда бўлган ўша ажиб финални яхши эслайман, Садионинг гапларини ҳам.
Яширмайман, унинг ваъдасини ушалмас орзудек қабул қилгандим. Бироқ қарангки, бу ярамас бола орзуни икки киши учун амалга оширди. Ҳозир мутлақо бахтиёрман. Фақат битта илтимосимни дўстимга етказиб қўйсанглар: биринчи бўлимни 0:3 қабилида бузиб, асабни ўйнатиш шарт эмас», - дейди Юсуф.
Табиийки, Банбалида ҳамма-ҳамма «футбол вируси»га чалинган. Мисол учун, ДАВОМИ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бунёдкор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
