Ҳудудий болалар ва ўсмирлар футбол академияларига қабул жараёнлари давом этмоқда (Фотолавҳалар)
Ўзбекистон Республикаси Президентининг ПҚ-3610-сонли “Футболни янада ривожлантириш чора-тадбирлари тўғрисида”ги қарорига асосан ташкил қилинган ҳудудий болалар ва ўсмирлар футбол академияларига қабулнинг иккинчи босқичи 1 август кунидан бошланганидан футбол ихлосмандларининг хабарлари бор.
Ҳозирда Республикамизнинг барча ҳудудлари бўйлаб болалар ва ўсмирлар футбол академияларига қабул давом этяпти. 2-босқич имтиҳонлари 4 та йўналиш бўйича ташкил қилинган. Биринчи йўналишда болалар икки жамоага бўлиниб, 30 дақиқадан иккита тайм футбол ўйнашади. Ўйин давомида уларнинг майдондаги ҳаракатлари баҳоланади. Иккинчи йўналишда эса улар ўртасида диққат ва эътиборни мустаҳкамлашга қаратилган тестлар ўтказилади. Учинчи йўналишда тўп билан муомала ва тезлик, тўртинчи йўналишда эса дарвозага аниқ зарба йўллаш техникаси текширилади.
Синов жараёнлари шаффоф тарзда ўтишини таъминлаш мақсадида Ўзбекистон футбол ассоциацияси вакиллари назорати ўрнатилиб, жараёнлар видеотасвирга олинмоқда. ОАВ вакиллари томонидан қабул жараёнлари кузатилиб, воқеалар ривожи ёритиб борилмоқда.
Қуйида Самарқанд вилояти болалар ва ўсмирлар футбол академиясига ўтказилаётган қабул жараёнлари акс этган фотосуратларни томоша қилишингиз мумкин.

Манба: www.ufa.uz
Киритилди: 15:10, 15.08.2018. Ўқилди: 2259 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).