Футбол бўйича Россия Федерациясида ўтган Жаҳон чемпионатидан кейинги миллионлар ўйинидаги энг шов-шувли трансфер албатта, “Реал”ни тарк этган португалиялик юлдузнинг “Кекса синьора” сафига ўтган бўлди. Мадриднинг асосий жамоаси мухлисларини қийнаган энг катта савол биргина эди: Роналдусиз “Реал” қандай ўйнайди!? Ким энди ҳужумларни якунлайдию?! Ким “Реал” билан боғлиқ шов-шувли мақолалар сарлавҳасидан ўрин олади?! “7” рақамнинг вориси ким бўлади: Неймар ёхуд Мбаппе?!
“Реал” Мадрид мухлислари чин маънода ваҳимага тушишди. Зиданнинг кетишидан ҳали ўзларига келмаган, “Лос бланкос” мухлисларига шу етмай турувди.
Роналдунинг кетиши у “Реал”га келганидан бери ҳар йили, ёзги трансферлар вақтида газеталарни боқадиган мавзу эди. Мавсум тугайди. Клуб билан боғлиқ ҳар йилги гап: Роналду “Реал”ни тарк этади.
Перес бобо уни Мадридга олиб келаётган чоғда, трансфер баҳосини шу қадар баланд кўтардики, 1 миллиард АҚШ долларини тўлайдиган мард топилиши амри маҳол эди. Лекин ҳар хил миш-мишлар Испания нашрлари, шу билан бирга Европанинг кўплаб футбол ҳақидаги газеталарини бутун ёзги трансферлар пайти боқар эди.
Шу ўринда ўринли ва албатта табиий савол туғилади: Роналду “Реал”сиз қолдими ёки “Реал” Роналдусиз?!
Бу саволнинг жавоби шу қадар мавҳумки, ҳамма иккаласида ҳам ҳақиқат бор дегиси келади, аммо барибир негадир кўнглининг тагида: “Реал” Роналдусиз энди нима қиларкин?! — дея ўзига савол беради.
Тўғри, охирги 9 йилда португалиялик юлдуз Мадридда ўрнатилиши мумкин бўлган деярли барча рекордларни урди, “Олтин тўп”, “Пичичи”лар... индивидуал совринлар... реклама шартномалари... Роналду тарихда ўз номини қолдирди. Айниқса, Мадриднинг шонли тарихида.
Инсон ўртача 70 йил умр кўришини инобатга оладиган бўлсак, 30 ёш аслида ҳаётнинг бошланиши, аммо футболда бу ёш чарп тўп усталарининг қуёши ботиши арафасидаги шафаққа ўхшайди. 2016 йилдан бошлаб биз Роналдудан олдингидек тезлик ва олдингидек югура кетаётган ҳолда амалга оширилиши қийин бўлган финтларни кўришимиз камайди. Юлдуз 30 дан ошганди. Табиат ўз кучини кўрсата бошлаганди, аммо барибир у мавсумда урилган голларини кўпайтирса кўпайтирдики, аммо ҳеч пасламади. Чап қанот ярим ҳимоячиси позициясидан марказий ҳужумчига айланиш бу фақатгина гол уриш маҳорати эмас, аслида қариётган Роналдунинг имкониятларидан борича фойдаланади “Реал”. Зидан уни “сувини сиқиб ичди” десак адашмаган бўламиз.
Роналду “Реал”да ютиши мумкин бўлган барча совринларни олди. Кези келганда Мессидан ўтди, кези келганда Мессига мағлуб ҳам бўлди. У карьерасининг энг юлдузли онларини “Реал” ўтказди бегумон.
“Галактикос” деган клубнинг шафқатсиз ёзилмаган қонунлари бор. 30 ёшдан ошган футболчиларга секин асталик билан унинг кетиш вақти яқинлашаётганини тушунтириш баъзан эмас кўпинча хунук хайрлашиш одати. Фернандо Йерро, Гути...Раул...Касиляьс... Раул ва Касилясдек “Лос-бланкос” афсоналарига ҳатто тузук хайрлашиш уюштирилмаганини Роналду кўрган ва билган. У обрўси борида чиройли кетти. Зидан унга дарс берди чоғи!
Барибир ўша савол очиқ қолаверади шахсан мен учун: “Реал”сиз Роналдуми қолдими ёхуд Роналду “Реал”сиз?!
Беҳруз Али.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
