Испания Ла лигасининг 7-тури доирасида бўлиб ўтган Мадрид дербиси дуранг натижа билан тугади. Биринчи бўлимда "Атлетико" кўпроқ хавфли вазиятларни яратган бўлса, иккинчи 45 дақиқаликда устунлик "Реал" томонида бўлди.
Учрашувдаги илк голга тортадиган вазиятни Симеоне шогирдлари юзага келтирди. 18-дақиқасида Антуан Гризманн дарвозабон билан яккама-якка вазиятга қочиб кетди. "Атлетико" ҳужумчиси тўпни дарвозабоннинг устидан ошириб қўйишга ҳаракат қилди, аммо Куртуа юзи билан зарбани қайтаришга муваффақ бўлди. Орадан 3 дақиқа ўтиб мезбонлар хавфли ҳужум билан жавоб беришди. Жарима тўпи ўйинга киритилганидан кейин Бэйл ўткир бурчак остида зарба берди. Тўп олис устун ёнидан ўтиб кетди.
Учрашувнинг 37-дақиқасида эса Диего Коста "Реал" посбони билан бирга-бир вазиятга чиқиб борди. Бу сафар ҳам Тибо жамоасини муқаррар голдан қутқарди.
"Қироллик клуби" иккинчи бўлимни анча дадил бошлади ва ҳужумкор ўйин намойиш қила бошлади. Ўйиннинг 66-дақиқасида Лопетеги шогирдлари майдон марказидан рақибдан тўпни олиб қўйиб, қарши ҳужум ташкил қилишди. Крооснинг узатмасидан кейин Асенсио жарима майдончаси ичида тўпни қабул қилди ва дарвозабон билан юзма-юз ҳолатда зарба берди. Тўп Облакдан майдонни тарк этди.
"Матрасчилар" иккинчи бўлим давомида тўлиқ ҳимояланишга мажбур бўлишди. Мезбонлар рақиб даврозаси томон кўп босим қилишди, аммо мудофаани ёриб ўтиш уларга насиб этмади.
Шу тариқа, "Барселона" ғалаба қозона олмаган турда "Реал" ва "Атлетико" клублари ҳам очко йўқотишди. Жадвалда "кўк-анорранглилар" ва "қаймоқранглилар" 14 очко билан қўшпешқадамликни юзага келтиришган. "Севилья"да 13, "Атлетико" ҳисобида эса 12 очко мавжуд. Ла лига жадвалида мана шундай зичлик юзага келди.
Испания Ла лигаси, 7-тур
Реал Мадрид – Атлетико 0:0 (0:0, 0:0)
Реал Мадрид – Куртуа, Варан, Начо, Карвахаль, Рамос, Модрич (Васкес, 82), Каземиро, Асенсио, Кроос, Бэйл (Себальос, 46), Бензема (Винисиус Жуниор, 88).
Атлетико – Облак, Хименес, Филипе Луис, Хуанфран, Годин, Коке, Родри Эрнандес (Калинич, 85), Сауль, Лемар (Корреа, 60), Диего Коста (Парти, 69), Гризманн.
Огоҳлантиришлар: Карвахаль (30), Хуанфран (48), Лемар (59), Рамос (61), Коке (70), Начо (90), Корреа (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
