Европа чемпионлар лигасининг 5-туридан "Барселона" клуби гуруҳда 1-ўрин масаласини ҳал қилиб қўйди. Каталонияликлар сафарда "ПСВ"га қарши баҳс олиб боришди.
Биринчи бўлимда ҳисоб очилмаган бўлса, иккинчи бўлимда меҳмонлар ғалабани ўз томонларига оғдиришди. Дастлаб Мессининг зарбасини голландияликлар посбони қайтара олмаган бўлса, орадан кўп ўтмасдан Лео амалга оширган жарима зарбасини Пике рақиб дарвозаси томон буриб юборди. Ўйин тугашига 8 дақиқа қолганида де Йонг ҳисобдаги фарқни биттага қисқартирди.
Ушбу ғалабадан кейин "Барса" ўз очколарини 13тага етказиб, 1-ўринни нақд қилиб қўйди.
Англиянинг "Тоттенхэм" ва Италиянинг "Интер" жамоалари плей-офф босқичига берилган иккинчи йўлланма учун кураш олиб боришди. Бу ўйинда "нерадзурри"ни дуранг натижа ҳам қаноатлантирар эди. Аммо ўйин тугашига 10 дақиқа қолганида Кристиан Эриксен меҳмонлар дарвозасини ишғол қилиб, "шпорлар"га ғалаба келтирди.
Натижада бу икки жамоанинг очколари тенглашди. Қўшимча кўрсаткичлар бўйича "Тоттенхэм" 2-ўринга кўтарилиб олди. Инглизлар сўнгги турда "Барселона" меҳмони бўлса, "Интер" ўз уйида "ПСВ"ни қабул қилади.
Европа чемпионлар лигаси, "В" гуруҳи, 5-тур
ПСВ Голландия – Барселона Испания 1:2 (0:0, 1:2)
Голлар: 0:1 – 61 Месси, 0:2 – 70 Пике, 1:2 – 82 де Йонг.
ПСВ – Зут, Швааб, Тасенде, Думфрис, Виргевер, Перейро (Мален, 71), Хендрикс (Гутьеррес, 71), Лосано, Росарио, Бергвейн (Ромеро, 79), де Йонг.
Барселона – тер Штеген, Пике, Альба, Нелсон Семеду, Лангле, Видаль, Бускетс, Коутиньо (Малком, 69), Ракитич, Дембеле (Денис Суарес, 80), Месси.
Огоҳлантиришлар: Хендрикс (25), Гутьеррес (83), де Йонг (83), Альба (86), Пике (90).
Тоттенхэм Англия – Интер Италия 1:0 (0:0, 1:0)
Гол: 1:0 – 80 Эриксен.
Тоттенхэм – Льорис, Алдервейрелд, Дэвис, Орье, Вертонген, Уинкс (Дайер, 87), Сиссоко, Ламела (Эриксен, 70), Лукас Моура (Сон Хын Мин, 62), Алли, Кейн.
Интер – Ханданович, де Врей (Миранда, 82), Асамоа, Д`Амброзио, Шкриньяр, Наингголан (Валеро, 44), Брозович, Перишич, Весино, Политано (Кейта Бальде, 83), Икарди.
Огоҳлантиришлар: Алдервейрелд (28), Ламела (45), де Врей (70), Сон Хын Мин (73), Валеро (81).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
