Европа чемпионлар лигаси 2018/2019 йилги мавсумида гуруҳ босқичи якунланиб, плей-оффга чиққан 16та жамоанинг номи аниқ бўлди. Демак, навбат нимчорак финал босқичи учун ташланадиган қуръага. Қуръа жараёнида ҳақида маълумот бериб ўтамиз.
Қачон ва қаерда?
Қуръа ташлаш маросими 17 декабрь, душанба куни УЕФА қароргоҳи жойлашган Швейцариянинг Ньон шаҳрида бўлиб ўтади. Тадбир Тошкент вақти билан 16:00да бошланади.
Нимчорак финал иштирокчилари
Гуруҳ босқичида биринчи ва иккинчи ўринни эгаллаган қуйидаги жамоалар нимчорак финал йўлланмасини қўлга киритишди:
Гуруҳ ғолиблари:
"Бавария" (Германия, «E» гуруҳи»)
"Барселона" (Испания, «B»)
"Боруссия" Дортмунд (Германия, «A»)
"Манчестер Сити" (Англия, «F»)
"Порту" (Португалия, «D»)
"ПСЖ" (Франция, «C»)
"Реал" (Испания, «G»)
"Ювентус" (Италия, «H»)
Гуруҳда 2-ўринни эгаллаган жамоалар:
"Атлетико" (Испания, «A»)
"Аякс" (Голландия, «E»)
"Ливерпуль" (Англия, «C»)
"Лион" (Франция, «F»)
"Манчестер Юнайтед" (Англия, «H»)
"Рома" (Италия, «G»)
"Тоттенхэм" (Англия, «B»)
"Шальке-04" (Германия, «D»)
Қуръа механизми
Жамоалар қуръа жараёнида иккита саватчага бўлинади: гуруҳ ғолиблари ва иккинчи ўрин соҳиблари. Бир саватчадан ўрин олган жамоалар бир-бирлари билан тўқнаш келмайдилар. Шунингдек:
— Битта гуруҳдан чиққан жамоалар нимчорак финалда ўзаро тўқнаш келмайдилар.
— Бир мамлакат клублари ҳам бу босқичда ўзаро тўқнаш келишига йўл қўйилмайди.
Масалан: «F» гуруҳидан 1-ўринни эгаллаган ҳолда плей-оффга чиққан Англиянинг "Манчестер Сити" клубига фақат қуйидаги жамоалардан бири рақиблик қилиши мумкин: "Атлетико", "Аякс", "Рома" ёки "Шальке-04".
Ўйинлар қачон ўтказилади?
Гуруҳ ғолиблари дастлабки ўйинни сафарда ўтказишади. Дастлабки учрашувлар 12/13 ва 19/20 февраль, жавоб баҳслари 5/6 ва 12/13 март кунлари бўлиб ўтади. Нимчорак финал тақвими УЕФА мусобақаларни ўтказиш қўмитаси томонидан тузиб чиқилади.
ЕЧЛ-2018/2019 тақвими:
Нимчорак финал, дастлабки ўйинлар — 12/13 ва 19/20 февраль
Нимчорак финал, жавоб ўйинлари — 5/6 ва 12/13 март
Чорак финалга қуръа ташлаш маросими — 15 март
Чорак финал, дастлабки ўйинлар — 9/10 апрель
Чорак финал, жавоб ўйинлари — 16/17 апрель
Ярим финалга қуръа ташлаш маросими — 19 апрель
Ярим финал, дастлабки ўйинлар — 30 апрель/1 май
Ярим финал, жавоб ўйинлари — 7/8 май
Финал. 1 июнь - "Метрополитано", Мадрид
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
