Футбол оламида миллионлаб фанатларнинг меҳрини қозонган футболчилар кўп, лекин гуруч курмаксиз бўлмаганидек футболчиларнинг ҳаммаси ҳам мақтовга лойиқ эмас…
Доннарумма
«Милан» жамоасидаги ажойиб ўйинлари билан кўплаб грандлар эътиборини тортган ёш дарвозабон атрофида кўплаб жамоалар «ўралашиб» қолади. Ўзи шундоқ ҳам қийин аҳволда турган «Милан» учун Доннаруммани қўлдан чиқариб юборишкатта хато бўлар эди.
Дарвозабоннинг агенти айёрликда тенги йўқ Мино Раёла эса уни «Ювентус», «Барселона», «Реал Мадрид» сингари «бели бақувват» клубларга тавсия қила бошлайди.
«Милан» ёш иқтидорни ўз сафида олиб қолиш учун унга янги шартнома таклиф қилади. Доннарумма ҳамма ишни Раёланинг ихтиёрига топшириб, ўзи жараёнга аралашмай, четга чиқади. Раёла «Милан» мутасаддилари билан узоқ давом этган музокараларда Раёла ё уни сотасизлар, ёки жуда ҳам юқори маош белгиланган узоқ муддатли шартнома таклиф қиласизлар, деб туриб олади.
«Милан» бу футболчини олиб қолиш учун катта маош белгиланган янги узоқ муддатли шартнома таклиф этишдан бошқа чора топа олмайди. «Милан» мухлислари ўзи шусиз ҳам қийин аҳволда қолган жамоаларидан ортиқча пул ундираётган дарвозабондан қаттиқ ғазабланадилар. Бир неча бор Доннарумманинг машинаси ойналарини синдириб кетиш билан қониқмаган мухлислар, ҳатто, унинг уйи атрофида митинг ўтказишади.
Тифозилар бунга ҳам қониқмай стадионда уни тинимсиз ҳуштакбозлик билан кутиб оладилар. Ҳатто, бир учрашувда унга 1 АҚШ доллари қийматидаги купюралар уюмини тинимсиз улоқтиришади. Бундай қаршиликни кутмаган қаҳрамонимиз руҳан анча «синади». Ҳозирда Доннарумма аввалгидек иқтидорли ва ишончли ҳисобланмасада, маоши жуда баланд
Мауро Икарди
Мауро Икарди Италияга Аргентинадан энди келган чоғлари Макси Лопез уни қўллаб-қувватлаб туради. Хатто, уни ўз уйида яшашга таклиф қилади. Ёш йигитча ватанидан узоқда, қийинчилик ва етишмовчилик пайтида ватандоши томонидан узатилган ёрдам қўлига ҳиёнат қилади. У Макси Лопезнинг турмуш ўртоғини ўзидан бир неча ёш катта бўлишига қарамасдан йўлдан уради. Бу жанжал охири ажримгача боради…
Икарди энг оғир кунларда ёрдам қилган инсоннинг оиласини бузиб юборади. Бу ҳам етмагандек Лопезнинг собиқ аёлига уйланади ва унинг фарзандларига оталик қила бошлайди.
Италиянинг машҳур мафия оталаридан бири Макси Лопезни ўз қароргоҳига таклиф этиб унга: «Уларни ўлдиришга буюришимни хоҳлайсанми?»- деб сўраган экан. Лопез бундай қасд олишдан бош тортгани ҳақида Италия ОАВ кўп бор бонг урди.
Тоғри, бу воқеа Европада катта шов-шув кўтармади, лекин Аргентинада матбуот Икардини халқ душмани даражасига чиқариб қўяди. Ҳатто, мухлислар уни терма жамоага чақирилмаслигини сўраб мурожаат қила бошлайдилар
Икарди эса ҳеч нарсага парво қилмай, «Интер» жамоасида тўп сурмоқда. У клуб сардори бўлса ҳам мухлислар орасида заррача ҳурматга эга эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).