Бугун бўлиб ўтган учрашув клубларнинг даражасини яққол кўрсатиб берди. Бугун ОЧЛда ҳаракат қилаётган клубларимизнинг ўйинларини тахлил қилишга уруниб кўрамиз.
"Локоматив"
Амалдаги чемпион янги мавсумни анча янгиланган таркибда бошлагани панд бермоқда. Аввалига, ОЧЛда очко олиш мумкин бўлган учрашувда мағлубиятга учраган темир йўлчилар бугун Тошкент дербисида ҳам анча суст иштирок этишди.
Клубда ҳамжиҳатлик ва жамоавий ўйин яхши йўлга қўйилмаган. Абдуҳолиқов ва Раеватс ҳали тўлиқ ўз фўрмасига кириб улгуришмагани яққол намоён бўлди. Бундан ташқари ҳужумларни бошлаб берувчи рольида катта саҳнага чиқиши керак бўлган Искандеров сира ўзига ўхшамаяпти. Унинг кескин ҳужумларлар бошлаб бериши учун яратилган позиция бугун ҳам деярли ишламади.
Андрей Фёдоров сўнгги ўйинларда қанотларга таянган холда позицион ҳужум уйиштиришга мослашган тактикани танламоқда. Бир қарашда устунлик «Локо» тарафида бўлди, аммо вазиятларнинг 80 фоизи ҳавфли тус олмасдан якунига етди. Бу эса, ўз навбатида катта куч йўқотилишига сабаб бўлмоқда. «Локоматив» бугун деярли барча голни қарши хужумлар эвазига ўтказиб юборди. Бу услуб клуб учун фойдадан кўра зарар келтирмоқда.
«Локо» янги мавсумга тўлиқ киришиб кета олмади. Андрей Фёдоров тезроқ жамоани шакллантириши зарур, акс холда ОЧЛ да муҳим очколарни бой беришимиз мумкин!
"Пахтакор"
Шерлар бугунги рақибларига нисбатан янги мавсумга кучлироқ тайёргарлик кўршди дея олмаймиз. Шунчаки Арвеладзе ўз услубига мос футболчиларни ўз жамоасида йиғишни уддасидан чиқди. Клуб сўнгги ўйинларда анча ижобий натижа ва чиройли футбол кўрсатмоқда. Бу эса, ўз навбатида мухлисларнинг стадионга қайтишини таъминламоқда.
Эътиборлиси Арвеладзе шогирдлари ўта ҳамжиҳат ва жамоа сифатида шаклланиб бормоқда. Исталаган футболчи ўрнини тўлиқ боса олувчи футболчининг таркибда бор эканлиги эса, соғлом рақобатни таъминламоқда. Тўғри, айрим камчиликлар йўқ эмас, бироқ қувонарлиси «шерлар» кескир паслар ва ҳавфли қарши хужумга чиқиш эвазига Европа футболини сингдиришга урунишмоқда. Қувонарлиси, клуб ҳужумга ўтганида 3,ё 4 киши билан ҳам жиддий ҳужум уюштирмоқда. Бугунги учрашув сўзларимизга яққол мисол дея оламиз
Арвеладзе таркибдаги ротацияга катта урғу бериши шарт! Йўқса ОЧЛ даги учрашувларда футболчиларимизда чарчоқ аломатлари сезилиши мумкин. Мураббий янги мавсумни яхши бошлади ва шу темпда тугатишига тилакдошмиз.
Хулоса
Икки клубимиз бугунги учрашувда ажойиб ўйин кўрсатишди ва ўз камчиликларини тўлиқ кўриб олишди. Бу камчиликлар ОЧЛ ўйинларигача тўғирланиши керак. Бу икки клубимиз нафақат ўз шаъни, балки ўзбек футболи шаънинии халқаро ареналарда ҳимоя қилмоқдалар. Бундан ташқари уларнинг иштироклари кейинги мавсумда ОЧЛда ҳаракат қиладиган клубларимиз сонини ошириш имкони борлиги, уларнинг елкаларига икки хисса маъсулият юклайди. Умид қиламизки, Ўзбекистон клублари ўз ўйинлари эвазига ОЧЛда 4 та квотамизни ортга қайтара олишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).