Таиланд пойтахти Бангкок шаҳрида ҳаваскор бокс бўйича Осиё чемпионати ярим финал учрашувлари бошланди. Куннинг иккинчи қисмида ўзбекистонлик яна бир боксчи Бобо Усмон Батуров рингга кўтарилди.
-69 кг вазнда рингга чиққан Бобо Усмонга ярим финалда ҳиндистонлик Ашишга қарши рингга чиқди. Беллашув давомида устунликка эга бўлган ўзбекистонлик боксчи якунда ҳакамларнинг бир овоздан берган қарорларига кўра, очколар бўйича ғалаба қозониб, финалга йўлланма олди.
Бунгача Нодиржон Мирзааҳмедов, Миразизбек Мирзаҳалилов ва Санжар Турсунов ярим финал жангларида ғалаба қозониб, финалга йўлланма олганди. Шаҳноза Юнусова ва Шукуржон Раҳимов эса Ўзбекистон терма жамоасига бронза медални тақдим этганди.
Бугун яна 3 нафар ўзбекистонлик боксчи рингга чиқади.
+91 кг: Баҳодир Жалолов – Муҳаммад Мулайес (Сурия)
-57 кг: Ёдгорой Мирзаева – Ю-Тинг Лин (Хитой Тайпейи)
-64 кг: Мафтуна Мелиева – Каур Баат (Ҳиндистон)
Матнда хатолик топсангиз, ўша хатони белгилаб, бизга жўнатинг (Ctrl + Enter).