Бошланган нарсанинг охири бўлади деганларидек ЕЧЛнинг ҳам бу мавсумдаги сўнгги ўйини қолмоқда. Бу мавсумда ҳаммани бир неча бор лол қолдирган ва голлар шоусини тақдим этган турнирнинг якунланишига атиги битта ўйин қолмоқда. У ҳам бўлса, ҳаммасини ҳал қилувчи финал учрашуви. Бугун айнан финал учрашувида Англиянинг қай клуби чемпион бўлади деган савол билан машхур мураббийларга юзланамиз
Жозе Моуринью
Менда финал куни муаммолар бўлади. Нега дейсизми? Сабаби, мен Клопп ва Почеттинони бирдек ҳурмат қиламан. Улар иккиси ҳам бу турнир ғолиблиги учун ҳақли! Бу кубок Юрген учун ҳам, Маурисио учун ҳам ўз клубида биринчиси бўлиши мумкин! Ўйлашимча, бу фатнастик финал бўлади! Шундай бўлсада, менда кўпроқ «Ливерпуль» ижобий ҳислар уйғотмоқда. Улар АПЛ ғолиблиги учун сўнгги турларга қадар кураш олиб боришмоқда ва ЙЧЛда ҳам бирдек кучли ўйин ўтказишни уддасидан чиқишди! Бу таҳсинга сазовар ҳолат! «Тоттенҳем» жамоавий футбол ўйнайдиган кучли клуб бўлсада, имконият «Ливерпуль»да бироз кўпроқ ва улар финал учрашувида фоворит, аммо унутмаслик керакки, фоворитлар ҳар доим ҳам ғолиб бўлавермайди. Бу сўзимга бу мавсумдаги ЕЧЛ исбот бўла олади!
Хосеп Гвардиола
«Ливерпуль» ва «Тоттенҳем» финал учрашувида очиқ футбол намойиш этишларига шубҳам йўқ. Улар ўртасидаги баҳс чиройли ўтиши аниқ. «Ливерпуль» ва «Тоттенҳем» «Манчестер Сити»дан кучлироқ бўлгани учун ҳозир финалда тўқнаш келмоқда. Мен уларнни бу ғалабалари билан табриклайман. Сезган бўлсангиз, Ангилия футболи сўнгги йилларда юқори даражага кўтарилди. Энди қитъанинг гранд клублари мақоми аста-секинлик билан АПЛ клублари қўлига ўтмоқда. Финалда қандай натижа қайд этилишини топиш жуда мушкул. Мен Мадридда бўладиган учрашувда «Ливерпуль»ни фоворит деб биламан. Сабаби, ҳозирги «Ливерпуль» сўнгги 20 йилликдаги энг кучли ва тезкори! Улар ҳозирда бутун Европада тенгсиз бўлиб туришибди!
Арсен Венгер
«Тоттенҳем» маҳкам, уюшқоқ, курашувчан жамоа. Улар майдоннинг ҳар қаричи учун жанг қилишади. Уларнинг таркибида юлдуз футболчилар йўқлиги учун ҳам ғалаба учун ҳамма бирдек ҳаракат қилади. Мен Почеттинонинг клубни бошқарувига келганидаёқ, клубда ўсиш кузатилишига ишонган эдим. Шундай ҳам бўлди. Клопп ўз шогиртлари билан ўтган мавсум ЕЧЛ финалини бой бергани уларга бу финалда руҳий босим ўтказиши мумкин. Сабаби, таркиб ва мураббий ўша-ўша, фақат стадион бошқа ҳолос! Сиз бутун турнир давомида яхши иштирок этишингиз мумкин, аммо финал учрашуви бу бошқа мавзудек гап! Ўта эҳтиёткорлик талаб этиладиган учрашувда асаби мустаҳкамларигина ғолиб чиқиши мумкин.
Ўйлашимча, бу финал асосий дақиқаларнинг ўзидаёқ ҳал бўлади ва «Шпорлар» узоқ кутилган ЕЧЛ совринига эга чиқишади!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
