Трансфер ойнаси очилишига оз вақт қолгани сари клублар фаоллик билан ўзлари учун мос бўлган футболчиларни қидиришга тушиб кетишди. Бугун эътиборингизга амалга ошиши кутилаётган энг шов-шувли трансферлар ҳақида маълумот бериб ўтамиз.
Феллипе Коутиньо :«ПСЖ» ёки «Манчестер Юнайтед»
Дарҳақиқат, «Барселона» бразилиялик футболчининг нархи тушиб кетишидан аввалроқ уни сотиб юбориш пайида. Айни дамда унга потенциал ҳаридор топиш клубга қийинчилик туғдирмаяпти. Сабаби, Коутиньонинг Католониядаги омадсиз мавсумларига қарамасдан унинг иқтидорига ҳеч ким шубҳа қилмаяпти. «Марcа» нашрининг ҳабар беришича ҳозирда «ПСЖ» бу трансферни амалга оширишга яқин турибди. Боз устига, шу кунларда Коталонияда бўлган Неймар, ватандошини Парижга кўчиб ўтишга ундагани ҳақида ҳам фактлар мавжуд. Агарда бу трансфер амалга ошса «ПСЖ»даги бразилиялик футболчилар сони 5 тага етади!
Кейлор Навас «Реал Мадрид»га керак эмас!
Ўзининг ажойиб ўйинлари билан «Реал Мадрид»нинг тарихий ғалабаларига муносиб ҳисса қўшган дарвозабон қанчалар кучли футбол намойиш этмасин, барибир клубдан кетадиган бўлди. Гап шундаки, Перез Куртуа учун анчагина пул сарфлаган ва бу пулларни тўлиқ оқлаш мақсадида унга яна бир мавсум ўйнаш учун имконият берилади. Жамоанинг иккинчи дарвозабони сифатида Зидан ўз ўглини кўрсатмоқда. Ўз-ўзидан Кейлор Навас клуб учун кераксиз ўйинчига айланиб қолмоқда. «Туттоспорт» нашрининг хабар беришича дарвозабонни ўз сафига қўшиб олиш учун «Рома» клуби курашга қўшилган ва Кейлорга асосий таркибда жойни ваъда қилган. Трансфернинг қиймати 10 миллион атрофида бўлиши тахмин қилинмоқда!
Суарез энди «Барселона»га керак эмас!
ЕЧЛдаги мағлубиятдан сўнг «Барса» ўзи учун ижобий хулосалар чиқарди ва бирин кетин янги футболчиларни ўз сафига қўшиб олишда давом этмоқда. Голландиялик икки йигитча, Гризманн келгани етмаганидек, клуб «Арсенал» ҳужумчиси Лягазеттни ҳарид қилмоқчи. Ҳужумчи тезкор ва «Барселона»нинг ўйин фалсафасига тезда кўникиб кетиши мумкин. Бундан ташқари, клуб футболчини ўз таркибига қўшиб олиш учун Луис Суарезни ҳам қўшиб беришлари мумкин дея хабар бермоқда «Мундо Депортиво» нашри. Шунингдек, «Арсенал» ҳам Суарезни таркибига қўшиб олишга қарши эмас. Бу трансфер амалга ошадиган бўлса «Арсенал» яхшигана пул ишлаб олиши мумкин!
Миралим Пянич
«Ювентус» клуби ёзда 3 та футболчини сотиши ҳақида ўз сайтида хабар берганини эшитган бўлсангиз керак. Бу рўйхатда: Барзали, Дибала, Пиянич ўрин олган. Энг қизиғИ шундаки, майдон марказида ажойиб ўйинлари билан ҳамманинг эътиборига тушган Пяничнинг нима учун сотиб юборилиши тушунарсиз. Шунга қарамасдан футболчи бундан ҳеч нарса ютказмайди. Унга ҳозирда «Манчестер Сити» ва «Реал Мадрид» жиддий қизиқиш билдирмоқда. «Мундо Депортиво» нашрининг хабар беришича, «Қаймоқранглилар» Погба билан келиша олмаяпти. Француз жуда катта маош сўрамоқда ва ўз шартларини клуб олдига қалаштириб ташлаган! «Реал Мадрид» Погба вариянтидан воз кечган ҳолдан марказга Пянични олиб келмоқчи. Шунда улар каттагина миқдордаги пулни тежаб қолган бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
